Iwe Ọhụhị Imosiisi ana aa hị́ Ọyịvatụrọda 6:6 - IWE ỌNỊNỊ

⁶ Asị ụ hi ayị avaba ịrẹyị ana a ka yị wụ nịnị ajịnị aanị o.

Iwe Ọhụhị Imosiisi ana aa hị́ Ọyịvatụrọda 6:6 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

2 Ịsamụwẹrị 22:23

Ẹ yị nyị ọda Ohomorihi ikonya ọnị mị jịnẹ. Avaba ọda ọnị ọnị mẹ mị sị ụvọ za nị.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 119:13

Avaba ọda ọnị ụ mẹ vị ọnị mị vaa sị irenu amịị kà.

Ahẹ Ụgama 119:30

Ịzẹyịza m mee sì ka maa mẹ̀ nị, ma raà sị ayị amị tụ́ ịnị ọda awụ.

Ahẹ Ụgama 119:98

Ọda awụ vị ọnị mị sị tụ́ ịnị ayị pooro. Ẹ raà mẹ ka ma yẹ ịrẹyị huna ọnịvị amị nịnị.

Ahẹ Ụgama 37:31

Ọda Ohomorihi anị vị ọnị ọ sị tụ́ ịnị ayị ọ yị vaa sị ahụụ jị ọchị nyee.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ụhịrẹyị 3:5

Sị avaba ayị awụ tụra Ẹnẹyịmavara, asị ụ sị eyi tụra ẹngụ awụ.

Ụhịrẹyị 7:3

Waa tamayị ịrẹyị ọnọọ ụmẹ tụra ụmẹ. A sị ụ zẹẹ ka ayị o hi wu.

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Iruuku 2:51

Dị Ijeesu saasa wa varẹma nọ Ịnazarẹtị nị. Ijeesu ộ ká ịrẹsụ hi yị wa. Dị ọnyị anị sị ịrẹyị ẹnẹnị tụ́ ịnị ayị anị nị.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

2 Anịkọrịntị 3:3

Ọzọza ộ yẹ ka, vị ụ sị mẹẹ nịnị anka iwe ọnị Ọza oni Ohomorihi nyị mẹ ohinọyị ka ọ̀ dọ yị ha chẹrẹ, dị ahịka ẹyị o pe e chẹrẹ ẹ nị. Ẹ yị vị ịsa a sị inyiiki chẹrẹ ọ vị. Ẹ yị rẹ vị ịnị ọparị a chẹrẹ ẹ tụ́. Ama Ụhwẹ Ohomorihi ana yára a sị chẹrẹ ẹ tụ́ ịnị ayị ọza nị.

Iwe Ọhụhị Imosiisi ana aa hị́ Ọyịvatụrọda 11:18

Ẹ sị ọda ẹnẹnị tụ ịnị ayị ọnịrị ịnị ivehu ẹnịnị, ẹ́ chẹrẹ ẹ tụ ịnị iwe, dị ẹ sụ ọ za ụvọ ọnịrị ibe ẹnịnị agụvị ọ vị ịsa ana tama wa ayị ịrẹyị Ohomorihi.

Iwe Ọhụhị Imosiisi ana aa hị́ Ọyịvatụrọda 11:20

Ẹ chẹrẹ ẹ tụ avaba ịrẹsụ ọchị oze irehi ẹnịnị ọnịrị ịrẹsụ oze ọbanyị ọbanyị ene hi ẹkụra ẹnịnị.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

2 Ịjọọnụ 1:2

Agụvị ka ịzẹyịza ọnọọ yà ịnị ayị ayị, vị ọ rẹ vaa yà ịnị ayị ayị pooro nị.