Iwe Ọhụhị Imosiisi ana aa hị́ Ọyịvatụrọda 3:14 - IWE ỌNỊNỊ

¹⁴ Abara Ija ana vị evere Ịmanasẹ ệ si avaba ẹtẹ Arigobi huu na ngụ ẹgẹ Igesu ọnịrị Imaakati. Ịzị ẹ̀ ra ịnị Ịbasanị anaā hi Ihavoti Ịjarị vị ẹnẹ ẹ̀ sị ịrẹha ada ẹnịnị Ịja yị. Avọọ a kụkụ aa hị́ ịzọọ pooro ve tụ́ ajịnị nị.

Iwe Ọhụhị Imosiisi ana aa hị́ Ọyịvatụrọda 3:14 ပူးပေါင်းရင်းမြစ်များ

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

2 Ịsamụwẹrị 13:37

Abịsarọmị oni o si zwe, ọ zị nọ ịda Itarimayi ozi Amihudi ana vị ohinọyị Anigesuri. Di ohinọyị oni ee sii sụ́ ùnè ozi anị eyinị-eyinị nị.

2 Ịsamụwẹrị 14:23

Di Ijowabi kwẹẹtẹ di o si hu aa nọ Igesuri dị ọ na sị Abịsarọmị huu ịzọọ vẹ Ijerusarẹmị nị.

2 Ịsamụwẹrị 20:26

Di Ịra ana vị Anịjarị ọnị vị ohirẹsụ irehi Ohomorihi ana yà idi Idevidi nị.

2 Ịsamụwẹrị 23:34

Ana vọ ẹ vị Eriparati ozi Akasebayi ana vị Animaaka, Eriyami ozi Ahitohwẹrị ana vị Anigiro.

2 Ịsamụwẹrị 3:3

Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi.

Ahẹ Ụgama 49:11

Aza ẹnẹẹ ana ahịka ệ vịdị nyị ogu dị ẹ hyakụ nyị ẹtẹ ana aa sịị hị́ wa ịrẹha ama èe wusu dị ahịka ikuta ọ kụkụ vi eehi ẹnịnị pooro nị.

Ijeremaya 40:8

 nyị anọrụ ẹnẹẹ ana aā hị́ Isimẹrị ozi Inetaniya, Ijohananị ozi Ikareya, Iseraya ozi Itanihumẹtị, ẹnị ezi Ehwayi ana vị Aninetohuwa, ọnịrị Ijezaniya ana vị Animaaka. Dị ẹnịrị aza ẹnịnị ve tu Igidarịya Imizipa nị.

Ịrịka 32:41

Ezi Ịjarị ana vị ozi Ịmanasẹ ẹnẹ ẹ rẹẹ̀ rị ẹkụra eweyi-eweyi ene hi ịzọọ, dị ẹ sị ịrẹha ada ẹnịnị yị ẹkụra ẹnẹẹ nị.

Iwe Ọhụhị Imosiisi ana aa hị́ Ọyịvatụrọda 3:13

Ahẹva ẹtẹ Igiriyadi ana vọ ọnịrị avaba ẹtẹ Arigobi ọnị Ọgị vị ohinọyị anị vị ọnị ọ sị yị Ịmanasẹ. (Ịrẹha ọsa ana a rẹ hị́ Ịbasanị ọ vị Irehwayimi.)

Iwe Ọhụhị Imosiisi ana aa hị́ Ọyịvatụrọda 3:4

Dị ẹnị dọ wa avaba ẹkụra ọbanyị-ọbanyị ẹnịnị ene tụ́ ẹbẹẹta nị. Avọọ ẹnị mẹ̀ dọ wa avaba ẹtẹ Arigobi ịzị Ọgị ohinọyị Ịbasanị ya aa mẹ̀ ịjọva anị nị.

Ijosuwa 12:5

Ọgị ọ nyị ẹtẹ hụrẹ ataba Ihamọnị ẹbẹẹba va ngụ Isareka, ọnịrị avaba ẹtẹ Anịbasanị na ngụ ẹgẹ Anigesuri ọnịrị Animaaka neberi Ịhẹsịbọnị ẹtẹ Igiriyadi.

Ijosuwa 13:13

Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị.