Iwe Ọhụhị Imosiisi ana aa hị́ Ọyịvatụrọda 26:5 - IWE ỌNỊNỊ

⁵ Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.

Iwe Ọhụhị Imosiisi ana aa hị́ Ọyịvatụrọda 26:5 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 24:4

Ọ kà ọ̀ kà a ka ẹkụra anị ọnịrị ịda anda anị ọ va naa nyị ọnẹẹ hụrẹ vaa yi Ayiziiki ozi anị nị.”

Oyinyima 25:20

Ayiziiki vị ịrayị ẹbẹẹva dị ọ va nyị ose anị ana aā hị́ Irebeka. Irebeka ọnọọ vị ozi Ibetuwẹrị Anarami ịnị akẹbẹẹba Imesopotamiya. Irebeka rẹ vị ọyịnyara Ịrabanị.

Oyinyima 27:41

Iisọ vị ana kụkụ nyayịnẹ aa kụ́ ayị Ijekọvụ agụvị aduwa ana ada anị mẹ yọ. Di Iisọ ka a ịnị ayị anị ka ma yẹ ka ada anị ee vee sú. Òo wusu, dị ọnị wụ Ijekọvụ ọyịnyara anị.

Oyinyima 28:5

Ịjị Ayiziiki vavọọ sị aduwa mẹ̀, dị ọ ka Ijekọvụ ọ̀ naavẹ nị. Dị Ijekọvụ si hu aa nọ Ịpadanaramị, ịda Ịrabanị ozi Ibetuwẹrị Anarami. Ọnị ọ vị ẹnẹbẹnị Irebeka ọnyị Ijekọvụ ọnịrị Iisọ nị.

Oyinyima 31:20

Ijekọvụ ọnị ọ yị rẹ kà a yị Ịrabanị Anakẹbẹẹba Imesopotemiya ka ọnị aa na, vị o vene e nị.

Oyinyima 31:24

Ịnị ịrahụ, di Ịrabanị anakẹbẹẹba Imesopotemiya ra ụra re Ohomorihi nị. Di Ohomorihi kà a yọ dị ọ ka, “Mẹ hẹẹ, ọ ka asị a nyị ịsị ọ mẹ Ijekọvụ vụrụ-vụrụ.”

Oyinyima 31:40

Ọ kà Ọọdụ vị ọnị ọyị aa rị ọnị, di ahị aa za ọnị ịrahụ, dị ọnị ọ yị zụ sụ ara.

Oyinyima 43:12

Ọ kà dị ẹ̀ varẹma sị ẹkẹhị oze ẹẹva za, ọ ka ẹ̀ Sị ẹkẹhị ana a varẹma tụ́ ịnị achuchu ẹnịnị za, ka ọ zụ hwọọ ahịka vi e nyee eyi nị.

Oyinyima 45:11

Ọ kà ọnị vaa sị ịsọyịrịị yị wa ịzọọ. Dị ọ rẹ ka ụngwẹ ọnọnị ọ sị vọ ịrayị ẹẹhị dị ọ̀ ta. Ọ kà ọnị ọ yị vavọọ mẹ, ẹnịrị aneehi ẹnịnị beri avaba ịsụpa ẹnịnị vị ọnị ụzọngwa aa za.”

Oyinyima 45:7

Ọ kà Ohomorihi o yi sì ka ụngwẹ ọ̀ wụ̀ wa hụụnị ẹhẹ. Agụvị avọọ ọ tụ́ ọnị dọ ọvịdị ẹnịnị vẹ ịzẹnị ka ọnị ọ̀ va mẹ ka asị ẹ ta hụụnị ẹhẹ nị, dị aza ẹ̀ zụ ha ini oze ene hi ọza irenu.

Oyinyima 46:27

Ezi oni ose Ijekọvụ maa yọ Ijipiti vị ẹnị ẹẹva. Avaba aza ana vị aneehi Ijekọvụ ana nọ Ijipiti vị ẹnị ẹtarẹwụ.

Oyinyima 47:27

Ijekọvụ nịnị vị ana ra hi okokooro Igoseni ịnị ẹtẹ Ijipiti. Ệ nyị ẹtẹ tụ́ ịzọọ, dị ẹ ma ozi, dị ẹ nyayịnẹ aa rụrụ nị.

Oyinyima 47:4

Dị ẹ rẹ ka, “Taarụ, vị ẹnị vẹ ka ẹnị ẹ̀ va ra ịnị ẹtẹ ọnọnị nị. Ẹ ka Ịda ẹnịnị ọ yị kụkụ nyị avị ana vọrọ ka ịsụpa ẹnịnị ẹ̀ẹ rị. Ẹ ka ụngwẹ ọnọnị vị ana nyayịnẹ aa kụ̀ ịnị ẹtẹ Ikanaani. Dị ẹ rẹ ka aarịhịnị vị ẹnị ka ẹnị ẹ̀ dá ịpẹ yọ ka ọ̀ na vọ ẹnị e yà Igoseni nọ.”

Ọyịkụra 1:12

Ama Ịjị e nyima dị a maanị aa sị ụyaa rị wa, dị ahịka ịjọnọọ Anisirẹrị aa rụrụụ hu avọọ nị. Ịjọnọọ dị Anijipiti kuku ee hị́ angwa Anisirẹrị, dị ẹ rẹ yaa kụ́ ayị ẹnịnị ẹtẹẹtẹrẹ nị.

Ọyịkụra 1:5

Avaba ezi ana hụrẹ ịpa Ijekọvụ vẹ ẹhẹ vị ẹnị ẹtarẹwụ. Ijosẹẹhụ ọnị ộ vịdị zị nọ Ijipiti.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Ihoseya 12:12

Ijekọvụ ô zwe na ngụ ẹtẹ Aramị ịzị ộ mẹ̀ ụkọrọ ana a sị sị ọnẹẹ ga a, ọnẹẹ o sere atẹmẹ yị ọza nị.

Ihoseya 12:13

Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa.

Odeyi 7:15

Dị Ijekọvụ nọ Ijipiti nị. Ịzọọ ọnịrị ada ayị nịnị yà sú nị.

Iwe Ọhụhị Imosiisi ana aa hị́ Ọyịvatụrọda 1:10

Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Iwe Ọhụhị Imosiisi ana aa hị́ Ọyịvatụrọda 26:4

Dị ohirẹsụ irehi Ohomorihi ọnọọ dọ wụ nịnị uji ọnịrị ịsa tụ́ ọvịdị ụta ịsọvọ Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 7:7

Ẹnẹyịmavara sì ịrẹyị wụ nịnị kẹnẹ, dị ọ nyị wụ ka wa vị aza anị nị. Ẹ yị vị agụvị ka ẹwụ nịnị ọ rụrụ hụụnị anẹkụra ana vọ nị. Ẹwụ nịnị ọ hyakụ weyi hu nị.