Iwe Ọhụhị Imosiisi ana aa hị́ Ọyịvatụrọda 4:9 - IWE ỌNỊNỊ

⁹ Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 4:9 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

Ọyịkụra 10:2

Ẹnẹyịmavara rẹ ka ịtọpa ọnọnị vị ọnị Imosiisi nịnị vaa kà a yị ezi ẹnịnị ọnịrị ezi ẹnịnị ịrẹma-ịrẹma. Ọ kà ọ vaa pa ịtaa zụ̀ wa ọnị mẹmẹ sị Anijipiti mẹ ịyẹyẹ, dị ọnị mẹ ịvọpa ịda ẹnịnị. Ẹnẹyịmavara rẹ ka oni ee sì ka ẹ̀ yẹ ka ọnị ọ vị Ẹnẹyịmavara nị.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ụhịrẹyị 1:8

Ozi emi, wụ́ ịrẹyị ada awụ, dị asị ụ si eyi wụ́ ịrẹyị ọnyị awụ.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ụhịrẹyị 3:21

Ozi emi sị ụvọ za ịrẹyọyẹ awụ. Asị u ne e ta.

Ụhịrẹyị 7:1

Ozi emi, saasa ịrẹyị ọnị mị ka yị wụ. Asị ụ zẹẹ ka ayị o hi wụ.

Ayịsaya 38:19

Ọza ana yara ọ zụ ga wụ anka mm ma mẹ ajịnị aanị. Aza ana ma ezi ẹ̀ ka yị wa ẹwụ Ohomorihi mẹmẹ nyị ịzẹyịza nị.

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Ijeremaya 17:21

Ẹnẹyịmavara kà, ẹnịnị ee sì ịrẹyị ẹhẹ ẹnịnị, asị e chema ẹnya ọnyọọnyị ẹkụhị ụhwọtụ. Asị e chema ịsị ọnyọọnyị zị oze ana a zịị̄ ngụ Ijerusarẹmị para hu ẹkụhị ụhwọtụ.

Iruuku 8:18

Agụvị avọọ sị eyi pe ẹngụ awụ nịnị, ụ mẹmẹ aa wụ́ ịrẹyị nịnị! Ọza ana àa nyị ịsa, vị Ohomorihi vaa dàa tụ́ ọọ yọ nị. Ọza ẹnẹ ẹ̀ yị nyị, oyichee ọnị ọ hyakụ nyị, di aa dọ ọ hụrẹẹ ụvọ.”

Anẹhwẹsọsị 6:4

Ẹwụ nịnị ada ozi, asị ụ mẹ̀ ka ezi ewu nịnị ẹ̀ kụ́ ayị! Ama waa pá waa tụ́ ini oze Ikirisiti nịnị, dị ụ waa sị ịrẹyị Ananyị yịị zụ̀ wa nịnị.

Iwe Ọhụhị Imosiisi ana aa hị́ Ọyịvatụrọda 11:19

Ẹẹ zụ ọ yị ezi ẹnịnị ụmẹ tụra ụmẹ, ẹ̀ẹ ya ini eehi, ẹ̀ẹ yaa zị ụsị oze, ẹ̀ẹ hụtẹtẹẹ aa tụ́ ụhwọ́, ọnịrị ẹ̀ẹ kwẹẹtẹ.

Iwe Ọhụhị Imosiisi ana aa hị́ Ọyịvatụrọda 12:1

Ẹsẹnị ẹ vị ọda ọnị ẹ vaa saasa ịnị ẹtẹ ọnị Ẹnẹyịmavara, Ohomorihi ohiku ẹnịnị raà sị yị wa ka ẹ ra a ịnị avaba ẹhẹ ẹnịnị ịrẹsụ ọnọnị.

Iwe Ọhụhị Imosiisi ana aa hị́ Ọyịvatụrọda 16:3

A sị ụ rị ịsa ọnyọọnyị ana sị òwù tụ. Pooro dị ọ mẹ ẹkụhị ịhịmba, ịsa ọnị ọza ẹ̀ yị sị òwù tụ ụ vaa rị nịnị beri uye ọnọọ nị. Ịsọyịrị ụya ọ vị nị. Ụ́ maa hụrị Ijipiti nịnị, eyiha-eyiha ụ sị hụụ ịzọọ nịnị nị. Pooro ịnị ẹhẹ awụ nịnị, avọọ u mẹ̀ vaa tamayị ẹkụhị ọnị ụ sị hụrị Ijipiti, ịzị ụ ya rị ụya nịnị nị.

