Iwe Ọhụhị Imosiisi ana aa hị́ Ọyịvatụrọda 4:5 - IWE ỌNỊNỊ

⁵ Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Iwe Ọhụhị Imosiisi ana aa hị́ Ọyịvatụrọda 4:5 ပူးပေါင်းရင်းမြစ်များ

Ahẹ Ụgama 71:17

Ohomorihi, m mẹ̀ hụrẹ vị ozweyi ụ hụrẹ sị ịsa ẹnẹẹ zụ̀ mị nị. Piporo va ngụ ajịnị vị ọnị maa kịị kà ịrẹyị ịsa ẹbanyị-ẹbanyị ọnị waa mẹ.

Ọyịkụra 18:20

Waa sị ịrẹyị Ohomorihi ọnịrị ọda anịị zụ̀ wa. Dị waa zụ̀ wa ebira ana vọrọ ka ẹ̀ẹ mẹ ọnịrị ịsị a vọrọ ka ẹ̀ẹ mẹẹ yị Ohomorihi.

Ijeremaya 11:6

Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ezikẹẹrị 20:11

Ịzọọ ọnị ya mẹ ọda anị yị wa, dị ọnị mẹ ka ẹnịnị ẹ̀ yẹ ẹ nị. Ẹnịnị àa saasa ọda anị ẹnẹnị, ẹ́ vaa ra ẹhẹ obooro.

Ireevi 19:19

Ọ kà ẹnịnị ẹ̀ saasa ọda anị. À sị ẹnịnị zẹẹ ka ịsụpa irenyi-irenyi ẹẹva ẹnẹ ẹ́ pa ẹ̀ tụra ẹngụ dị ẹ̀ ma ozi. À sị ẹnịnị chire ịsa oze ẹẹva tụ ịnị aarẹ ọnya. Dị à sị e chire awuru ana a sị achị irenyi-irenyi ẹẹva gẹ.

Ireevi 26:46

Avaba ẹsẹnị ọ vị ọda ọnị Ẹnẹyịmavara sị yị Imosiisi ịrẹsụ ataba Ịsịnayị, ọnịrị ịsị ọnị ọ kà yị ọ ka ọ̀ sị yị Anisirẹrị nịnị nị.

Ireevi 27:34

Ọda ẹnẹnị Ẹnẹyịmavara sị yị Imosiisi ịrẹsụ ataba Ịsịnayị ka ọ̀ sị yị Anisirẹrị nịnị nị.

Ireevi 7:38

Ịrẹsụ ataba Ịsịnayị ịnị ụnọmị ịzọọ, Ẹnẹyịmavara ya sị ọda ẹnẹnị yị Imosiisi nị, ịhị ọnọọ ọ kà a yị Anisirẹrị nịnị ka ẹnịnị ẹ̀ va mẹ̀ ịsọvọ ẹnịnị nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

1 Anịkọrịntị 11:28

Agụvị avọọ, ọzọza ọ̀ zama ẹngụ anị re ẹtẹẹtẹrẹ, dị ọ̀ va rị Ịbụrẹẹdị Ananyị yị, dị ò re ve hú eche ọnọọ!

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

Iwe Ọhụhị Imosiisi ana aa hị́ Ọyịvatụrọda 11:32

ẹ saasa avaba ọda ọnị ọnị aa sị yị wa ọnịrị avaba ọnị aa zụ wa ajịnị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 4:2

Asị ụ da tụ́ ịnị ọda ọnọọ, asị ụ da hụụnị anị, saasa avaba ọda anị ọnị mị ra ka yị wụ.

Iwe Ọhụhị Imosiisi ana aa hị́ Ọyịvatụrọda 4:4

Ẹwụ nịnị ana sị ịzẹyịza saasa a kẹnẹ ọ̀ yara ve tù ịhị ọnọọ nị.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Iwe Ọhụhị Imosiisi ana aa hị́ Ọyịvatụrọda 7:11

Agụvị avọọ, booro aanị, wa na saasa ịsị a kọ wụ nịnị aanị; saasa avaba ọda ọnị mị mẹ yị wụ nịnị ajịnị aanị.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Anihiburu 3:5

Imosiisi ộ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi. Ama ozi ahụ kẹnẹ ọ vị nị. Ộ sị zụ̀ ịsị Ohomorihi vaa kà ị́rẹma ụhwọọ.