Iwe Ọhụhị Imosiisi ana aa hị́ Ọyịvatụrọda 6:2 - IWE ỌNỊNỊ

² Ẹnịrị ezi anị, ne beri aazị ne chire ẹmaazị ẹ̀ẹ ka enee ku orubo, àa nyị ka e hị́ angwa Ẹnẹyịmavara, dị ẹ rẹ saasa ọda anị pooro.

Iwe Ọhụhị Imosiisi ana aa hị́ Ọyịvatụrọda 6:2 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

1 Ohinọyị 8:40

Vavọọ mẹ̀ ẹ yị wa dị ẹnịnị è zụ hí angwa awụ pooro ịnị ẹhẹ ẹnịnị ẹ mẹ̀ ra ịnị ẹtẹ oni u sị yị ohiku ẹnịnị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 128:1

Aza ana nyị angwahi Ẹnẹyịmavara dị ẹ yaa saasa ọda anị ẹ̀ nyarị ịrẹsụ ọyịza.

Ahẹ Ụgama 91:16

Ọ rẹ ka ọnị vaa sị ụhwẹ ọgọdọọ yị wa, dị ọnị dọ wa tụ́.

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 3:16

Ịrẹyọyẹ vị ana a sị ọza ku orubo, dị ọ nyị ẹkẹhị ọnịrị ụbanyị.

Ụhịrẹyị 9:11

Ịrẹyọyẹ vị anaa sị ọza ku orubo.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ezikẹẹrị 20:19

Ọ kà, ọnị Ẹnẹyịmavara ọ vị Ohomorihi awụ nịnị, waa saasa ịrẹyị anị nịnị, dị wa tangwa sị ụvọ za ọda anị nịnị o.

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 11:9

ọnị Ẹnẹyịmavara hị́ eku anị yị ohiku ẹnịnị ọnịrị ezi anị ka ẹ vaa ra a gọdọ. Ẹtẹ ọnọọ oo zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 15:5

Ẹnịnị ẹ̀ẹ saasa avaba ọda Ẹnẹyịmavara ọnị ọnị aa mẹ̀ ọda anị yị wa ajịnị,

Iwe Ọhụhị Imosiisi ana aa hị́ Ọyịvatụrọda 22:7

Wa zụ kụ́ ezi anị ama navọ inomi ọnọọ agụvị ẹhẹ awụ o ze yị wụ, dị u we zụ ku orubo.

Iwe Ọhụhị Imosiisi ana aa hị́ Ọyịvatụrọda 30:19

Ọnị aa sị oze yị wa booro aanị ka ẹ nyị ịnị akakana ẹhẹ ọnịrị usu, a vị Ohomorihi ọ mẹ ize yị a vị Ohomorihi ọ tụ ozirenu hi wa. Agụvị avọọ ọnị ọ sị ẹbẹẹba ọnịrị mẹ ivenu yị ịsị waa nyị. Nyị ẹhẹ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 4:10

Ẹ̀ẹ tamayị ịhị ọnị ẹ jẹẹ ọvịdị Ẹnẹyịmavara ịnị ataba Ịhọrẹbị avọọ? Ịhị ọnọọ vị ọnị Ẹnẹyịmavara kà yị Imosiisi ka ọ hị́ ịragụ vẹ ọvịdị anị, dị ẹẹ wụ́ ịrẹyị anị. Ẹ̀ẹ sị wụ, ẹ vaa nyị angwahi anị ịnị avaba ẹhẹ ẹnịnịị. Ẹnịnị ẹ na sị ịrẹyị ẹnẹẹ zụ ezi ẹnịnị, dị ẹẹ mẹ̀ ẹ.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Iwe Ọhụhị Imosiisi ana aa hị́ Ọyịvatụrọda 5:33

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Iwe Ọhụhị Imosiisi ana aa hị́ Ọyịvatụrọda 6:24

Dị Imosiisi ka Ẹnẹyịmavara ana vị Ohomorihi ẹnịnị ộ kà a ka ẹnị saasa ọda ọnọọ, dị ẹnị nyị angwahi anị nị, ọda ẹnẹẹ vị anaa mẹ ka o sere ẹnị. Avọọ ọ mẹ ya pooro tu ajịnị nị.

Iwe Ọhụhị Imosiisi ana aa hị́ Ọyịvatụrọda 6:7

Tangwa sị ịrẹyị ẹnẹẹ zụ ezi ewu, waa ka yị wa ẹ̀ẹ yaayịtẹ, ịnị eehi, ẹnịnị àa zị ụsẹ oze, ẹnịnị ẹ hụ tịtẹ ọnịrị ẹ̀ẹ ha kwẹẹtẹ.

Ijosuwa 4:24

Ẹnẹyịmavara ana vị Ohomorihi ẹnịnị ọ vavọọ mẹ̀ ẹ agụvị dị anẹkụra ana vọ ẹ yẹ ụkata anị, dị Anisirẹrị ẹ zụ́ nyị angwahi anị pooro zịna-zịna.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.