Iwe Ọhụhị Imosiisi ana aa hị́ Ọyịvatụrọda 4:7 - IWE ỌNỊNỊ

⁷ Nyị anẹkụra ọsa ana nyị ori ana gụrị wa anka Ẹnẹyịmavara Ohomorihi mẹ gụrị ẹnị. Ụmẹ tụra ụmẹ ọnị ẹnị ẹ̀ hị́ ọ kẹnẹ ọọ̄ wụ ẹnị nị.

Iwe Ọhụhị Imosiisi ana aa hị́ Ọyịvatụrọda 4:7 ပူးပေါင်းရင်းမြစ်များ

2 Ịsamụwẹrị 7:23

rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị.

Ahẹ Ụgama 145:18

Ẹnẹyịmavara ộ gụrị avaba aza ana sị ayị ọnya nowu na za a.

Ahẹ Ụgama 147:20

Nyị anẹkụra ọsa ọnị ọ maanị mẹ yị; ẹnịnị ẹ yị yẹ ọda ọnị ọ mẹ Waa kụ́ Ẹnẹyịmavara avọ nịnị.

Ahẹ Ụgama 148:14

Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị. Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ Waa kụ́ Ẹnẹyịmavara avọ nịnị.

Ahẹ Ụgama 34:17

Ọza ana aa mẹ ịzẹyịza ô nowu na za Ẹnẹyịmavara, dị ọba a owu, dị ọ dọ ọ tụ́ hụụnị avaba akanya anị nị.

Ahẹ Ụgama 34:18

Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi Aza ana ayị anị vavọọ du vị ọnị ọọ̄ dọ ọ há.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ahẹ Ụgama 73:28

Yị ẹmị, ò ze ka ma gụrị Ohomorihi. Ẹnẹyịmavara Ochẹtẹẹngụ ọ sị mị tẹ nị, Avaba ịsa oni Ohomorihi aa mẹ vị ọnị mị vaa kà a zụ̀ aza.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ayịsaya 55:6

Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Ịrịka 23:9

Ọnị ee re wa hụrị ịrẹsụ ataba, ẹnịrị aza ẹ yị vahụra. Ẹẹ jẹẹ te yị ẹngụ ẹnịnị nị.

Odeyi 17:27

Ọ vavọọ mẹ, agụvị aza èe sì ọọ, ịsavọọ è zụ re e. Ẹ yị vị ka vị Ohomorihi noze rịrị ọzịnya-ọzịnya ayị nị.

Iwe Ọhụhị Imosiisi ana aa hị́ Ọyịvatụrọda 26:19

Ọ vaa mẹ̀ wụ nịnị banyị hụụnị Anẹkụra ọnyọọnyị ọnị ộ tụ́. Ụ vaa sị ụga ọnịrị ụbanyị yị ịrẹha anị. Aza anị ụ vaa vị anka ô me wo oto nị.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 4:32

Ọ kà e họ̀ use ịsa ana mẹ̀ ịyẹẹyẹ, dị a va yẹ ka â ma wa, e họ̀ use nee tu ụmẹ ọnị Ohomorihi sị tụ́ ọza vẹ ẹhẹ. Ẹ sị avaba ẹhẹ họ̀ use ka áá nyị ịsa ọbanyị ana vịdị maanị mẹ da? Áá nyị ọza ana vịdị wụ̀ ẹngụ ịrẹyị ọnọnị da?

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!