Iwe Ọhụhị Imosiisi ana aa hị́ Ọyịvatụrọda 3:2 - IWE ỌNỊNỊ

² Ama dị Ẹnẹyịmavara kà yị Imosiisi ka asị ẹnịnị hí angwa anị, ka ọnị aa sị ọnịrị aza anị ne beri ẹtẹ anị yị ẹnịnị nị. Dị ọ kà ẹnị ẹ mẹ̀ wa ịsị ẹnị mẹ̀ Isihoni ohinọyị Anamọrị ana ya Ịhẹsịbọnị.

Iwe Ọhụhị Imosiisi ana aa hị́ Ọyịvatụrọda 3:2 ပူးပေါင်းရင်းမြစ်များ

2 Ịtọpa 20:17

Ẹnẹyịmavara raa kà a ẹ yị vị ẹnị ẹ vaa kụ́ ịrẹkụ ọnọọ. Ẹ yịị vavọọ jẹẹ aha ẹnịnị ee zi. E vee re Ẹnẹyịmavara mẹ̀ vaa sị wa nyị ẹbẹẹba. Asị Anijuda ọnịrị Anijerusarẹmị nịnị kahi ịrẹma, asị e hí angwa. Ẹ nọ ịrẹkụ ka Ẹnẹyịmavara vaa jẹẹ wa ịrẹma.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ịrịka 21:34

Ama dị Ẹnẹyịmavara kà yị Imosiisi ka, asị e hí angwa anị agụvị ka ọnị ọ raà sị ọnịrị aza anị ne beri avaba ẹtẹ chire wa ụvọ; ẹnịnị ẹ mẹ Ọgị anka ịsị ẹ mẹ mẹ̀ Isihoni ohinọyị Anamọrị ana ya Ịhẹsịbọnị avọọ.

Odeyi 18:9

Ịrahụ ẹkụhị ọnya, Ịpọọrụ ô re ẹtẹ, dị Ananyị yị kà ịrẹyịị yọ nị. Dị ọ ka, “Asị u hí angwa, wa yịị kà enube ọyịza! Asị ụ hụrẹ ụvọ,

Odeyi 27:24

dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Iwe Ọhụhị Imosiisi ana aa hị́ Ọyịvatụrọda 20:3

dị ọ kà a ka; Ẹwụ nị isoja Anisirẹrị sị ụtọ pe ẹtẹ. Wàa nọ ịrẹkụ ajịnị, asị ụ hị́ angwa ọnịvị. Wèe re wa asị ayị hụrẹ ẹwụ ịnẹ.

Iwe Ọhụhị Imosiisi ana aa hị́ Ọyịvatụrọda 3:1

Ịrẹma ọnị ẹ raà wụ̀ Isihoni ọnịrị aza anị, dị ẹ va ịrẹsụ ka ẹtẹ Ịbasanị, dị Ọgị ana vị ohinọyị ẹkụra ọnọọ ọnịrị aza jịnẹ tụ ẹhẹ gẹ ịrẹkụ tu wa ẹkụra ana gụrị Edireyi nị.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Iwe Ọhụhị Imosiisi ana aa hị́ Ọyịvatụrọda 3:3

Ịzẹyịza dị Ẹnẹyịmavara sị Ọgị ohinọyị Ịbasanị ọnịrị aza anị chire ẹnị ụvọ, dị ẹnị wụ̀ avaba ẹnịnị bemi-bemi nị.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.