Iwe Ọhụhị Imosiisi ana aa hị́ Ọyịvatụrọda 4:6 - IWE ỌNỊNỊ

⁶ Ẹnịnị mẹmẹ sị ịzẹyịza saasa a ọ̀ vaa sị zụ anẹkụra ana vọ ka ẹnịnị ẹ yẹ ịrẹyị nị. Anẹkụra ẹnẹnị ẹ̀ wụ́ ịrẹyị ọda, dị ẹ yaa ga wa ka ẹ̀ nyị ịrẹyọyẹ ẹnẹmẹhị.

Iwe Ọhụhị Imosiisi ana aa hị́ Ọyịvatụrọda 4:6 ပူးပေါင်းရင်းမြစ်များ

1 Ohinọyị 4:34

Avaba anẹkụra vị ana aa vẹ ka ẹnị va wụ́ ịrẹyị ịrẹyọyẹ Isoromọnị. Ohinọyị nịnị hụrẹ avaba ẹhẹ ệ wụ́ ọ mẹ̀ mẹ yẹ ịrẹyị, dị ẹ tụ́ aza ka ẹ̀ va wụ́ ịrẹyị ọnị ọ kà nị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ahẹ Ụgama 19:8

Avaba ọda anị vị ana vọrọ, ọza ana sị eyi pe è, ẹ vaa jẹ Ọda Ẹnẹyịmavara ộ gụ, ọ zụ sị eyi ọza hweyi.

Ụhịrẹyị 1:4

Ọnị ọọ̄ si eyi obeduu hweyi nị, dị ọ mẹ̀ ka ezweyi ẹ yẹ ịsa, dị ẹ yẹ ịrẹyị.

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 14:34

Ịzẹyịza vị anaā sịị ẹkụra kà a tụ ọvịdị ama ebira odivi vị anaā mẹ̀ ụhị nyị ẹkụra.

Ụhịrẹyị 14:8

Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ezikẹẹrị 5:5

Ẹnẹyịmavara Ana nyị avaba ụkata ka, ré Ijerusarẹmị nịnị. Ọnị ọ̀ mẹ ka ọ̀ yà ịnị akakana avaba ẹhẹ, dị ẹkụra-ẹkụra ana vọ ẹ̀ ra kara a nị.

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịdanịyẹrị 4:9

Ịbẹtịsaza, ohirẹsụ aza eneē re ẹtẹ, ọnị ộ yẹ ka Ohomorihi ộ jẹẹ yọ ịrẹma, ọnịrị ka ẹ yị nyị ịsa ana tẹ ọnị ẹ̀ yị yẹ. Aarịhịnị, aanị ọnị mẹ ra ụra nị. Ọ̀ navọ ọ̀ kà iruvo anị yị ọnị.

Ihoseya 8:12

Ẹnẹyịmavara kà avaba a mẹ vọrọ ka a mẹ̀ ịsọvọ ọnị ọnị chẹrẹ tịtẹ vị ọnị e si eyi wụ̀ anka ịrẹyị ọzọga avọọ.

Ịmarakayị 3:12

Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 29:9

Avọọ ẹnịnị ẹ saasa avaba ịrẹyị oto ọnọọ, dị ò zee yị wa ịnị ịsa tụra ịsa ọnị ẹ yaa mẹ̀.

Iwe Ọhụhị Imosiisi ana aa hị́ Ọyịvatụrọda 32:46

dị ọ kà yị wa ka ẹ tamayị avaba ịrẹyị ọnị ọnị ka yị wa ajịnị. Ẹẹ vatụra a yị ezi ẹnịnị agụvị dị ẹ saasa avaba ọda Ohomorihi ẹnẹnị hwịnị-hwịnị.

Iwe Ọhụhị Imosiisi ana aa hị́ Ọyịvatụrọda 32:47

Ọda ẹnịnị ẹ yị vị ịrẹyị aahị ọ vị. Ọnị ọ vị ụkata ẹnẹ ẹ vaa sị ra ẹhẹ ẹnịnị nị. Ọnị ọ zụ mẹ ka e ku orubo ịnị ẹtẹ ọnị ẹ vaa jịnẹ Okuha Ịjọdanị na dọ aanị nị.

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.