Iwe Ọhụhị Imosiisi ana aa hị́ Ọyịvatụrọda 30:3 - IWE ỌNỊNỊ

³ Ẹnẹyịmavara Ohomorihi ẹnịnị vaa vayị ẹnịnị, ọ vaa ku wa varẹma hụrẹ ẹkụra irenyi-irenyi ọnị ọ ga wa hi, dị ọ mẹ ka o zee yị wa.

Iwe Ọhụhị Imosiisi ana aa hị́ Ọyịvatụrọda 30:3 ပူးပေါင်းရင်းမြစ်များ

Oyinyima 28:15

Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.

Oyinyima 48:21

Di Ijekọvụ va hị́ Ijosẹẹhụ dị ọ ka, “Ọ̀ yẹ o ka ọnị ee vee sú. Ama Ohomorihi vaa jẹẹ ịrẹma anị, dị ọ sị ọ varẹma nọ ịnị ẹtẹ ohiku anị nịnị.

1 Ịtọpa 16:35

Kà a yọ nịnị ka: Ẹwụ Ohomorihi ana aā dọ yịị ha, navọ wa dọ yị tụ́. Dị wa tọ̀ọ yị hụụnị avaba ẹkụra vabẹ, dị ya zụụ kụ́ wụ avọ, dị yaa ga wụ.

Inehemaya 1:9

Ama ẹnịnị èe ro ịnẹ varẹma, dị ẹ saasa ọda anị nị, ẹ̀ẹ daka che hi ozi, ọnị vaa kụ wa varẹma vẹ ịzị ọnị nyị yị wa ịzị aza ẹ yị vee hi ayị ịrẹha anị pooro.

Ijoovu 42:10

Ịjị Ijoovu raa mè aduwa yị wa, dị Ẹnẹyịmavara va ogu anị ịrẹma yọ oze ẹvẹẹva nị.

Ahẹ Ụgama 107:3

Dị ọ kụ́ wụ nịnị hụrẹ avaba ẹhẹ vavẹ nị.

Ahẹ Ụgama 147:2

Ẹnẹyịmavara aa sị Ijerusarẹmị vaa vẹ udi anị. Avaba aza ana a va kụ́ ọrịhị vị ọnị ọ vaa kụ́ụ vaa vẹ.

Ayịsaya 27:12

Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 54:7

Mâ hụrẹ ụvọ ụmẹ chee, ama agụvị ka mê sì ịrẹyị ẹnẹmẹhị, mị vaa sị ụụ varẹma.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 31:10

Ẹwụ nịnị anẹkụra ọ̀ wụ́ ịrẹyị Ẹnẹyịmavara dị wa nọ̀ ọ yị anẹkụra ene hi utenyi ẹnẹẹnẹ. Ẹnẹyịmavara ana gara Anisirẹrị hi rẹ vaa kụ wa gụ dị ee sere wa anka oseratẹmẹ mee sere ịsụpa anị avọọ.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Arụwẹ 3:32

Ọ̀ọ daka kụ ayodu tu yị, ọ rẹ vaa vayị anị, agụvị ka oō sì ịrẹyị ọza ẹtẹẹtẹrẹ.

Ezikẹẹrị 11:17

Avọọ, Ohomorihi Ananyị ụkata hu kere-kere ka, ọnị vanaa kụ́ waa gụ hụrị avaba ẹkụra ọnị ọnị gara wa ne hi, dị ọnị varẹma sị ẹtẹ Isirẹrị yị wa.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ezikẹẹrị 39:28

Aza anị vaa yẹ́ ịjị ọnọọ ka ọnị ọ vị Ẹnẹyịmavara, Ohomorihi ẹnịnị nị, ka ọnị ộ mẹ̀ ka à za wa ọrịhị ne hi aha ọsa, ama ọnị ọ rẹ raa kụ́ wa gụ booro aanị, dị ọnị kụ́ wa vavẹ ịnị ẹtẹ ẹnịnị ụvọta nị. Ọnị ẹ́ yị hụrẹ ọza ọnyọọnyị ẹnịnị ụvọ tụ ẹkụra ọnịvị ẹnịnị.

Imika 7:19

Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị

Ịzakaraya 10:9

Ẹ mẹ daka gara hi ẹhẹ zịịzị aanị, ọ daka noze, ẹ vaa tamayị anị. Ẹnịrị ezi ẹnịnị vaa ha dị ẹ varẹma vabẹ ve eehi.

Aniroomi 11:23

Aniju ẹ̀ẹ kụkụ varẹma, dị ẹyaa sị ayịị tụra Ohomorihi nị, Ohomorihi vaa và waa nọ udi ẹnịnị, agụvị ka Ohomorihi ọ zụ sị (Aniju nịnị ana sị mẹẹ anka oromi obooro, dị ọ sị) wa varẹma chire oromi obooro.

Aniroomi 11:26

Ịjọnọọ dị Ohomorihi dọ avaba Anisirẹrị nịnị há. Â vịdị vavọọ chẹrẹẹ (ka Ohomorihi) ka, “Ọdọzaha ọnọọ vị ana vaa hụrẹ Ịzayọnịị vẹ. Ọ vaa kụ́ avaba ebira edivi-edivi hụụ ịda irima ezi Ijekọvụ.

Aniroomi 11:31

Aniju ẹnị raa mẹ akamawụ booro aanị, agụvị dị Ohomorihi ọnị ọ̀ rẹ vayị ẹnịnị, anka ọ mẹ̀ vayị ẹwụ nịnị.

Iwe Ọhụhị Imosiisi ana aa hị́ Ọyịvatụrọda 13:17

Asị a nyị ọza ana sị̀ hụụnị ogu ene chi hi aanị, agụvị Ẹnẹyịmavara ọ vaa hụụnị ọyịkụ anị, dị ọ vayị awụ nịnị. Ọ vaa vayị awụ nịnị, dị ọ mẹ ka wa rụrụ hu avọọ anka ọ mẹ hị́ eku yị ohiku awụ nịnị,

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.