Iwe Ọhụhị Imosiisi ana aa hị́ Ọyịvatụrọda 26:2 - IWE ỌNỊNỊ

² Ọzọza ọ̀ sị ịsa ịpaapa ịsa ịnị aarẹ irenyi-irenyi ana mẹ̀ tụ́ ini uji, dị ẹnịrị uji ọnọọ nọ ịzị Ẹnẹyịmavara Ohomorihi awụ nịnị nyị ka aa hẹkẹ ọnị.

Iwe Ọhụhị Imosiisi ana aa hị́ Ọyịvatụrọda 26:2 ပူးပေါင်းရင်းမြစ်များ

2 Ohinọyị 4:42

 rẹ nyị ẹkụhị ọsa, dị a nyị ọza ana hụrẹ ẹkụra ana aā hị́ Ịbaarị-Isarisa vẹ nị. Ộ kụ ịbụrẹdị va yị Erisa. Ibaari ịpaapa ana a kụ hụụnị aarẹ ịnị ịrayị ọnọọ a sị mẹ̀ ịbụrẹdị ọnọọ nị.  rẹ há apaapa ohwoohu vaka a va yọ. Dị Erisa kà ozi ahụ anị ọ gà ẹ yị ọnịsẹ nịnị ene hi ịdị anị, dị ẹ̀ rị ọ nị.

2 Ịtọpa 31:5

Obobooro ana a mẹ̀ ọda ọnọnị, ọzọza nyima aa kụ́ ẹyịza hụụnị ịsa ịnị aarẹ ẹnịnị vẹ ịnị irehi Ohomorihi nị. Ệ sị akụ ene zoza, eche, angwẹ orivi, ẹhụ ọnịrị ịsa ịnị aarẹ ẹnịnị ana vọ vẹ.

2 Ịtọpa 6:6

Ama booro aanị, ọnị ọ raà nyị Ijerusarẹmị ka ọ vị ịzị a vaa yaa hẹkẹ ọnị. Avọọ ọnị mẹ rẹẹ̀ nyị Idevidi ka ọ vị ohinọyị Anisirẹrị nị.

Inehemaya 12:44

Ụmẹ ọnọọ dị a nyị anọrụ ẹnyị ka ẹ̀ sị eyi pe aku ana a kụ ịsa ana aza kụ́ vẹ hi nị beri agẹẹwụ ọnịrị ịsa ịnị aarẹ ịpaapa nị. Ẹnị aa dọ ịsaa hụụnị aarẹ ene hi ẹkụra-ẹkụra vaa yị ohirẹsụ irehi Ohomorihi ọnịrị Anireevi nịnị anka ọda mẹ kà a nị. Ayị avaba aza ene hi Ijuda ê hine yị ohirẹsụ irehi Ohomorihi ọnịrị Anireevi nịnị anaa mẹ̀ ụkọrọ Ohomorihi.

Inehemaya 13:31

Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.

Ọyịkụra 20:24

Tụ ụvụ dụ wa sị jị ụta mị nịnị. Ẹvụ ọnịrị imaaru ọnị ụ wàa sị va mẹ̀ ịsọvọ ana aā rị ịra, dụụ rị ọ ịra ịrẹsụ ụta ọnọọ nịnị. Wàa raa mẹ̀ ịsọvọ ene e duduū rị, ịrẹsụ ụta ọnọọ ụ rẹ vaa yàa mẹ̀ ẹ mị nịnị nị. Ịzị màa nyị ka wa yàa hẹkẹ mị nịnị, ịzọọ mị vaa yàa mẹ ka ò zee wu nịnị nị.

Ọyịkụra 22:29

Òo si tù ka wa sị ịnị akụ awụ ọnịrị eche awụ ne beri angwẹ awụ va mị, asị ụ ngụ ayịsa anịị mị. Ozi ịpaapa awụ ọ̀ọ vị ọnọrụ, ẹmị ụ waa sịị yị nị.

Ọyịkụra 23:16

Ụ rẹ vaa rị Eche ụmẹ ọnị ịsa ịnị aarẹ sị mẹ. Wàa naa sị ịsa ịnị aarẹ ana vịdị mẹ ụ vaa rị Eche ọnọọ nịnị nị. Ịrayị ọ̀ọ sị gẹ dị waa naa kụ́ ịsa ịnị aarẹ naa tẹ nịnị nị, ụ rẹ vaa rị Eche ụmẹ ọnị aa sịị kụ́ ịsa nee hi ịnị ụhwọ.

Ọyịkụra 23:19

Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.

Ọyịkụra 34:26

Ịsa ịpaapa ọnị ụ wàa sị hụụnị ịnị aarẹ awụ, sị ọ ve ini eehi ẹmị Ẹnẹyịmavara ana vị Ohomorihi awụ. “Wàa chịnẹ ozi ẹvụ asị ụ sị inono ọnyị anị tụ́ ọ chịnẹ.”

