Iwe Ọhụhị Imosiisi ana aa hị́ Ọyịvatụrọda 5:10 - IWE ỌNỊNỊ

¹⁰ Ama ọza ene èe sì ịrẹyị anị, dị ọ sị ụvọ za ọda anị nị, ọnị re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Iwe Ọhụhị Imosiisi ana aa hị́ Ọyịvatụrọda 5:10 ပူးပေါင်းရင်းမြစ်များ

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 34:7

Ọ kà onii sì ịrẹyị otomiroku aza. Ọ kà ẹ̀ẹ mẹ̀ ebira odivi, dị ẹ daka kwẹẹtẹ tù ọnị nị, ọnịị̄ vagu wa ịnị ịsa odivi ẹnẹ ẹ̀ẹ vavọọ mẹ. Ọ kà ama ọza ọ̀ọ rị ịvị, ẹ yị zụ nyị ka ọnị ọ yị sị ụya rị ọ. Ọ kà ọza ọ̀ọ mẹ ịvị ezi ọza ọnọọ ịrẹma-ịrẹma vị ana aa rị ụya anị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ịdanịyẹrị 9:4

Ịdanịyẹrị ka ọnị ộ mẹ̀ aduwa, dị ọnị dọ irenu ịvị ẹnịnị yị Ẹnẹyịmavara ana vị Ohomorihi anị nị. Dị ọnị kà, Ohomorihi Ananyị yị, ọnị ộ banyị dị ọ rẹ nyị avaba ụbanyị nị. Ọnị ọ rẹ yị ma sị ahụ jịnẹ ịrẹyị ọnị ọnịrị ọza ka tịtẹ nị, ọza ene sì ịrẹyị anị dị aā mẹ̀ ịsa ọnị ọ mẹ ọda anị yọ vị ọnị o sị ịrẹyị anị pooro.

Ịrịka 14:18

Ẹnẹyịmavara ọ mā hụra kụ́ ayị. Oo sì ịrẹyị ọza ẹtẹẹtẹrẹ, dị ọọ̄ vagu avaba ebira ọnịrị akamawụ aza. Ama ọọ̄ sị ụya rị ọza anaa mị ebira odivi nị. Ụya ebira odivi ẹnịnị ọ yị hụrị ịrẹsụ ẹnịnị paa.

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 7:12

“Wàa wụ ọda ẹnẹnị nịnị, dị ụ sị ịzẹyịza aa saasa wa nịnị nị, ịjọnọọ, Ẹnẹyịmavara, Ohomorihi awụ nịnị vaa jẹẹ ịrẹsụ oto oni o wo yị wụ nịnị. O vee sì ịrẹyị awụ nịnị pooro anka ọ́ mẹ̀ wo oto yi ohiku awụ nịnị.

Iwe Ọhụhị Imosiisi ana aa hị́ Ọyịvatụrọda 7:9

Tamayị ka Ẹnẹyịmavara Ohomorihi awụ nịnị ọnị ịnya ọ vị ọnịzẹyịza nị. Ọ vaa sị ụvọ za oto ọnị ọ wo, dị aa sị oyisì anị zụ evere awụ ịrẹmị-ịrẹma oze akahị.

Ijemiisi 1:25

Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.