Iwe Ọhụhị Imosiisi ana aa hị́ Ọyịvatụrọda 4:13 - IWE ỌNỊNỊ

¹³ Ẹnẹyịmavara ộ ka yị wụ nịnị ịsị waa mẹ dị wa sị ụvọ za oto ọnịrị ọ mẹ̀; Dị waa mẹ̀ ịsị ọda ẹẹwụ ana a chẹrẹ tụ́ ịnị ịrẹta ụvọta ẹẹva ka.

Iwe Ọhụhị Imosiisi ana aa hị́ Ọyịvatụrọda 4:13 ပူးပေါင်းရင်းမြစ်များ

1 Ohinọyị 8:9

Nyị ịsị ẹ yà ịnị apoti para ọparị ịrẹta oni Imosiisi sị tụ́ ịzọọ hu. Imosiisi vị ana kụ́ ịrẹta ẹnẹẹ hụrẹ ini ataba Ịhọrẹbị vẹ. Ịnị ịrẹta ẹnẹẹ Ẹnẹyịmavara chẹrẹ ịrẹyị ọnị ọnịrị Anisirẹrị hị́ eku anị yị ẹngụ tụ́ nị. Ịnị ụmẹ ọnọọ ọ sị kụ́ wa jịnẹ hụụnị ẹtẹ Anijipiti nị.

Ahẹ Ụgama 119:4

Ẹnẹyịmavara, wa raà sị zụ̀ ịsị u sì, ẹngụ ịsa ẹnẹẹ a vọrọ ka àa saasa nị.

Ọyịkụra 19:5

Kà a ka ẹ̀ẹ wụ́ ịrẹyị amị, dị ẹ jẹẹ pè avaba ọda ọnị mị mẹ. Ẹnị mị vaa sịị mẹ ogu amị ịnị avaba anẹkụra ene hi ẹhẹ nị. Ịzẹyịza ẹma nyị avaba ẹhẹ nị,

Ọyịkụra 24:12

Dị Ẹnẹyịmavara kà Imosiisi ọ̀ hịrẹ vẹ ịrẹsụ ataba dị ọ̀ va yà ịzọọ nị. Ọ kà ọnị aa sị ịrẹta ẹẹva ọnị ọnị chẹrẹ ọda ẹnẹẹ tụ́ yọ dị ọ̀ sị naa kọ aza ẹnẹẹ.

Ọyịkụra 31:18

Ịjị Ẹnẹyịmavara raà kà avaba ịrẹyị anị yị Imosiisi ịrẹsụ ataba Ịsịnayị, dị ọ sị ịrẹta ẹẹva ẹnẹẹ ọnị ọ sị ụvọ anị chẹrẹ ọda ẹnẹẹ tụ́, dị ọ sị yị Imosiisi nị.

Ọyịkụra 34:1

Ẹnẹyịmavara ộ hị́ Imosiisi dị ọ ka, “Sị ịrẹta ẹẹva dụ wa bẹ wa anka ịpaapa ẹnẹẹ. Ịsa ọnị mị chẹrẹ tụ́ ịnị ịrẹta ịpaapa ọnị ụ chaka avọọ, mi ree tenyi ọ chẹrẹẹ tụ́ ịnị ịrẹta ọnị mị ka wa bẹ aanị.

Ọyịkụra 34:28

Imosiisi ọnịrị Ẹnẹyịmavara ê hi ịrẹsụ ataba ịzọọ ọọdụ ọnịrị ịrahụ pooro mẹ ẹkụhị ẹbẹẹva. Imosiisi ọ yị rị ịsa, o yi hú enyi. Dị ọ sị ọparị ẹnẹẹ ana a sị ịrẹta bẹ, dị ọ chẹrẹ ịrẹyị oni Ohomorihi ọnịrị Anisirẹrị ka tịtẹ tụ́ ọ nị. Ịrẹyị ẹnẹẹ ọ vị ọda ẹẹwụ oni Ohomorihi mẹ yị wa nị.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

2 Anịkọrịntị 3:7

Ọda anaā wụ̀ ọza vị ana a chẹrẹ tụ́ ịnị ịrẹta. Igirima Ohomorihi ộ sị ẹngụ zụ̀, a mẹ̀ sị yị Imosiisi. Eyirẹsụ Imosiisi ộ zẹtẹ, ana ahịka Anisirẹrị ẹ yị nyayịnẹ re eyirẹsụ anị, dị ọ tangwa vee mi nị.

Iwe Ọhụhị Imosiisi ana aa hị́ Ọyịvatụrọda 4:12

Ka yị wa Ẹnẹyịmavara mẹ̀ pe ẹwụ nịnị ka ịrẹyị, hụụnị ịra, dị waa wụ ọngwẹ anị kẹnẹ, dị ẹ yị nyị ịsị ụ re nịnị.

Iwe Ọhụhị Imosiisi ana aa hị́ Ọyịvatụrọda 4:14

Imosiisi ka ộ ka yị ọnị ka ọnị ọ zụ wa avaba ọda agụvị dị ẹ saasa ịzị ẹnịnị aa va dọ dị ọ vị ẹnịnị.

Iwe Ọhụhị Imosiisi ana aa hị́ Ọyịvatụrọda 5:22

Ọda ẹnẹnị Ẹnẹyịmavara kà yị avaba ịragụ awụ nịnị ịnị ataba Ịsịnayị. Ô na owu ka ịnị akakana ịra, ọnịrị eguhi ne beri etohozi nị. Ịjị ịrẹyị anị taa ka, dị ọ̀ chẹrẹ tụ ịnị ịrẹta ẹẹva ọnị ộ sị yị Imosiisi ụvọta nị. Imosiisi ka.

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.