Iwe Ọhụhị Imosiisi ana aa hị́ Ọyịvatụrọda 32:7 - IWE ỌNỊNỊ

⁷ Tamayị ịrẹma, ịsa ana mẹ ịnị ịyẹẹyẹ. Họ̀ aza ana ma wụ nịnị ọnịrị azọkụ use ịrẹyị. Ẹ vaa pa ịta ịsa ana mệ ịnị ịyẹẹyẹ yị wụ.

Iwe Ọhụhị Imosiisi ana aa hị́ Ọyịvatụrọda 32:7 ပူးပေါင်းရင်းမြစ်များ

Ahẹ Ụgama 10:6

E yee ro o ịnị ayị ẹnịnị ka ẹ yị nyị ịsị ẹ vaa mẹ ẹnị Ẹ ka ẹ yị vaa nyị ịrẹyị pooro.

Ahẹ Ụgama 119:52

Ẹnẹyịmavara, ma tị tamayị ọda ọnị ụ mẹ hụrẹ ụmọrụmọ, vị ẹẹ̄ sị ayị amịị hunẹnẹ nị.

Ahẹ Ụgama 44:1

Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ahẹ Ụgama 77:8

Ohomorihi vi ene ee vidii sì ịrẹyị ọza pooro dị ọ yị mā tụ́ ọ, vị ọnọọ wáá ta aanị nị? Ịsị ọ vịdị, ka ọnị vaa mẹẹ yị, vị ọ́ọ́ raà sị ayị hụụnị anị pooro aanị nị?

Ahẹ Ụgama 78:5

Ohomorihi ộ mẹ̀ ọda anị irenyi-irenyi yị Ijekọvụ ohiku Anisirẹrị ọda ọnọọ vị ọnị ọ ka Anisirẹrị ẹ̀ sị ụvọ za. Ọ kà a yị ohiku ayị ka ẹnịnị ẹ̀ẹ sị ọda ọnọọ zụ̀ ezi ẹnịnị,

Ọyịkụra 12:26

Ọ kà Ezi ẹnịnị vee họ̀ use ka sị ẹ vị iruvo ido ọnọnị ẹnị ẹ yaa mẹ aanị,

Ọyịkụra 13:14

Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị.

Ayịsaya 46:9

Tamayị ịsa ọnị mị mẹ nịnị ịyẹẹyẹ, agụvị ka Ẹma vị Ohomorihi nị, ị́rẹma amị ẹ yị nyị ọza ẹnẹsa.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Iwe Ọhụhị Imosiisi ana aa hị́ Ọyịvatụrọda 4:32

Ọ kà e họ̀ use ịsa ana mẹ̀ ịyẹẹyẹ, dị a va yẹ ka â ma wa, e họ̀ use nee tu ụmẹ ọnị Ohomorihi sị tụ́ ọza vẹ ẹhẹ. Ẹ sị avaba ẹhẹ họ̀ use ka áá nyị ịsa ọbanyị ana vịdị maanị mẹ da? Áá nyị ọza ana vịdị wụ̀ ẹngụ ịrẹyị ọnọnị da?

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Ọdọvịdị 6:13

Dị Igidiyọnị kà, Aarịhịnị àa zẹ ka ọnị họ̀ use ịrẹyị, Nda, Ẹnẹyịmavara ọ̀ọ ya pe ẹnị, sị ẹ vẹ dị avaba odivi ẹnẹnị ee tụ́ ẹnị? Ịzị ohyozirenu ọnị ohiku ẹnịnị pa ịta ka Ẹnẹyịmavara ộ mẹ̀ ọnị ọ kụ wa hụrẹ Ijipiti ya? Ẹnẹyịmavara ọ raà va ịrẹma ẹnịnị, dị ọ hụrẹ ẹnị ụvọ yị Animidiya.