Iwe Ọhụhị Imosiisi ana aa hị́ Ọyịvatụrọda 3:1 - IWE ỌNỊNỊ

¹ Ịrẹma ọnị ẹ raà wụ̀ Isihoni ọnịrị aza anị, dị ẹ va ịrẹsụ ka ẹtẹ Ịbasanị, dị Ọgị ana vị ohinọyị ẹkụra ọnọọ ọnịrị aza jịnẹ tụ ẹhẹ gẹ ịrẹkụ tu wa ẹkụra ana gụrị Edireyi nị.

Iwe Ọhụhị Imosiisi ana aa hị́ Ọyịvatụrọda 3:1 ပူးပေါင်းရင်းမြစ်များ

1 Ohinọyị 4:19

Igeberi ozi Uri. Ọnị vị ana jẹẹ yị okokooro Anigiriyadi. Isihoni ohinọyị Anamọrị ọnịrị Ọgị ohinọyị Anibasanị ẹ vịdị aa mẹ ọda tụ́ ịrẹsụ ẹtẹ ọnọọ nị. Ịgọvọnọ ọnya o si eyi pè ẹtẹ ọnọọ nị.

Inehemaya 9:22

Ohomorihi ộ mẹ̀ ka ohiku ẹnịnị ọ̀ nyị ẹbẹẹba ohinọyị ẹbanyị-ẹbanyị ọnịrị ẹkụra ọrụrụ-ọrụrụ. Ọnị ọ sị aza anị tụ́ avaba aha ịnị ẹtẹ ọnọọ nị. Dị ẹ dọ ẹtẹ Ịhẹsịbọnị ọnị Isihoni vị ohinọyị anị, ọnịrị ẹtẹ Ịbasanị ọnị Ọgị vị ohinọyị anị nị.

Ahẹ Ụgama 136:20

Ọgị ohinọyị Anịbasanị ọnị rẹ vị ọnya. Vi óō sì ịrẹyị ọza pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 1:4

Dị ịhị ọnọọ ve tu, Ẹnẹyịmavara ộ vịdị raà sị Anisirẹrị nịnị nyị ẹbẹẹba Isihoni, ohinọyị Anamọrị ana ra Ịhẹsịbọnị ọnịrị Ọgị, ohinọyị Ịbasanị ana ra Asịtarọtị ọnịrị Edireyi.

Iwe Ọhụhị Imosiisi ana aa hị́ Ọyịvatụrọda 2:32

Dị Isihoni kụ́ aza jịnẹ nọ ịrẹkụ ẹnịnị ọ gụrị ẹkụra ana a hị́ Ijahazi nị.

Iwe Ọhụhị Imosiisi ana aa hị́ Ọyịvatụrọda 29:7

Ịjị ọnị ẹ va ngụ ẹtẹ Imowabi, Isihoni ana vị ohinọyị Ịhẹsịbọnị ọnịrị Ọgị ohinọyị Anịbasanị ẹẹ gẹ ịrẹkụ tu ẹnị. Ama dị ẹnị nyị ẹbẹẹba ẹnịnị,

Iwe Ọhụhị Imosiisi ana aa hị́ Ọyịvatụrọda 3:2

Ama dị Ẹnẹyịmavara kà yị Imosiisi ka asị ẹnịnị hí angwa anị, ka ọnị aa sị ọnịrị aza anị ne beri ẹtẹ anị yị ẹnịnị nị. Dị ọ kà ẹnị ẹ mẹ̀ wa ịsị ẹnị mẹ̀ Isihoni ohinọyị Anamọrị ana ya Ịhẹsịbọnị.

Iwe Ọhụhị Imosiisi ana aa hị́ Ọyịvatụrọda 31:4

Ẹnẹyịmavara vee vu anẹkụra ẹnẹẹ ẹtẹ anka ọ mẹ mẹ̀ Anamọrị nịnị ne beri Isihoni ọnịrị Ọgị ana vị ohinọyị ẹnịnị.

Iwe Ọhụhị Imosiisi ana aa hị́ Ọyịvatụrọda 4:47

Ẹnịnị ệ ra ịnị ẹtẹ anị, ọnịrị ịnị ẹtẹ Oogi, ohinọyị Ịbasanị. Oogi vị ohinọyị Anamọrị ọsa ana ra eyi ọnị ọyịị̄ zịị vẹ Íjodanị.

Ijosuwa 12:1

Ịjị Anisirẹrị nịnị vịdị ya akẹnẹ irehu Ijodani, eyi ịzị ọyị zị hụrẹ vẹ ẹhẹ, ẹ nyị ẹbẹẹba ohinọyị ene hị́ ịzọọ. Dị ẹ dọ wa ẹtẹ ẹnịnị hụrẹ osusu Arinọnị ụvẹtẹ na ngụ ataba Ihamọnị ẹbẹẹba ne beri avaba inozi Araba.

Ijosuwa 12:4

Ohinọyị ọsa ọ vị Ọgị, ohinọyị Ịbasanị ana ra Asịtarọtị ọnịrị Edireyi. Ọnị ọ vị ọdịrẹma ịnị evere Irehwayimi nị.

Ijosuwa 13:30

Ẹtẹ ẹnịnị ọ na ngụ Imahanayimi beri avaba ẹtẹ Ịbasanị ọnị Ọgị vị ohinọyị anị. Avọọ ọ mẹ̀ za ẹkụra Ịjarị eweyi-eweyi ẹbẹẹta ịnị ẹtẹ Ịbasanị nị.

Ijosuwa 9:10

ọnịrị ohinọyị Anamọrị ẹẹva ana ya akẹnẹ Ijodani eyi ịzị ọyịị̄ hụrẹ vẹ. Avọọ ọ mẹ rẹ mẹ̀ Isihoni ohinọyị Ịhẹsịbọnị ọnịrị Ọgị ohinọyị Ịbasanị ana ra Asịtarọtị.