Iwe Ọhụhị Imosiisi ana aa hị́ Ọyịvatụrọda 3:11 - IWE ỌNỊNỊ

¹¹ Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Iwe Ọhụhị Imosiisi ana aa hị́ Ọyịvatụrọda 3:11 ပူးပေါင်းရင်းမြစ်များ

Oyinyima 14:5

Ịnị ana tụ́ ọ ịrayị ẹwụrẹna, di Ikedorayoma ana vị ohinọyị ne beri ohinọyị ana vọ ọnị ọnịrịị vabẹ kụ́ ọkụrẹkụ ẹnịnị, dị ẹ na rị Irehwayimi ene hi ịnị ẹtẹ Asiterọtị-Ikanayimi ọnịrị Izuzimi ene hi ịnị ẹtẹ Ihami beri Emimi ene hi Ịsavẹ-Ikiriyatayimi.

Oyinyima 6:15

Ọ kà aanị ọ mẹ̀ vaa mẹ ẹpa ọnọọ nị: ụgọdọ anị vaa vị ahụ akava tụra ẹvarẹwụ, (450) dị ụgana anị ọ̀ vị ahụ ẹtarẹwụ tụra ẹẹhị. (75) Ụnẹba anị rẹ vaa vị ahụ ẹbẹẹva tụra ẹẹhị. (45)

2 Ịsamụwẹrị 11:1

Ịrayị mẹ̀ rẹ sị gẹ, o si tù ụmẹ oni ohinọyị nịnịị̄ sịị naa kụ̀ ịrẹkụ. Di Idevidi tụ́ Ijowabi ọnịrị aza ohinọyị ne beri avaba isoja Anisirẹrị ka ẹ̀ nọ ịrẹkụ Anamọnị nịnị, dị ẹ wụ̀ wa nị. Di isoja Anisirẹrị nịnị kụ́ na kara ẹkụra Ịraba nị. Idevidi ọnị yà Ijerusarẹmị ịjọnọọ.

2 Ịsamụwẹrị 12:26

Ịnị ụmẹ ọnọọ, Ijowabi ọnịrị isoja Anisirẹrị nịnị ẹ raà rị Ịraba ana vi ohyẹtẹ ẹkụra Anamọnị nịnị ịzị ohinọyị ẹnịnị ra.

Ijeremaya 49:2

Ọ kà ụmẹ aa vẹ, ọnị ọnị vee nowu ịrẹkụ, dị ọnị mẹ ka aza ana ra ẹtẹ Ịraba ẹ̀ wụ ọ. A vaa jị ọ eburu, dị aa rị ẹkụra eweyi-eweyi ana kara a ịra zẹtẹ. Ịjọnọọ, Anisirẹrị nịnị vaa dọ ẹtẹ ẹnịnị varẹma hụụnị ụvọ aza ana dọ wa ẹtẹ.

Ezikẹẹrị 21:20

Ọnyara vaa zụ̀ ohinọyị Ịbabịrọnị oze naa ngụ ẹkụra Anaamọnị, ana ya ẹtẹ Ịraba. Dị ọ sa na ngụ Ijerusarẹmị, ẹtẹ Ijuda.

Ezikẹẹrị 25:5

Ẹnẹyịmavara kà ọnị vaa vara ẹkụra ana aā hị́ Ịraba ịzị aa pá ịnyaakụmị hi. Dị ọnị vara avaba ẹtẹ Amọnị ịzị a yaa pa atẹmẹ, ụvị dị wa yẹ́ nịnị ka ọnị ọ vị Ẹnẹyịmavara nị.

Emọsị 1:14

Agụvị avọọ Ẹnẹyịmavara kà ọnị vaa rị ọvọ ẹkụra Ịraba ọnịrị irehi ohinọyị ẹnịnị ịra. Ọnịvị ẹnịnị vị ana vaa và wa angga anka okoruwa avọọ dị ẹtẹ aa sụ́ ịrẹyị.

Emọsị 2:9

Ẹnẹyịmavara kà eyi Anisirẹrị nịnị ọnị wụ̀ Anamọnị ha nị. Aza ẹnẹẹ vị ana hụ anka ụchẹba, dị ẹ nyị ụkata anka ọbanjere. Ẹ yị nyị ọza ana vọ ẹtẹ ịnị ẹnịnị vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 2:11

Ịrẹha ọsa ana a hị́ wa ọ vị Irehwayimi nị.

Iwe Ọhụhị Imosiisi ana aa hị́ Ọyịvatụrọda 2:20

Anirehwayimi ana nyị ẹtẹ ọnọọ ana ra ịzọọ vị ọnị Anamọnị nịnị hị́ Izamizumi.

Ijosuwa 12:4

Ohinọyị ọsa ọ vị Ọgị, ohinọyị Ịbasanị ana ra Asịtarọtị ọnịrị Edireyi. Ọnị ọ vị ọdịrẹma ịnị evere Irehwayimi nị.

Ijosuwa 13:12

Avọọ ẹ mẹ yịị dọ ẹtẹ na ngụ ẹtẹ Ịbasanị ịzị Ọgị vị ohinọyị anị ọnị Asịtarọtị ọnịrị Edireyi. Ọnị ịnya kẹnẹ ọ ha ịnị Irehwayimi. Ẹtẹ ẹnẹnị Imosiisi huna anẹkụra ẹnẹẹ, dị ọ sị ụkata-ụkata dụ wa hụrẹ ẹkụra ẹnịnị.

Ẹtore 21:17

Dị ọ rẹ ngọ ọvọ anị, dị ọ vị ahụ ịrẹka tụra ẹwụrịhịnọnyị (216) nị, anka ịsa ọnị ọza sịị̄ ngọ ịsa; ịsa ana anggẹẹrị ọnọọ sị ngọ ọ, ọ vị ọnọọ nị.

1 Ịsamụwẹrị 17:4

 nyị ọnọrụ ọnya aanị ini isoja Anihwirisiti nịnị. Ịrẹha anị ọ rị Igorayati nị. Anẹkụra Igati ọ vị nị, dị ọ hụ̄ ẹtẹẹtẹrẹ nị. Ộ gọdọ tù ahụ ịhịịna.