Iwe Ọhụhị Imosiisi ana aa hị́ Ọyịvatụrọda 4:10 - IWE ỌNỊNỊ

¹⁰ Ẹ̀ẹ tamayị ịhị ọnị ẹ jẹẹ ọvịdị Ẹnẹyịmavara ịnị ataba Ịhọrẹbị avọọ? Ịhị ọnọọ vị ọnị Ẹnẹyịmavara kà yị Imosiisi ka ọ hị́ ịragụ vẹ ọvịdị anị, dị ẹẹ wụ́ ịrẹyị anị. Ẹ̀ẹ sị wụ, ẹ vaa nyị angwahi anị ịnị avaba ẹhẹ ẹnịnịị. Ẹnịnị ẹ na sị ịrẹyị ẹnẹẹ zụ ezi ẹnịnị, dị ẹẹ mẹ̀ ẹ.

Iwe Ọhụhị Imosiisi ana aa hị́ Ọyịvatụrọda 4:10 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ahẹ Ụgama 145:4

Anụmẹ ẹnyị vị ana vaa kụ́ wụ avọ naa gẹrị anụmẹ ọsa agụvị ụkọrọ ọnị ụ mẹ. Ẹnịnị vị ana vaa kà ịta mā ta pa ọnị ụ mẹ.

Ọyịkụra 19:1

Ịhị ẹ tụ́ ọ ụhwẹ ẹẹta anị Anisirẹrị nịnị hụrẹ Ijipiti, ịhị ọnọọ gẹdẹ-gẹdẹ ẹnịnị va ngụ ịnị ụnọmị Ịsịnayị.

Ọyịkụra 19:11

di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị.

Ọyịkụra 19:16

Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị.

Ọyịkụra 19:9

Dị Ẹnẹyịmavara kà a yi Imosiisi dị ọ ka, “Mị vaa yà ini eguhi ene hozi di mi ve tù wu nịnị, dị aza ẹnẹẹ ẹ̀ wụ́ m mèe pè wuu kà ịrẹyị. Ọnọọ vaa mẹ ka ẹ̀ẹ dọ ịrẹyị awụụ tụ́ ịzọọ pooro nị.” Di Imosiisi kà ịrẹyị ana aza ẹnẹẹ kà yị Ẹnẹyịmavara nị.

Ọyịkụra 20:18

Aza ẹnẹẹ ê re apaana ihinẹba màa há, dị ịnyanya aa rị, dị ẹ wụ́ ọpanyị màa sụ́ ịrẹyị nị. Di e re re ka ataba aa dá areyi nị. Dị angwa ee hi wa, di ẹ yaa dá ẹgahị nị. Dị ẹ jẹẹ ẹ́nẹẹnẹ,

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ayịsaya 38:19

Ọza ana yara ọ zụ ga wụ anka mm ma mẹ ajịnị aanị. Aza ana ma ezi ẹ̀ ka yị wa ẹwụ Ohomorihi mẹmẹ nyị ịzẹyịza nị.

Iruuku 1:50

Ọọ̄ vayị aza ana nyị angwahi anị pooro nị.

Iwe Ọhụhị Imosiisi ana aa hị́ Ọyịvatụrọda 11:19

Ẹẹ zụ ọ yị ezi ẹnịnị ụmẹ tụra ụmẹ, ẹ̀ẹ ya ini eehi, ẹ̀ẹ yaa zị ụsị oze, ẹ̀ẹ hụtẹtẹẹ aa tụ́ ụhwọ́, ọnịrị ẹ̀ẹ kwẹẹtẹ.

Iwe Ọhụhị Imosiisi ana aa hị́ Ọyịvatụrọda 12:1

Ẹsẹnị ẹ vị ọda ọnị ẹ vaa saasa ịnị ẹtẹ ọnị Ẹnẹyịmavara, Ohomorihi ohiku ẹnịnị raà sị yị wa ka ẹ ra a ịnị avaba ẹhẹ ẹnịnị ịrẹsụ ọnọnị.

Iwe Ọhụhị Imosiisi ana aa hị́ Ọyịvatụrọda 14:23

Na ọvịdị Ẹnẹyịmavara Ohomorihi awụ ịzị ọ̀ nyị ka a hẹkẹ ọnị, dị wa rị agẹẹwụ akụ awụ, ozi ịpaapa imaaru awụ ọnịrị atẹmẹ, di e hu agẹẹwụ eche ọnịrị angwẹ orivi. Mẹ ẹ agụvị dị ụ wa nyị angwahi Ẹnẹyịmavara Ohomorihi awụ pooro.

Iwe Ọhụhị Imosiisi ana aa hị́ Ọyịvatụrọda 17:19

Ohinọyị ọ sị iwe ọda ọnọnị pe ẹngụ, dị ọọ ka a ịnị avaba ẹhẹ anị agụvị ọ kọsẹ a mẹ vọrọ ka ọ nyị angwahi Ẹnẹyịmavara, dị ọ saasa avaba ịsa ana kà tụ ịnị iwe ọnọọ.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 5:2

Ẹnẹyịmavara ana vị Ohomorihi awụ nị ộ wo oto yị ịnị ataba Ịsịnayị.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 6:2

Ẹnịrị ezi anị, ne beri aazị ne chire ẹmaazị ẹ̀ẹ ka enee ku orubo, àa nyị ka e hị́ angwa Ẹnẹyịmavara, dị ẹ rẹ saasa ọda anị pooro.

Iwe Ọhụhị Imosiisi ana aa hị́ Ọyịvatụrọda 6:7

Tangwa sị ịrẹyị ẹnẹẹ zụ ezi ewu, waa ka yị wa ẹ̀ẹ yaayịtẹ, ịnị eehi, ẹnịnị àa zị ụsẹ oze, ẹnịnị ẹ hụ tịtẹ ọnịrị ẹ̀ẹ ha kwẹẹtẹ.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ẹtore 19:5

Dị ọngwẹ ọnya hụụnị aga ohinọyị ọnọọ vẹ, dị ọ ka: Sị ụga yị Ohomorihi ayị nịnị, avaba ẹwụ nịnị ezi ahụ anị, ọnịrị aza ana nyị angwahi anị, wàa vị ozweyi, wàa vị ọzọkụ!

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.