Iwe Ọhụhị Imosiisi ana aa hị́ Ọyịvatụrọda 4:1 - IWE ỌNỊNỊ

¹ Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Iwe Ọhụhị Imosiisi ana aa hị́ Ọyịvatụrọda 4:1 ပူးပေါင်းရင်းမြစ်များ

Ahẹ Ụgama 105:45

Ohomorihi ộ vavọọ mẹ agụvị aza anị ẹ̀ zụ sị eyi pè ọda anị, dị ẹ̀ẹ saasa a. À vẹ vị yaa kụ́ Ẹnẹyịmavara.

Ahẹ Ụgama 119:4

Ẹnẹyịmavara, wa raà sị zụ̀ ịsị u sì, ẹngụ ịsa ẹnẹẹ a vọrọ ka àa saasa nị.

Ọyịkụra 18:20

Waa sị ịrẹyị Ohomorihi ọnịrị ọda anịị zụ̀ wa. Dị waa zụ̀ wa ebira ana vọrọ ka ẹ̀ẹ mẹ ọnịrị ịsị a vọrọ ka ẹ̀ẹ mẹẹ yị Ohomorihi.

Ijeremaya 11:6

Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 20:11

Ịzọọ ọnị ya mẹ ọda anị yị wa, dị ọnị mẹ ka ẹnịnị ẹ̀ yẹ ẹ nị. Ẹnịnị àa saasa ọda anị ẹnẹnị, ẹ́ vaa ra ẹhẹ obooro.

Ezikẹẹrị 20:21

Ama ezi ẹnịnị ẹnị ệ rẹ kụ̀ hịrẹ ọnị; ẹnịnị ẹ́ yị saasa ịrẹyị anị; ọda anị oni ọza aa saasa dị ọ mẹ ka ọza ọ̀ yara, ẹnịnị ẹ́ yị saasa a. Ẹnịnị ẹ́ yị sị ụbanyị yị ẹkụhị ụhwọtụ anị. Dị ọnị ve roo ka ọnị ọ̀ sị ọyịkụ anị zụ̀ wa ịnị ụnọmị ịzọọ nị.

Ezikẹẹrị 36:27

Ọnị vaa sị ụhwẹ anịị tụ wụ nịnị ịnẹ, dị ọnị mẹ ka waa saasa avaba ọda ọnị ọnị mẹ yị wụ nịnị.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ireevi 18:5

Avọọ, ẹnịnị ẹẹ mẹ̀ ịsa aā mẹ, dị ẹẹ saasa ọda ọnị ọnị sị yị wa; ọ ka, vị́ ẹ́ vaa dọ ẹhẹ ẹnịnị ha ẹ̀ẹ vavọọ aa mẹ nị. Ọnị ọ vị Ẹnẹyịmavara.

Ireevi 19:19

Ọ kà ẹnịnị ẹ̀ saasa ọda anị. À sị ẹnịnị zẹẹ ka ịsụpa irenyi-irenyi ẹẹva ẹnẹ ẹ́ pa ẹ̀ tụra ẹngụ dị ẹ̀ ma ozi. À sị ẹnịnị chire ịsa oze ẹẹva tụ ịnị aarẹ ọnya. Dị à sị e chire awuru ana a sị achị irenyi-irenyi ẹẹva gẹ.

Ireevi 19:37

Ẹnịnị ẹẹ mẹ avaba ịsa ọnị ka yị wa, dị ẹ saasa avaba ọda anị. Ọnị ọ vị Ẹnẹyịmavara nị.

Ireevi 20:8

Ẹnịnị ẹ̀ sị ụvọ za ọda anị, dị ẹẹ saasa a, agụvị ka ọnị ọ vị Ẹnẹyịmavara ana nyị wa tụ irenyi nị.

Ireevi 22:31

Avọọ, ẹnịnị ẹ̀ sị ụvọ za ọda anị, dị ẹẹ saasa wa. Ọnị ọ vị Ẹnẹyịmavara nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Aniroomi 10:5

Àa vị ịnị ka Ohomorihi ọ̀ za ọza ịrịka tụ́ ịnị ọnịrẹyịzẹyịza, agụvị ka ộ saasa ọdaa yọ, â nyị ịsị Imosiisi vịdị kà ịnị anị. Ọ kà, “Ọza tụra ọza ana àa mẹ̀ ịsa ọnị ọda kà, ọ vaa yàra agụvị ọda ọnọọ.”

