Iwe Ọhụhị Imosiisi ana aa hị́ Ọyịvatụrọda 32:4 - IWE ỌNỊNỊ

⁴ Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Iwe Ọhụhị Imosiisi ana aa hị́ Ọyịvatụrọda 32:4 ပူးပေါင်းရင်းမြစ်များ

Oyinyima 1:31

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

2 Ịsamụwẹrị 22:47

Ẹnẹyịmavara ọnị vi ana yara pooro, ọnị aa dọ mị tụ́ nị. Â vọrọ ka asị ụbanyị yọ Ohomorihi aa dọ mịị tụ́ nị, Ọnị ọ nyị ụbanyị hu keekere nị.

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

2 Ịtọpa 19:7

Avọọ ẹnịnị ee hí angwa Ẹnẹyịmavara, di e si eyi pe ẹtẹ. Ẹnẹyịmavara e yi si irikiti, a vị dị ọza ọ dọ ochirerenu.

Inehemaya 9:8

Ẹ ka Ohomorihi ô re ka aa mẹ ịzẹyịzaa hi ọnị, dị o wo otoo yị ọ ka ọnị vaa sị ẹtẹ Anikenaani, Anihiti, Anamọrị, Aniperizi, Anijebusi ọnịrị Anigirigasi yị ezi anị nị. Ohomorihi ộ vavọọ mẹ̀ agụvị ka ọnịzẹyịza ọ vị nị.

Ijoovu 34:10

Wụ́ ịrẹyị amị ẹwụ nịnị ọyẹrẹyị, ọchọnọyịrẹsụ Ohomorihi Ochẹtẹẹngụ ọ yị mā mẹ ọhịmị.

Ijoovu 35:14

Àa vị aanị yọ, Ijoovu, ú meme ro o ka Ohomorihi ve tu ẹwụ ana ka we yi re e ohi. Ụ ka wa raà sị ịrẹyị awụ tụ ọvịdị anị, vị́ ụ jẹẹ ee zi ọ nị.

Ijoovu 36:23

Ẹnẹ nyẹngụ zụ ọ oze ana vọrọ ka ọ zị? Ẹnẹ zụ kà a yọ ka ô mẹ̀ akụvị.

Ijoovu 8:3

Ohomorihi Ochẹtẹẹngụ ọ mā mẹ irikiti.

Ahẹ Ụgama 100:5

Ẹnẹyịmavara vị anaā mẹ̀ ịsa ene zoza, vi oō sì ịrẹyị ọza pooro nị. Ẹ yị nyị ụmẹ oni o ve sii vene ọza pooro pàá.

Ahẹ Ụgama 138:8

Ịjị ẹnị Ẹnẹyịmavara ro ka ọnị vaa mẹẹ mị vị ana aa mịị mẹ. Ẹnẹyịmavara, vi uū sì ịrẹyị ọza pooro nị. Navọ ịsa oni ụ nyima aa mẹ, wa mẹ̀ ẹ ta.

Ahẹ Ụgama 145:17

Avaba ịsa ẹnị Ẹnẹyịmavara ọ̀ọ mẹ vị ịsa ana vọrọ. Ô sì ịrẹyị avaba ịsa ọnị ọ tụ́.

Ahẹ Ụgama 146:6

Ohomorihi ọnọọ ọ mẹ ẹbẹẹba ọnịrị ẹtẹ ne beri oku ọnịrị avaba ịsa ene hi ịnị anị nị. Ọnị ọ vị Ẹnẹyịmavara ana ahịka vị ọọ̄ mẹ ịzẹyịza pooro nị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 18:46

Ẹnẹyịmavara vị ana yara pooro Ọnị aa dọ mịị tụ́ nị, mâ kụ́ ọ avọ o! Ohomorihi aa dọ mịị tụ́ ọnị ọ nyị ụbanyị hu keekere nị.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ahẹ Ụgama 31:5

Mâ sị ẹngụ amị ve chire wụ ụvọ, ẹwụ Ẹnẹyịmavara Ohomorihi mâ yẹ ka ịzẹyịza ụụ̄ mẹ nị.

Ahẹ Ụgama 33:4

Ịrẹyị Ẹnẹyịmavara, ọnị ộ vọrọ oo nịnị! Avaba ụkọrọ anị, ịzẹyịza a sịị mẹ̀ ọnị nị.

Ahẹ Ụgama 78:35

Ịjọnọọ dị ẹ sị tamayị ka Ohomorihi ọ zụ sị ẹnị tẹ ka asị a nyị ịsị ẹ mẹ̀ ẹnị nị.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ahẹ Ụgama 90:16

Navọ wa mẹ̀ ụkọrọ ẹbanyị-ẹbanyị awụ dị eyi ezi ahụ awụ ò re e, di ezi eyi ịrẹma-ịrẹma ẹ̀ zụ yẹ ụ mẹmẹ nyị ụbanyị.

Ahẹ Ụgama 92:15

Ọnọọ ộ sị zụ̀ ka Ẹnẹyịmavara vị anaā mẹ̀ ịsa ana vọrọ, Ọnị ọ vị ịzị mị na tẹ̀ tụ́ dị à yị nyị ịsị ẹ zụ kanyị mị nị, Ọ mā mẹ̀ ebira odivi vụrụ-vụrụ.

