Iwe Ọhụhị Imosiisi ana aa hị́ Ọyịvatụrọda 4:32 - IWE ỌNỊNỊ

³² Ọ kà e họ̀ use ịsa ana mẹ̀ ịyẹẹyẹ, dị a va yẹ ka â ma wa, e họ̀ use nee tu ụmẹ ọnị Ohomorihi sị tụ́ ọza vẹ ẹhẹ. Ẹ sị avaba ẹhẹ họ̀ use ka áá nyị ịsa ọbanyị ana vịdị maanị mẹ da? Áá nyị ọza ana vịdị wụ̀ ẹngụ ịrẹyị ọnọnị da?

Iwe Ọhụhị Imosiisi ana aa hị́ Ọyịvatụrọda 4:32 ပူးပေါင်းရင်းမြစ်များ

Oyinyima 1:27

Ịzẹyịza di Ohomorihi mẹ ọza, dị ọ mẹ wa vene ẹngụ anị nị. Ọnọrụ ọnịrị ọnẹẹ ọ mẹ nị.

2 Ịsamụwẹrị 7:23

rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị.

Ijoovu 8:8

Ibiridadi kà a Ijoovu o ne họ̀ use ịrẹyị hụụnị ụvọ azọkụ, dị ọ kọsẹ ịrẹyọyẹ.

Ahẹ Ụgama 44:1

Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

Ọyịkụra 34:10

Dị Ẹnẹyịmavara va ka, “Ẹmịrị ẹwụ nịnị aa kà ịrẹyị ọnyaa tịtẹ. Mị vaa mẹ ịrẹyị ẹbanyị-ẹbanyị ini eyi anda awụ nịnị. Ẹngụ ịrẹyị ẹnẹẹ, ọza ộ yị vịdị mẹ̀ ẹ da ịnị ẹkụra ọnyọọnyị ịnị ẹhẹ. Aza ẹnị ẹwụrịị ra nịnị vee re ẹngụ ịrẹyị ẹbanyị ẹnị ẹmị Ẹnẹyịmavara vaa mẹẹ wụ nịnị;

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ijowẹrị 1:2

Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Ịmaakị 13:27

Dị mị tụ́ anggẹẹrị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị ọnị mị nyị gụ hụrẹ avaba aha ịzị ẹhẹ ọnịrị ẹbẹẹba na ta hi.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Iwe Ọhụhị Imosiisi ana aa hị́ Ọyịvatụrọda 30:4

Ẹnịnị ẹ daka ne hi ẹtaha ẹhẹ, Ẹnẹyịmavara Ohomorihi ẹnịnị vaa kụ́ wa gụ, dị ọ kụ́ wa varẹma vavẹ eehi.

Iwe Ọhụhị Imosiisi ana aa hị́ Ọyịvatụrọda 32:7

Tamayị ịrẹma, ịsa ana mẹ ịnị ịyẹẹyẹ. Họ̀ aza ana ma wụ nịnị ọnịrị azọkụ use ịrẹyị. Ẹ vaa pa ịta ịsa ana mệ ịnị ịyẹẹyẹ yị wụ.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 4:7

Nyị anẹkụra ọsa ana nyị ori ana gụrị wa anka Ẹnẹyịmavara Ohomorihi mẹ gụrị ẹnị. Ụmẹ tụra ụmẹ ọnị ẹnị ẹ̀ hị́ ọ kẹnẹ ọọ̄ wụ ẹnị nị.