Iwe Ọhụhị Imosiisi ana aa hị́ Ọyịvatụrọda 5:5 - IWE ỌNỊNỊ

⁵ Imosiisi ka ọnị ọ jẹẹ ịnị akakana ẹnịrị Ẹnẹyịmavara, dị ọnị dọ Ẹnẹyịmavara ịrẹyị ka yị wa nị. Ẹnịnị ẹ yị nyayịnẹ hịrẹ nọ ịrẹsụ ataba agụvị ka e yee hí angwa ịra.

Iwe Ọhụhị Imosiisi ana aa hị́ Ọyịvatụrọda 5:5 ပူးပေါင်းရင်းမြစ်များ

Oyinyima 18:22

Dị aza ẹnẹẹ si hu, dị ẹ yaa nọ Isodọmị nị. Di Abụrahamị ọnị kụkụ yị jẹẹ pè Ẹnẹyịmavara nị.

2 Ohinọyị 18:4

Avaba ịzị aza anaā hẹkẹ orii yaa mẹ ori, vị oni o du ha saka-saka; di o wu ọhẹ ẹnẹ ẹ sị ịrẹta mẹ jẹẹ nị. Uyi Asẹra ori ọnẹẹ ẹnịnị vị ọnị ọ gara ha. Â nyị ẹ́wụ́ ọnị Imosiisi sị enyusẹ mẹ vị ọnị ọ rẹ gara ha. Ẹwụ ọnọọ aā hị́ Inehusitanị nị. Va ngụ ụmẹ ọnọọ, Anisirẹrị nịnị vị anaa rị eturare ịraa yị ẹ́wụ́ ọnọọ.

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ọyịkụra 19:16

Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị.

Ọyịkụra 19:21

dị Ẹnẹyịmavara kà: “Chi na di we ne hú aza ẹnẹẹ ụvọ ka asị ẹ na para ẹhwị ịzị a sị ịsa jị ẹtẹ ka vị ẹnị aa vaa dà eyi gẹ re mi nị. Kà a ka ẹ̀ẹ vavọọ mẹ ọrụrụ-ọrụrụ ẹnịnị vi ene ee su ha.

Ọyịkụra 19:25

Ịzẹyịza di Imosiisi chi ne tù aza ẹnẹẹ dị ọ vavọọ kà a yị wa nị.

Ijeremaya 30:21

Ọ kà, ịnị ẹngụ ẹnịnị ẹ vaa nyị ọdọvịdị ẹnịnị ọnịrị ohinọyị ẹnịnịị hụrẹ nị. Ọnị vee turaa pe ẹngụ dị ọ gụrị ọnị, agụvị ka ẹ́ yị nyị ọza ana nyayịnẹ ka pe ọnị ẹ̀ẹ vị ọnị hị́ ọ.

Ịrịka 16:48

Dị ọ jẹẹ ịnị akakana aza ana yara ọnịrị aza ene su nị, dị uswọọza za ụvọ jẹẹ nị.

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Iwe Ọhụhị Imosiisi ana aa hị́ Ọyịvatụrọda 5:27

Dị ẹ ka, Imosiisi ọ na wụ̀ avaba ịrẹyị ọnị Ẹnẹyịmavara ana vị Ohomorihi ẹnịnị ọ̀ọ ka dị ọ̀ ka enube yị ẹnị. Ẹnị vaa wụ dị ẹnị saasa a.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.