Ahẹ Ụgama 97:2

Eguhi dụmẹ-dụmẹ vị ana kara Ẹnẹyịmavara, ohinọyị anị vị ana aa sị ịzẹyịzaa mẹ, ọ mā mẹ apẹ.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ọyịkụra 34:6

Ọ mẹ̀ zị ọvịdị Imosiisi aa parahu, dị aa hị́ ẹngụ anị ịrẹha dị ọ ka ọnị Ẹnẹyịmavara ana vị Ohomorihi anaā vayị ọza ẹtẹẹtẹrẹ. Ọ kà ọnị ọ mā hụra kụ́ ayị, ama ọnịị̄ sì ịrẹyị ọza dị ọnị rẹ nyị ịzẹyịza nị.

Ịrẹyị Ọzwọzịsa 3:14

Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị.

Ayịsaya 17:10

Ẹwụ nịnị Anisirẹrị, we reè hi ayị Ohomorihi ana dọ wụ nịnị ha. Wẹ yị kụkụ tamayị ka ọnị ọ vị ụkata ana sị wụ nịnị tẹ nị. Wá tọ̀ọ́ ihu ene zoza hụrẹ ẹkụra ọsa va da ụbazị agụvị we re oze hẹkẹ ori anẹkụra ọsa.

Ayịsaya 25:1

Ẹnẹyịmavara, ẹwa vị Ohomorihi amị nọ; Mị vaa sị ụbanyịị yị wụ ẹtẹẹtẹrẹ. Wâ dà nyị ịzẹyịza kẹnẹ. Wa raà mẹ̀ ịsa ohyozirenu ẹbanyị-ẹbanyị; ọnị ụ ka ụ vaa mẹ̀ hụrẹ ụmọrụmọ, avọọ ụ mẹ̀ yị va mẹ̀ ẹ nị.

Ayịsaya 26:4

Sị ayịị tụra Ẹnẹyịmavara pooro; agụvị ka vi o vee sere yi pooro nị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ihabaku 1:12

Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Ihabaku 1:13

Ọnị ọ yẹ ka Ẹnẹyịmavara ẹ yị dọ ka oni o re ka ọza aa mẹ̀ ebira odivi. Asị ọ zẹ ka aza ọhịmị ẹ wụ̀ aza ọyịza vaa ha kẹnẹ.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 5:22

Ada amị ọnị ụvọta ọ mā mẹ̀ ọkarẹyị yị aza. Ọ raà sị ọkarẹyị chire ẹmị Ozi anị ụvọ ka maa mẹ̀ ẹ,

Aniroomi 1:32

Ẹnịnị ệ yẹ ka ọda Ohomorihi ộ kà a ka ẹngụ ọza ana àa vavọọ mẹ, vị ana a vọrọ ka à wụ. Ama ẹyaa yịị mẹ̀ ẹ, ẹ rẹ yaa sị ọtụụ kà aza ẹnẹsa ana aa mẹ̀ ẹ ịrẹma.

Aniroomi 2:2

Yáa yẹ ka ọkarẹyị oni Ohomorihi mẹ yị ẹngụ aza ana mẹ̀ ịsa ẹnẹẹ, ọ́ọ vọrọ.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Aniroomi 3:5

Ọ̀ọ sị vị ka ẹ yị àa mẹ̀ ịsa odivi, ịjọnọọ aza nyẹngụ ree hu avọọ gedebee ka ịsa oni Ohomorihiī mẹ ộ vọrọ yọ? Ị mẹmẹ vee tụ́ ohi? Ọsọnị vị ọnị maa kà kẹnẹ anka ịsị ọzaā hụraa kà.

1 Anịkọrịntị 10:4

di e re hú enyi oni Ohomorihi sị yị wa ini oze ohyozirenu nị. Ẹnịnị ê hú enyi ana hụụnị ịrẹta ana aa dụ wa ịrẹma-ịrẹma. Ịrẹta ọnọọ ọ vị Ikirisiti nị.

Iwe Ọhụhị Imosiisi ana aa hị́ Ọyịvatụrọda 10:18

Ọọ̄ mẹ ịzẹyịza ka ozi oku ọnịrị osoku na, di o sì ịrẹyị azọga ana ra beri aza. Aa sị ịsọyịrị ọnịrị achị yị wa.

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

Iwe Ọhụhị Imosiisi ana aa hị́ Ọyịvatụrọda 32:18

Ê hi ayị Ohomorihi ẹnịnị, ọdọzaha ọbanyị ẹnịnị ana sị ụhwẹ yị wa.

Iwe Ọhụhị Imosiisi ana aa hị́ Ọyịvatụrọda 7:9

Tamayị ka Ẹnẹyịmavara Ohomorihi awụ nịnị ọnị ịnya ọ vị ọnịzẹyịza nị. Ọ vaa sị ụvọ za oto ọnị ọ wo, dị aa sị oyisì anị zụ evere awụ ịrẹmị-ịrẹma oze akahị.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijemiisi 4:12

Ohomorihi ọnịnya kẹnẹ ọọ̄ mẹ̀ ọdaa yị ọza, ọnị ọọ̄ rẹẹ mẹ̀ ọkarẹyị nị. Ọnị ọ zụ dọ ọza há nị, ọnị ọ rẹ zụ wụ̀ ọza nị. Ẹnẹ vị ẹwụ ana aa jị ịvị yị ọnọhụva awụ?

1Ipita 2:6

Wáa yẹ ka â chẹrẹ ẹ tụ́ ini Iwe Ohomorihi, ọ mẹ kà a ka, Re, Maa nyị ịrẹta ọnya, ịsa obooro ọ vị mị nị. Mâ sị ịrẹta ọnọọ ká irehi ẹtẹ tụ́ Ịzayọnị. Ọza tụra ọza ana àa sị ayị tụra a, ọ́ yị vaa mẹ ụhịị nyị ọ vụrụ-vụrụ.

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.