Iwe Ọhụhị Imosiisi ana aa hị́ Ọyịvatụrọda 1:3

Ịnị ẹkụhị ịpaapa ịnị ụhwẹ ẹwụrọnya ịrayị ana tụ́ ọ ịrayị ẹbẹẹva ọnị ẹ sị kwẹẹtẹ hụrẹ Ijipiti, Imosiisi maanị ka avaba ịrẹyị ọnị Ẹnẹyịmavara mẹ̀ ọda yị ọ ka ọ̀ ka yị Anisirẹrị wa nị.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 11:1

Sì ịrẹyị Ẹnẹyịmavara Ohomorihi awụ nịnị, mẹ avaba ịsa ọnị ọ ka yị wụ, saasa avaba ọda anị ịnị ụmẹ tụra ụmẹ.

Iwe Ọhụhị Imosiisi ana aa hị́ Ọyịvatụrọda 11:32

ẹ saasa avaba ọda ọnị ọnị aa sị yị wa ọnịrị avaba ọnị aa zụ wa ajịnị.

Iwe Ọhụhị Imosiisi ana aa hị́ Ọyịvatụrọda 13:1

Àa nyị Ọnịsẹ, a vị ọza anaā kà etore ana kwẹẹtẹ ịnị ẹngụ awụ nịnị di o wo oto ịvọpa a vị apọtẹrẹwa ohyozirenu.

Iwe Ọhụhị Imosiisi ana aa hị́ Ọyịvatụrọda 16:20

Re ka waa mẹ ịzẹyịza pooro kẹnẹ, agụvị dị ụ wa zụ ra nịnị ịnị ẹtẹ ẹnẹ Ẹnẹyịmavara Ohomorihi awụ nịnị aa sịị yị wụ nịnị aanị.

Iwe Ọhụhị Imosiisi ana aa hị́ Ọyịvatụrọda 30:16

Ẹ̀ẹ saasa ọda Ẹnẹyịmavara Ohomorihi ẹnịnị, èe sì ịrẹyị anị, dị ẹ wụ́ chire e, dị ẹ sị ụvọ za ọda anị nị, o vee ze yị wa, dị ẹ vị ẹkụra ana aza anị rụrụ. Ẹnẹyịmavara Ohomorihi ẹnịnị vaa mẹ ka o ze yị wa ịnị ọnị ẹ yaa va dọ.

Iwe Ọhụhị Imosiisi ana aa hị́ Ọyịvatụrọda 30:19

Ọnị aa sị oze yị wa booro aanị ka ẹ nyị ịnị akakana ẹhẹ ọnịrị usu, a vị Ohomorihi ọ mẹ ize yị a vị Ohomorihi ọ tụ ozirenu hi wa. Agụvị avọọ ọnị ọ sị ẹbẹẹba ọnịrị mẹ ivenu yị ịsị waa nyị. Nyị ẹhẹ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 4:45

Ẹsẹnị ẹ vị ọda Ohomorihi ọnị Imosiisi kà yị Anisirẹrị nịnị ẹ mẹ sị jịnẹ hụụnị ẹtẹ Ijipiti

Iwe Ọhụhị Imosiisi ana aa hị́ Ọyịvatụrọda 4:8

Nyị anẹkụra ẹnyẹnyị ana maanị nyị ọda ana vọrọ anka ọda ọnị ọnị aa sị zụ wa ajịnị.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Iwe Ọhụhị Imosiisi ana aa hị́ Ọyịvatụrọda 5:33

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Iwe Ọhụhị Imosiisi ana aa hị́ Ọyịvatụrọda 6:24

Dị Imosiisi ka Ẹnẹyịmavara ana vị Ohomorihi ẹnịnị ộ kà a ka ẹnị saasa ọda ọnọọ, dị ẹnị nyị angwahi anị nị, ọda ẹnẹẹ vị anaa mẹ ka o sere ẹnị. Avọọ ọ mẹ ya pooro tu ajịnị nị.

Iwe Ọhụhị Imosiisi ana aa hị́ Ọyịvatụrọda 7:11

Agụvị avọọ, booro aanị, wa na saasa ịsị a kọ wụ nịnị aanị; saasa avaba ọda ọnị mị mẹ yị wụ nịnị ajịnị aanị.

Iwe Ọhụhị Imosiisi ana aa hị́ Ọyịvatụrọda 8:1

“Re ka wa sị ụvọ za avaba ọda anaa ka yị wụ aanị agụvị dị wa zụ ra, dị waa rụrụ hu avọọ, dị wa na dọ ẹtẹ ọnị Ẹnẹyịmavara raa hị́ eku anị ka ọnị ọ sị yị ohiku ẹnịnị.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 9:1

“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ.

Ijosuwa 3:9

Dị Ijosuwa hí avaba Anisirẹrị ka ẹ wụ́ ịsa ọnị Ẹnẹyịmavara Ohomorihi ẹnịnị ka ọnị vaa mẹ̀.