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Ezikẹẹrị 20:40

Ọ kà, agụvị ka ịnị ataba ọnịnị anị, ataba ana nẹba tụ ẹtẹ Isirẹrị, avaba ẹwụ nịnị Anisirẹrị vaa yaa hẹkẹ ọnị nị. Ayị anị vee hinee tu wu nịnị, dị ọnị ee zì ka wa va mẹ̀ ịsọvọ yị ọnị nịnị ịzọọ dị wa sị ịsị ịsọvọ awụ nịnị ene hu kere-kere ọnị ụ sị tụ irenyi nịnị va yị ọnị.

Ezikẹẹrị 44:30

Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.

Ezikẹẹrị 48:14

Ịpa ana a sị tịtẹ yị Ẹnẹyịmavara aanị, o hu ịnị avaba ẹtẹ Anisirẹrị nịnị nị. A sị a nyị ịpa ọnị ọza dà ná ịnị anị. Asị a nyị ịpa ana á dà yị ọza dị à sị dọ ịsị ọsa. Asị a rẹ nyị ịpa ana a dà yị ọza ẹnẹsa ịnị anị o. Ẹtẹ ọnọọ vị ọnịnị, Ẹnẹyịmavara ọ nyị nị.

Ireevi 2:12

Wa zụ sị akụ ịpaapa ọnị ụ sị hụụnị aarẹ awụ, ọnịrị owu avị ẹhụ va yị Ẹnẹyịmavara ama a sị a rị ọ ịra ịrẹsụ ụta ịsọvọ ka ọ̀ da agụ ohine hi Ẹnẹyịmavara.

Ireevi 2:14

Wàa ha apaapa ịpaapa hụụnị aarẹ awụ nịnị aa vaa yị Ẹnẹyịmavara, wara a nịnị dị à varẹma kwọ̀ ọ.

Aniroomi 11:16

Àa raà dà Ịbụrẹẹdị ịpaapa yị Ohomorihi, ọnọọ vị ka avaba anị a sị yị Ohomorihi avọọ nị. Àa rẹ sị ẹpa ọchị ọnya tụ́ irenyi yị Ohomorihi, ọnọọ vị ka avaba ana vọ, Ohomorihi ọ nyị nị.

Aniroomi 16:5

Rẹ kụ́ anịragụ Ohomorihi anaā gẹ ini eehi ịda ẹnịnị mị! Kụ́ Epeenetu mị ẹtẹẹtẹrẹ, mâ da sì ịrẹyị anị kẹnẹ. Ọnị ọ vị ọnịpaapa ịnị ẹtẹ Esiya ana sị ayị tụra Ikirisiti nị.

Aniroomi 8:23

Ẹ yị vị ịsa oni Ohomorihi tụ́ kẹnẹ ẹ vavọọ ee tì. Ẹyị bẹẹ ana nyị Ụhwẹ Ohomorihi vị ana vavọọ ee tì tụ́ ịnị ayị ayị. Ụhwẹ Ohomorihi ọnọọ ọ vị ịsa ịpaapa oni Ohomorihi sị yị nị. Yâ jẹẹ ee zí ka ọ̀ va sị yị mẹ ezi anị, ọnị ọ vị ka ọ̀ va hị́ avaba ẹngụ ayị varẹma.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.

1 Anịkọrịntị 16:2

Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị.

Iwe Ọhụhị Imosiisi ana aa hị́ Ọyịvatụrọda 16:10

Dị ụ va rị eche ịsa ọyịkụ gụ nịnị, ọyịsị ụbanyị yị Ẹnẹyịmavara Ohomorihi awụ nịnị, dị ụ wa sị ẹyịza va yị Ẹnẹyịmavaraa anka ọpa ọyịza ọnị ọ mẹ wụ nịnị.

Iwe Ọhụhị Imosiisi ana aa hị́ Ọyịvatụrọda 18:4

Ẹnị ụ vaa sị ịsa ịnị aarẹ ịpaapa awụ nịnị yị nị, ọ̀ọ vị apaapa, eche, angwẹ, ọnịrị ẹyị atẹmẹ awụ nịnị.

Iwe Ọhụhị Imosiisi ana aa hị́ Ọyịvatụrọda 26:1

Ịjị wàa raà dọ ẹtẹ ọnị Ẹnẹyịmavara, Ohomorihi awụ nịnị aa sị wụ nịnị, dị ụ sị yaatụ nị.

Iwe Ọhụhị Imosiisi ana aa hị́ Ọyịvatụrọda 26:3

Ne tu ohirẹsụ irehi Ohomorihi ana ya oze ụkọrọ ịzọọ ịnị ụmẹ ọnọọ. Kà a yọ ka wâ sị yẹ ka wa raà ngụ ịnị ẹtẹ ọnị Ẹnẹyịmavara Ohomorihi awụ nịnị wo oto anị yị ohiku awụ nịnị ka ọnị a sị wụ nịnị.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.