Iwe Ọhụhị Imosiisi ana aa hị́ Ọyịvatụrọda 4:30 - IWE ỌNỊNỊ

³⁰ Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.

Iwe Ọhụhị Imosiisi ana aa hị́ Ọyịvatụrọda 4:30 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Inehemaya 1:9

Ama ẹnịnị èe ro ịnẹ varẹma, dị ẹ saasa ọda anị nị, ẹ̀ẹ daka che hi ozi, ọnị vaa kụ wa varẹma vẹ ịzị ọnị nyị yị wa ịzị aza ẹ yị vee hi ayị ịrẹha anị pooro.

Ahẹ Ụgama 107:13

Ẹ́ mẹ̀ vavọọ aa rị ụya di e ve nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.

Ahẹ Ụgama 107:6

Ẹ́ mẹ̀ vavọọ aa rị ụya, di e re nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.

Ahẹ Ụgama 18:6

Ịjị ẹngụkata maanị tù mi, di mi nowu na za Ẹnẹyịmavara nị Mị ka ẹwụ Ohomorihi amị, navọ wa ba mi owu Di Ohomorihi yà ini eehi anị dị ọ wụ́, dị ọ ba mi owu nị.

Ahẹ Ụgama 59:16

Ama ẹmị vaa jị ahẹ dị maa kà a ụ mẹmẹ nyị ụkata Ẹnẹnẹ vị ọnị mị vaa jị ahẹ ka ụụ̄ sì ịrẹyị ọza Ịrẹyị ọ̀ọ vẹ, ịda awụ m mee zwe vaa tẹ nị Ewee sere mị ka asị a nyị ịsị ẹ mẹ̀ mị nị.

Ọyịkụra 18:8

Di Imosiisi kà a yị Ijetiro avaba ịsị Ẹnẹyịmavara hụ agụvị Anisirẹrị mẹ Ihwarawo ọnịrị Anijipiti nị. Dị ọ rẹ kà a yọ avaba ẹngụkata ene tù wa ózee ọnịrị Ẹnẹyịmavara mẹmẹ dọ wa tụ́ nị.

Ayịsaya 1:19

Wàa zẹẹ ka wa wụ́ ịrẹyị amị, ụ vaa rị ịsa ozoza ịnị ẹhẹ.

Ijeremaya 23:20

Ẹ́ yị vaa zaa jẹ ẹ̀ yị vị ọ raa mẹ avaba ịsa ọnị ò sì ka ọnị aa mẹ. Ịjị ụmẹ oo tu avaba ịrẹyị ọnọnị vee yé aza gedebee.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Arụwẹ 3:40

Navọ yaa zama oze ayị re, ị mẹmẹ aa ra ẹhẹ ayị, dị ye ro ịnẹ varẹma và ka Ẹnẹyịmavara vẹ.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịzakaraya 6:15

Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Iwe Ọhụhị Imosiisi ana aa hị́ Ọyịvatụrọda 30:10

Ẹnịnị ẹ̀ẹ wụ́ chire Ẹnẹyịmavara, dị ẹ saasa avaba ọda anị ana a chẹrẹ tụ iwe ọnọnị ana aa sị zụ aza aanị. Ẹ sị avaba ayị ẹnịnị ro ịnẹ varẹma ka a vẹ.

Iwe Ọhụhị Imosiisi ana aa hị́ Ọyịvatụrọda 30:2

Ẹnịrị ụnanka ẹnịnị ẹ̀ẹ varẹma ka Ẹnẹyịmavara vẹ, dị ẹ sị ayị ọnya saasa ọda ọnị ọnị sị yị wa ajịnị nị.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 31:21

Ịjị ọnị ịrẹyị odivi-odivi ee tù wa, a vaa jị ahẹ ọnọnị ana vaa vị ivenu tụra wa ịrẹsụ. Evere ẹnịnị e yi vee hi ayị anị, Ẹnẹyịmavara kà ọnị ọ yẹ ịsị ẹ sị ayị tụ́ ka ẹnị vaa mẹ̀, dị ọnị hyakụ vaa kụ wa vẹ ịnị ẹtẹ ọnị ọnị wo oto anị ka ọnị aa sị yị wa.

Iwe Ọhụhị Imosiisi ana aa hị́ Ọyịvatụrọda 31:29

Ọnị ọ yẹ ka ịrẹma ọnị ọnị wusu, ẹnịnị vee divi, di e yi avaba ịrẹyị ọnị ọnị ka yị wa tịtẹ. Ọ vavẹ ịrẹma ẹngụkata vee tù wa agụvị ka ệ mẹ̀ ịsa ana vị enyisi ana kụ́ Ẹnẹyịmavara ayị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.