Iwe Ọhụhị Imosiisi ana aa hị́ Ọyịvatụrọda 5:12 - IWE ỌNỊNỊ

¹² Ẹ za ido ẹkụhị ụhwọtụ, Ẹnẹyịmavara ana vị Ohomorihi ẹnịnị ọ̀ mẹ ọda ọnọnị yị wa nị.

Iwe Ọhụhị Imosiisi ana aa hị́ Ọyịvatụrọda 5:12 ပူးပေါင်းရင်းမြစ်များ

Inehemaya 13:15

Ụmẹ ọnọọ ịnị ẹtẹ Ijuda mê re aza anaa kwọrọ ẹtụtụ ịnị ẹkụhị ụhwọtụ. Aza ẹnyị ee kune akụ, eche, igirepi, ihwigi, ọnịrị ẹnya ana vọ tụra ịkẹrịkẹtẹ, dị ẹyaa kụ ọ vẹ Ijerusarẹmị ịnị ẹkụhị ụhwọtụ nị. Dị mị kà wa ọnọ ka asị ẹ vana ná ịsọyịrị ẹkụhị ụhwọtụ nị.

Ọyịkụra 16:23

Di Imosiisi kà a yị wa dị ọ ka, “Ọda ẹnị Ẹnẹyịmavara mẹ yị. Ọ kà ụhwọọ vị ẹkụhị ụhwọtụ. Ẹnẹyịmavara ọ nyị ẹkụhị ụhwọọ nị. Ọpa oni u weè sì ka waa wara, ụ wara a nịnị, du wa rẹ hụ́ ọpa oni wèe sì ka waa hụ́. Ana àa vọ sị ọ hụrẹ ẹtẹ na tẹ̀ tù ẹnẹnẹ.”

Ọyịkụra 16:30

Ịzẹyịza dị aza ẹnẹẹ aa tụ́ ụhwọ ịnị ịhị ọ tụ́ ọ ẹkụhị ịhịmba nị.

Ọyịkụra 31:13

“Re ka waa za ido ẹkụhị ọnị mị sị tụ́ ụhwọ. Ẹkụhị ọnọọ vị ọnị ụ vaa sị tamayị ịzẹzẹ ọnị ụ zẹẹ mị nịnị pooro ịrẹma ụhwọọ. Ọ vaa mẹ ka wa yẹ nịnị ka ẹma vị Ẹnẹyịmavara ana sị wụ nịnị mẹ aza amị nị.

Ọyịkụra 31:15

Ụ vaa mẹ̀ ụkọrọ ịnị akakana ẹkụhị ịhịnọnyị. Ịhyẹgwịhịmba vị ẹkụhị ụhwọtụ. Ẹnẹyịmavara ọ nyị ẹkụhị ọnọọ nị. Ọza ana àa mẹ̀ ụkọrọ ịnị ẹkụhị ụhwọtụ à wụ̀ ọ.

Ayịsaya 56:6

Ẹnẹyịmavara ộ kà a yị anẹkụra ọsa ẹnẹẹ ana raà sị ẹngụ ẹnịnị va yị ọnị, di e sì ịrẹyị anị, dị ẹ rẹ yaa mẹ ụkọrọọ yọ; aza anaa saasa ọda ẹkụhị ụhwọtụ, dị ẹ sị ịzẹyịza jẹẹ tụ ịnị oto ọnị ọnị wo yị wa:

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Ijeremaya 17:22

Asị e chema ịsị ọnyọọnyị hụụnị eehi ẹnịnị tụ ẹhẹ ẹkụhị ụhwọtụ. Asị ẹnịnị mẹ̀ ụkọrọ ọnyọọnyị ẹkụhị ụhwọtụ. Ẹnịnị ẹ̀ẹ saasa ẹkụhị ọnọọ, ka ẹkụhị ọnị Ohomorihi sị tụ irenyi ọ vị nị. Avọọ ọnị mẹ mẹ̀ ẹ ọda yị ohiku ẹnịnị nị.

Ịmaakị 2:27

Dị Ijeesu rẹ kà a yị wa ka, “Ohomorihi ộ mẹ̀ ẹkụhị ụhwọtụ agụvị aza; ọ́ yị mẹ aza agụvị ẹkụhị ụhwọtụ.

Iwe Ọhụhị Imosiisi ana aa hị́ Ọyịvatụrọda 5:13

Ịnị akakana ẹkụhị ịhịnọnyị mẹ avaba ụkọrọ ọnị wàa nyị.