Iwe Ọhụhị Imosiisi ana aa hị́ Ọyịvatụrọda 6:5 - IWE ỌNỊNỊ

⁵ Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Iwe Ọhụhị Imosiisi ana aa hị́ Ọyịvatụrọda 6:5 ပူးပေါင်းရင်းမြစ်များ

1 Ohinọyị 3:3

Isoromọnị vị ana nyayịnẹ sì ịrẹyị Ẹnẹyịmavara dị ọ saasa ọda anị anka Idevidi ada anị mẹ̀ mẹ. Ama aha ọnẹba ọnị raa mịị mẹ̀ ịsọvọ, dị aa rị eturare ịra ịzọọ nị.

2 Ohinọyị 23:25

Ẹ yị vịdị nyị ohinọyị ana ya anka ọnị, dị ẹ rẹ vana nyị ẹngụ anị ịrẹma anị nị. Ộ hẹkẹ Ẹnẹyịmavara, dị ọ sị avaba ayị anị ọnịrị ụhwẹ anị beri ụkata anị saasa ọda Imosiisi nị.

2 Ịtọpa 15:12

Ẹnịnị ê wo oto yi Ohomorihi ka ẹnị vaa sị avaba ayị ẹnịnị ọnịrị ivehu ẹnịnịị hẹkẹ Ẹnẹyịmavara, Ohomorihi ohiku ẹnịnị.

2 Ịtọpa 34:31

Dị Ijosaya jẹẹ gụrị ọhẹ ohinọyị, di o hị́ eku yị Ẹnẹyịmavara kà ọnị vaa wụ́ chire e, dị ọnị sị avaba ayị ọnịrị ivehu na sị ụvọ za ọda anị. Ọnị rẹ vaa sị ịrẹyị oto ọnọọ mẹ̀ ebira mẹ.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Ahẹ Ụgama 31:24

Avaba ẹwụ nịnị ana sị ayị tụra Ẹnẹyịmavara, asị u hí angwa nịnị vụrụ-vụrụ.

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Imatiwu 22:37

Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ!

Ịmaakị 12:30

Sị avaba ayị awụ sì ịrẹyị Ohomorihi Ananyị yị, beri avaba ivehu awụ ọnịrị avaba ịrẹyọyẹ awụ ne beri avaba ụkata awụ!’

Ịmaakị 12:33

A rẹ vọrọ ka ọza ọ̀ sị avaba ayị anị sì ịrẹyị anị, beri avaba ịrẹyọyẹ anị ọnịrị avaba ụkata anị, di ò re sì ịrẹyị ọnọhụva anị anka ẹngụ anị. Ọda ẹẹva ẹnẹnị e huna avaba ịsọvọ ana aā rị ịra ọnịrị ịsọvọ ana vọ bemi-bemi nị.”

Iruuku 10:27

Dị ọnọrụ ọnọọ ka, “Sị avaba ayị awụ sì ịrẹyị Ohomorihi Ananyị yị, beri avaba ivehu awụ ọnịrị avaba ụkata awụ ne beri avaba ịrẹyọyẹ awụ! Di u we re sì ịrẹyị ọnọhụva awụ anka ẹngụ awụ!”

Iwe Ọhụhị Imosiisi ana aa hị́ Ọyịvatụrọda 10:12

Booro aanị, ẹwụ nịnị Anisirẹrị batọ, dị waa wụ̀ ịsị ọnị Ẹnẹyịmavara Ohomorihi ee si hụụnị ụvọ awụ nịnị. Hi angwa Ẹnẹyịmavara Ohomorihi awụ nịnị kẹnẹ, zị ụsẹ ịnị avaba oze anị, sì ịrẹyị anị, sị avaba ayị awụ ọnịrị ivehu awụ hẹkẹ Ẹnẹyịmavara Ohomorihi awụ.

Iwe Ọhụhị Imosiisi ana aa hị́ Ọyịvatụrọda 11:1

Sì ịrẹyị Ẹnẹyịmavara Ohomorihi awụ nịnị, mẹ avaba ịsa ọnị ọ ka yị wụ, saasa avaba ọda anị ịnị ụmẹ tụra ụmẹ.

Iwe Ọhụhị Imosiisi ana aa hị́ Ọyịvatụrọda 11:13

Imosiisi kà ẹnịnị ẹ saasa ọda ọnị raà sị yị wa ajịnị. E sì ịrẹyị Ẹnẹyịmavara Ohomorihi ẹnịnị, dị ẹ sị avaba ayị ẹnịnị hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 13:3

Asị ụ dọ ịrẹyị anị tụ ịzọọ agụvị ka Ẹnẹyịmavara vị ana aa sị zama wụ re ka ọnị ọ yẹ wàa sị avaba ayị wụ sì ịrẹyị anị.

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 19:9

Nyị ẹkụra ẹẹta ọsa tụ ịnị ana vịdị nyị. Ama sị ụvọ za avaba ọda Ẹnẹyịmavara Ohomorihi awụ nịnị ajịnị. Sì ịrẹyị anị, dị ụ vatụra oze anị pooro.

Iwe Ọhụhị Imosiisi ana aa hị́ Ọyịvatụrọda 30:10

Ẹnịnị ẹ̀ẹ wụ́ chire Ẹnẹyịmavara, dị ẹ saasa avaba ọda anị ana a chẹrẹ tụ iwe ọnọnị ana aa sị zụ aza aanị. Ẹ sị avaba ayị ẹnịnị ro ịnẹ varẹma ka a vẹ.

Iwe Ọhụhị Imosiisi ana aa hị́ Ọyịvatụrọda 30:16

Ẹ̀ẹ saasa ọda Ẹnẹyịmavara Ohomorihi ẹnịnị, èe sì ịrẹyị anị, dị ẹ wụ́ chire e, dị ẹ sị ụvọ za ọda anị nị, o vee ze yị wa, dị ẹ vị ẹkụra ana aza anị rụrụ. Ẹnẹyịmavara Ohomorihi ẹnịnị vaa mẹ ka o ze yị wa ịnị ọnị ẹ yaa va dọ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

1 Ịjọọnụ 5:3

Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ,