Iwe Ọhụhị Imosiisi ana aa hị́ Ọyịvatụrọda 4:34 - IWE ỌNỊNỊ

³⁴ Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 4:34 ပူးပေါင်းရင်းမြစ်များ

Ahẹ Ụgama 136:12

Ụkata-ụkata ọ vavọọ sị kụ́ wa jịnẹ nị. Vi óō sì ịrẹyị ọza pooro zịna-zịna nị.

Ahẹ Ụgama 24:8

Ẹnẹ vị Ohinọyị ana nyị ụbanyị ọnọọ kẹ? Ẹnẹyịmavara Ochẹtẹẹngụ ọnị ọza ò yi mē huna ịnị ịrẹkụ ọ vị Ohinọyị ọnọọ nị.

Ahẹ Ụgama 78:12

Óhiku aza ẹnẹẹ mè hi Ijipiti ịnị ẹtẹ Izowanị, Ohomorihi ộ mẹ̀ ụkọrọ ịvọpa éyi ẹnịnị.

Ọyịkụra 1:9

Ẹkụhị ọnya dị ọ hị́ aza anị dị ọ ka, “Wáá yẹ ka Anisirẹrị ẹnẹnị aa rụrụ baaba. Ẹnịnị ee vee huna ẹnị.

Ọyịkụra 10:21

Dị Ẹnẹyịmavara rẹ kà a yị Imosiisi dị ọ ka ọ̀ tana ụvọ hi ẹbẹẹba dị ịrahụ ọ̀ chaka kú ẹtẹ Ijipiti. Ọ kà ịrahụ ruma-ruma ọ vaa vị nị. Aza ẹnyị vị enee nyeeyi hị́ ọ “oku ovivi” Ama oku ịkẹ-ịkẹ ọ vị ịrẹha anị obooro ịnị ẹkụra Ihiburu nị.

Ọyịkụra 10:7

Dị anụkọrọ Ihwarawo va hị́ Ihwarawo dị ẹ ka Aanịka aanị ọnọrụ ọnọnị mẹ̀ vaa sị ụyaa rị ẹnị pooro nị? Ẹ ka ọ̀ navọ aza ẹnẹnị ẹ̀ẹ na dị ẹ̀ na hẹkẹ Ẹnẹyịmavara ana vị Ohomorihi ẹnịnị. Dị ẹ rẹ ka aanịka ọ yị yẹ ka Ijipiti ộ ta?

Ọyịkụra 13:3

Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù.

Ọyịkụra 14:30

Ịhị ọnọọ Ẹnẹyịmavara ộ dọ Anisirẹrị tụ́ hụụnị ụvọ Anijipiti nịnị. Di Anisirẹrị re ka Anijipiti ê sú va hi ụtọ oku nị.

Ọyịkụra 15:11

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ọyịkụra 19:4

Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị.

Ọyịkụra 3:10

Dị ọ ka ọnị aa tụ́ Imosiisi nee tù Ihwarawo dị ọ̀ na kụ́ Anisirẹrị aza anị hụrẹ Ijipiti.

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ọyịkụra 7:3

Dị Ẹnẹyịmavara kà ama ọnị vaa mẹ ka ayị Ihwarawo ọ̀ katẹngụ. Ọnị ọ̀ọ daka mẹ̀ ụkọrọ ịvọpa irenyi-irenyi ịnị ẹtẹ Ijipiti.

Ayịsaya 51:9

Anisirẹrị nịnị ka Ẹnẹyịmavara ọ kwẹẹtẹ ọ gụ ẹnịnị ụvọ! Ọ sị ụkata dọ ẹnị ha anka ọ mẹ kwẹẹtẹ tu ọnịvị ẹnịnị ịnị ụmẹ ịyẹẹyẹ. Ọnị ộ gara Anijipiti, uye odivi ana aā hị́ Ịrahabị nị.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 32:21

Wâ mẹ apọtẹrẹwa ọnịrị ịvọpa, ene chire ọnịvị ayị nịnị angwa, dị ụ sị ụkata awụ kụ aza awụ Anisirẹrị hụrị ẹtẹ Ijipiti nị.

Ịrịka 20:16

Ịjị ụya sị hụ ẹnị, dị ẹnị nowu na za Ẹnẹyịmavara, dị ọ wụ́ orere ẹnịnị, dị ọ tụ́ anggẹẹrị anị ana kụ ẹnị jịnẹ hụrị ẹtẹ Ijipiti nị. Booro aanị ẹnị ya ịzị aa hị́ Ikadesi ẹhụ ẹgẹ ẹtẹ ẹnịnị.

Iwe Ọhụhị Imosiisi ana aa hị́ Ọyịvatụrọda 1:30

Ẹnẹyịmavara Ohomorihi ẹnịnị ya ọvịdị ẹnịnị aa na ịzọọ, ọ vaa vụ ịrẹvụ yị wa anka ẹnịnị me ree ịsị ọ mẹ ẹtẹ Ijipiti,

Iwe Ọhụhị Imosiisi ana aa hị́ Ọyịvatụrọda 10:21

Ga a ọnị ọ vị Ohomorihi awụ nịnị nị. Ọnị ọ mẹ̀ ịsa ọbanyị-ọbanyị ọnịrị ohyozirenu ẹnẹnị yị wụ nịnị ọnị ụ wee re nịnị aanị.

Iwe Ọhụhị Imosiisi ana aa hị́ Ọyịvatụrọda 11:2

Tamayị ajịnị, ịsa ụ raà kọsẹ anị ịnị oze Ẹnẹyịmavara ịnị ẹhẹ awụ beri ọ, ẹ yị vị ezi ewu nịnị ama ẹwụ nịnị o re ịsa ẹnịnị nị. Ẹwụ nịnị ô re ụbanyị Ẹnẹyịmavara, ọnịrị ụkata anị beri ụzụ anị,

Iwe Ọhụhị Imosiisi ana aa hị́ Ọyịvatụrọda 26:8

Dị ọ sị ụkata anị dọ yị ha hụrẹ Ijipiti nị. Ộ mẹ̀ ịvọpa ọnịrị ohyọzirenu. Ộ mẹ̀ ịsa ọkatẹngụ-ọkatẹngụ ene chire ọza angwa.

Iwe Ọhụhị Imosiisi ana aa hị́ Ọyịvatụrọda 29:3

Ẹnịnị ê re ẹngụkata odivi-odivi ọnịrị ịvọpa beri ohyozirenu ọbanyị-ọbanyị ọnị Ẹnẹyịmavara mẹ̀.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 34:12

Ẹ yị vana nyị ọnịsẹ ana nyị ụkata mẹ̀ ịsa ẹbanyị-ẹbanyị ene chire ọza angwa anka ịsị Imosiisi mẹ̀ eyi avaba Anisirẹrị.

Iwe Ọhụhị Imosiisi ana aa hị́ Ọyịvatụrọda 5:15

Tamayị ka ọrịhị ụ vịdị vị ịnị Ijipiti nịnị, dị Ẹnẹyịmavara Ohomorihi vaa sị ụkata anị tụ jịnẹ tụ́ ẹhẹ hụrị ịzọọ; avọọ Ẹnẹyịmavara mẹ ọda ka aa sị ẹkụhị ọnọọ hẹkẹ ọnị nị.

Iwe Ọhụhị Imosiisi ana aa hị́ Ọyịvatụrọda 6:21

Ka yị wa ka ọrịhị ohinọyị Anijipiti ụ vịdị vị nị, dị Ẹnẹyịmavara va sị ụkata anị tụ́ wụ nịnị hụụ ịzọọ nị.

Iwe Ọhụhị Imosiisi ana aa hị́ Ọyịvatụrọda 7:19

Tamayị ụya edivi-edivi ẹnẹ ẹ rị, dị ụ sị eyi awụ nịnị re e. Tamayị ịvọpa ọnịrị ohyozirenu, ọnịrị ụkata ọbanyị ọnị Ẹnẹyịmavara Ohomorihi awụ nịnị sị ngwara wụ nịnị tịtẹ. Ọ́ mẹmẹ vu Anijipiti nịnị ẹtẹ gẹdẹ-gẹdẹ avọọ, avọọ ọ́ mẹ̀ rẹ vee vu aza ọnị u wee hí angwa anị nịnị aanị ẹtẹ nị.

Iwe Ọhụhị Imosiisi ana aa hị́ Ọyịvatụrọda 9:29

Ama aza anị ọnị ộ nyị ẹ vị nị. Ọnị ộ sị ụkata anị kụ wa jịnẹ hụrẹ Ijipiti nị.

Ijosuwa 24:7

Ịzọọ Anisirẹrị ya dị ẹ na owu na za Ẹnẹyịmavara, dị ọ sị etohozi jị ẹnịrị Anijipiti ịnẹ nị. Dị ọ ka enyi jẹẹ yị Anisirẹrị dị ẹ jịnẹ ịnị ẹtẹ ọyịwụ ama dị ẹnyị ọnọọ varẹma mụnẹ wa dị e su ẹyị awụ nịnị nị. Anisirẹrị nịnị ẹ̀ẹ ya ịnị ụnọmị ku pooro nị.

1Ipita 5:6

Agụvị avọọ, kà ẹngụ awụ nịnị chi ọvịdị Ohomorihi ana nyị ụkata, agụvị dị ọ̀ sị wụ nịnị tụ́ ẹba ịnị ụmẹ ene èe zée eyi.