Iwe Ọhụhị Imosiisi ana aa hị́ Ọyịvatụrọda 32:9 - IWE ỌNỊNỊ

⁹ Ama Ẹnẹyịmavara ụvọta anị ọ vị Ohomorihi aza anị Isirẹrị nị.

Iwe Ọhụhị Imosiisi ana aa hị́ Ọyịvatụrọda 32:9 ပူးပေါင်းရင်းမြစ်များ

2 Ịsamụwẹrị 14:16

Mê ro ka ụ vaa dọ ịrẹyị amị, dị ụ dọ mị tụ́ hụụnị ụvọ aza ene ee sì ka ẹnị ẹ̀ wụ ẹmịrị ozi emi, dị ẹnị ẹ̀ sị yị hụụnị ẹtẹ oni Ohomorihi sị yị aza anị.”

2 Ịsamụwẹrị 20:19

Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?”

1 Ohinọyị 8:51

Wâ yẹ ka aza awụ ẹ vị nị. Ẹnị ụ kụ́ jịnẹ hụrẹ Ijipiti nị. Wâ yẹ ka ịnị ịra gogogo ụ kụ́ wa hụrẹ nị.

1 Ohinọyị 8:53

Nda, Ẹnẹyịmavara, wa yẹ ka ẹwa nyị wa hụụnị avaba anẹhẹ ana vọ̀ tụ́ irenyi yị ẹngụ awụ ka ẹ̀ vị awụ nị. Avọọ ụ mẹ̀ kà a yi Imosiisi ozi ahụ awụ nị, ịnị ụmẹ ọnị ụ sị kụ́ ohiku ayị jịnẹ hụrẹ Ijipiti.”

Ahẹ Ụgama 106:40

Ọnọọ ộ mẹ̀ ka Ẹnẹyịmavara ọ̀ kụ́ ayị hi aza anị, dị ọ kụkụ nyị ịhyẹrẹ ẹnịnị nị.

Ahẹ Ụgama 106:5

Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ. Navọ ẹnịrị aza awụ è ve duduu kụ́ wụ avọ.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 28:9

Ohomorihi, navọ wa dọ aza awụ tụ́ dị wa mẹ ka ò zee yị wa Weē sere wa, dị wa si eyi pè wa pooro.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ahẹ Ụgama 74:2

Tamayị ka ka ẹya vị aza awụ ọnị ụ nyị hụrẹ ụ mẹ ịyẹẹyẹ vẹ nị. Ẹyị ọnọnị ụ tụ̀ hụrẹ udi ọrịhị dị ụ sị yị mẹ aza awụ nị. Navọ wa tamayị ataba ịzị ụ vịdị ra da.

Ahẹ Ụgama 78:71

dị ọ sị ọ ka ọ̀ kụkụ vaa tẹsị aza anị ana vi ezi Ijekọvụ nị. Mị ka ẹnị ẹ vị Anisirẹrị ana vi ogu Ohomorihi nị.

Ọyịkụra 15:16

Angwahi ọnịrị ẹgahị vaa ngụ wa ẹngụ. Ẹnẹyịmavara, ẹnịnị mè re ụkata awụ, ẹngụ ẹnịnị e si hị́ azọnọ. Avọọ ẹnịrị angwahi màa jẹẹ re ẹtẹ pooro dị aza awụ ẹ̀ na para hu nị. Ẹwa dọ aza awụ ẹnẹẹ tịtẹ ka asị ẹ kụkụ vị ọrịhị nị.

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Ayịsaya 19:25

Ẹnẹyịmavara Ochẹtẹẹngụ vaa mẹ̀ aduwaa yị wa. Dị ọ ka ò zee yi Anijipiti aza amị, ò re zee yị Anasiriya ana vị ụkọrọ ụvọ anị, di ò re zee yi Anisirẹrị ana vi ogu amị.

Ayịsaya 34:17

Ẹnẹyịmavara ò reè re ẹtẹ ne hu, dị ọ ga a, dị ọ sị ẹhwị ẹtẹ ọzọza yọ nị. Ẹnị ẹ vaa nyị ẹtẹ ọnọọ pooro zịna-zịna, hụrẹ ụmẹ ọnyị na ngụ ọsa.

Ayịsaya 43:21

Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Ijeremaya 51:19

Ohomorihi Anisirẹrị nịnị ọnịrị wa ẹ́ yị vị ọnyọọnya, ka ọnị ọ mẹ avaba ịsa nị. Ọnị ọ nyị Anisirẹrị nịnị ka ẹnịnị ẹ̀ vị aza obooro-obooro nị. Ịrẹha anị ọ rị Ẹnẹyịmavara Ochẹtẹẹngụ nị.

Imika 2:5

Ịhị àa sị ẹtẹ ọnọọ vaa yị aza Ẹnẹyịmavara. Ẹwụ nịnị ene eē yị ẹtẹ aanị ẹ yị kụkụ vaa nyị tụ́ ọ.

Ịzakaraya 2:12

Ẹnẹyịmavara vaa sị Ijuda vị ogu ọtirenyi yị ẹngụ anị ịnị ẹtẹ anị, dị Ijerusarẹmị vị ẹkụra ọnị o sì ịrẹyị anị hu kere-kere.

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 9:29

Ama aza anị ọnị ộ nyị ẹ vị nị. Ọnị ộ sị ụkata anị kụ wa jịnẹ hụrẹ Ijipiti nị.

Ijosuwa 24:17

Ẹnẹyịmavara ana vị Ohomorihi ẹnịnị aanị, ọ kụ́ ẹnịrị ohiku ẹnịnị hụrẹ Ijipiti ịzị vịdị za ẹnị ọrịhị tụ. Ẹ yị ẹnịnị ọ mẹ ịvọpa irenyi-irenyi ọnị ọ dọ ẹnị ha nị. Ọnị ọnọọ ọnyọọnya, ọ ya pe ẹnị avaba aha tụra aha, dị ọ dọ ẹnị hụrẹ ụvọ anẹkụra ana vọ nị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.