Iwe Ọhụhị Imosiisi ana aa hị́ Ọyịvatụrọda 6:4 - IWE ỌNỊNỊ

⁴ Batọ ẹwụ nịnị Anisirẹrị, Ẹnẹyịmavara ana vị Ohomorihi vị ọnyara.

Iwe Ọhụhị Imosiisi ana aa hị́ Ọyịvatụrọda 6:4 ပူးပေါင်းရင်းမြစ်များ

1 Ohinọyị 18:21

Di Erija tere pè avaba aza ẹnẹẹ dị ọ ka Ị́zị ụ maanị vaa mẹ ayị ẹẹva nee tù nịnị? Àa vị Ẹnẹyịmavara ọ vị Ohomorihi nị, waā saasa a nịnị! Àa rẹ va vị Ịbaarị yọ nị, waā saasa a nịnị! Aza ẹnẹẹ e yi tụ́ Erija ohi vụrụ-vụrụ.

2 Ohinọyị 19:5

Ịjị Ayịsaya wụ ụtụ oni ohinọyị Ihezekaya tụ́ vẹ,

1 Ịtọpa 29:10

Ohinọyị Idevidi ộ yà ọvịdị avaba ịragụ ana gụ, dị ọ sị ụga yị Ẹnẹyịmavara nị. Ọ kà, Ẹnẹyịmavara, Ohomorihi Ijekọvụ ohiku ayị, ẹwụ á vaa sị ụgaa yị pooro zịna-zịna nị.

2 Ịtọpa 17:9

Ọzọza vị ana sị iwe ọda Ẹnẹyịmavara za ọnị o sị na zụ́ aza ịsa ịnị avaba ẹkụra ene hi Ijuda.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ahẹ Ụgama 78:5

Ohomorihi ộ mẹ̀ ọda anị irenyi-irenyi yị Ijekọvụ ohiku Anisirẹrị ọda ọnọọ vị ọnị ọ ka Anisirẹrị ẹ̀ sị ụvọ za. Ọ kà a yị ohiku ayị ka ẹnịnị ẹ̀ẹ sị ọda ọnọọ zụ̀ ezi ẹnịnị,

Ahẹ Ụgama 86:10

Ẹwụ ịnya chọ̀chọ̀chọ̀ ọ vị Ohomorihi nị. Wâ nyị ụbanyị, avọọ ụ mẹ̀ ịsa ẹbanyị-ẹbanyị nị.

Ayịsaya 42:8

Ẹma vị Ẹnẹyịmavara nị, ịrẹha amị ọ rị avọọ nị; Mẹ yị vaa sị igirima amịị yị ọza ẹnẹsa, Mẹ yị vaa sị ụga amị yị ori ọnyọọnyị.

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ayịsaya 44:8

Asị ayị hụrẹ wụ ịnẹ, Asị u hí angwa. Aanị ka mẹ yị vịdị sị ọ kà a wụ nịnị hụrẹ ụmọrụmọ, ịsị ẹ vaa mẹ? Ẹwụ nịnị ọ vị onivenu amị nị. Áá nyị Ohomorihi ọsa? Eyiye! Ẹ yị nyị ịda ọsa-ẹyị nyị ọsa.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Imatiwu 22:37

Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ!

Iruuku 10:27

Dị ọnọrụ ọnọọ ka, “Sị avaba ayị awụ sì ịrẹyị Ohomorihi Ananyị yị, beri avaba ivehu awụ ọnịrị avaba ụkata awụ ne beri avaba ịrẹyọyẹ awụ! Di u we re sì ịrẹyị ọnọhụva awụ anka ẹngụ awụ!”

Ịjọọnụ 10:30

Ẹmịrị Ada amị vị ọnya.”

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Aniroomi 3:30

agụvị ka Ohomorihi vị ọnya. Ọnị ọ vaa jị ịhị yị Aniju nịnị nị, agụvị ka ệ sị ayị tụra a.

Anẹhwẹsọsị 4:6

Ohomorihi ana vị Ada avaba aza rẹ vị ọnya. Ọnị ọ nyị avaba ịsa nị, dị ọ rẹẹ̄ sị avaba ịsaa mẹ̀ ụkọrọ nị. Ọ rẹ yà ịnị avaba ịsa.

Iwe Ọhụhị Imosiisi ana aa hị́ Ọyịvatụrọda 4:39

Agụvị avọọ, ẹ tamayị ajịnị, asị ayị hi wa ka Ẹnẹyịmavara ọ vị Ohomorihi ana nyị ẹbẹẹba ọnịrị ẹtẹ nị. Ẹ yị nyị ọsa.

Iwe Ọhụhị Imosiisi ana aa hị́ Ọyịvatụrọda 5:6

Ẹnẹyịmavara kà ọnị ọ vị Ohomorihi ẹnịnị ana tù wa hụrẹ Ijipiti ịzị ẹ vịdị vị ọrịhị tụ́ nị.

1 Itimoti 2:5

Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.