Iwe Ọhụhị Imosiisi ana aa hị́ Ọyịvatụrọda 17:19

Ohinọyị ọ sị iwe ọda ọnọnị pe ẹngụ, dị ọọ ka a ịnị avaba ẹhẹ anị agụvị ọ kọsẹ a mẹ vọrọ ka ọ nyị angwahi Ẹnẹyịmavara, dị ọ saasa avaba ịsa ana kà tụ ịnị iwe ọnọọ.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.

Iwe Ọhụhị Imosiisi ana aa hị́ Ọyịvatụrọda 31:19

Chẹrẹ ahẹ ọnọnị tịtẹ, zụ yị Anisirẹrị nịnị, dị ẹẹ jị ọ. Ahẹ ọnọnị vaa vị ivenu anị tụra wa ịrẹsụ.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.

Iwe Ọhụhị Imosiisi ana aa hị́ Ọyịvatụrọda 4:10

Ẹ̀ẹ tamayị ịhị ọnị ẹ jẹẹ ọvịdị Ẹnẹyịmavara ịnị ataba Ịhọrẹbị avọọ? Ịhị ọnọọ vị ọnị Ẹnẹyịmavara kà yị Imosiisi ka ọ hị́ ịragụ vẹ ọvịdị anị, dị ẹẹ wụ́ ịrẹyị anị. Ẹ̀ẹ sị wụ, ẹ vaa nyị angwahi anị ịnị avaba ẹhẹ ẹnịnịị. Ẹnịnị ẹ na sị ịrẹyị ẹnẹẹ zụ ezi ẹnịnị, dị ẹẹ mẹ̀ ẹ.

Iwe Ọhụhị Imosiisi ana aa hị́ Ọyịvatụrọda 4:15

Ẹnẹyịmavara mẹ̀ beri ẹwụ nịnị ka ịrẹyị hụụnị ịra ịrẹsụ ataba Ịsịnayị ẹ yị nyị ịsọnyịsọnyị ọnị ụ rẹ. Ẹnịnị ee sị ọyịza yị ẹngụ ẹnịnị, ẹ sị eyi pe ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Iwe Ọhụhị Imosiisi ana aa hị́ Ọyịvatụrọda 6:12

Asị ụ hi ayị Ẹnẹyịmavara ana tụ wụ hụụnị irehi ọrịhị ịnị Ijipiti.

Iwe Ọhụhị Imosiisi ana aa hị́ Ọyịvatụrọda 6:2

Ẹnịrị ezi anị, ne beri aazị ne chire ẹmaazị ẹ̀ẹ ka enee ku orubo, àa nyị ka e hị́ angwa Ẹnẹyịmavara, dị ẹ rẹ saasa ọda anị pooro.

Iwe Ọhụhị Imosiisi ana aa hị́ Ọyịvatụrọda 6:20

Ụmẹ vaa vẹ ọnị ezi ewu nịnị vaa họ̀ wụ ụsẹ ka ịsị ẹ vị uruvo ọda ọnị Ẹnẹyịmavara ana vị Ohomorihi aanị vị.

Iwe Ọhụhị Imosiisi ana aa hị́ Ọyịvatụrọda 6:7

Tangwa sị ịrẹyị ẹnẹẹ zụ ezi ewu, waa ka yị wa ẹ̀ẹ yaayịtẹ, ịnị eehi, ẹnịnị àa zị ụsẹ oze, ẹnịnị ẹ hụ tịtẹ ọnịrị ẹ̀ẹ ha kwẹẹtẹ.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 8:14

ịjọnọọ dị wee wụ, dị ụ hị́ ayị Ẹnẹyịmavara, Ohomorihi ana kụ wu nịnị hụrị ẹtẹ Ijipiti ịzị a za wụ nịnị ọrịhị.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ijemiisi 2:22

Wee re ka Ábụrahamị mẹ̀ sị ayị tụra Ohomorihi, ọ rẹ sị vị ebira mẹ?

Ijosuwa 1:18

Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

Ijosuwa 23:11

Agụvị avọọ sị eyi pe ẹtẹ, di u wee sì ịrẹyị Ẹnẹyịmavara Ohomorihi awụ nịnị.

Ijosuwa 4:21

Dị ọ kà yị Anisirẹrị ka ezi ịrẹma-ịrẹma ẹnịnị vaa họ̀ wa use ka ịsị ịrẹta ẹnẹẹ jị yị

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.

Ọdọvịdị 8:34

Ẹnịnị ẹ yị rẹ va na tamayị avaba ọyịza ọnị Ijerubaari ana ra hị́ Igidiyọnị mẹ yị wa Anisirẹrị nịnị dị ẹ hyakụ va mẹ ọyịza yị evere anị bẹẹ.