Iwe Ọhụhị Imosiisi ana aa hị́ Ọyịvatụrọda 22:8 - IWE ỌNỊNỊ

⁸ Wàa da irehi ọwọọwa, re ka wa sị ịsa kara ụtụtọ ịrẹsụ irehi. Ẹ yị nyị awụ rị ọza òo ne zina di o su nị.

Iwe Ọhụhị Imosiisi ana aa hị́ Ọyịvatụrọda 22:8 ပူးပေါင်းရင်းမြစ်များ

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Ọyịkụra 22:6

Ọza ọ̀ọ jị ịra tụ́ avị dị ọ rị avị ịra na ngụ ịnị aarẹ ọza ẹnẹsa dị ọ na rị akụ ana a mẹ hi ẹtẹ àa vị ana jẹẹ ịra nị, ọza ana jị ịra tụ́ avị avọọ vee si ụta ịsa ana rị ịra.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ezikẹẹrị 3:18

Ẹnẹyịmavara kà ọnị ọ̀ọ kàa yị ọza odivi ka o vee sú nị, ama ọnị ẹ̀ yị na kà ọ ọnọ ka ọ̀ và hụụnị ebira odivi anị, agụvị dị ọ̀ zụ ha. Ọza odivi ọnọọ vee sú tu ịnị udivi anị, ama ọnị Ezikẹẹrị oni vee họ̀ use anị nị

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Imatiwu 10:27

Ịsị màa kà wụ nịnị ịnị ịrahụ, na kà a nịnị ụmẹ ọọdụ! Ịsa àa tangwa were kà chire wu nịnị ụtọ, na jẹẹ ịrẹsụ irehi, dụ wa nọ̀ ọ nịnị!

Ịmaakị 2:4

Ẹnịnị ẹ yị nyẹngụ sị oswẹngụ ọnọọ tù ịzị Ijeesu yà, agụvị ka aza ẹ sị rụrụ baaba. Ệ sị ọọ hịrẹ ịrẹsụ irehi ọnọọ. Dị ẹ chị obooro oni Ijeesu yà nị. Ịjị ẹ sị ọọ chị ta, di e chí odooro oni oswẹngụ ọnọọ hụtụ ịnị anị hi ẹtẹ nị.

Odeyi 10:9

Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Aniroomi 14:13

Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị!

1 Anịkọrịntị 10:32

Asị ụ mẹ ka ọza ọnyọọnyị ò du ayị, ọ̀ọ vị Aniju, ọ̀ọ vị aza ẹnẹ ẹ̀yị vị Aniju, ọ̀ọ daka rẹ vị anịragụ Ohomorihi.

Iwe Ọhụhị Imosiisi ana aa hị́ Ọyịvatụrọda 22:7

Wa zụ kụ́ ezi anị ama navọ inomi ọnọọ agụvị ẹhẹ awụ o ze yị wụ, dị u we zụ ku orubo.

Iwe Ọhụhị Imosiisi ana aa hị́ Ọyịvatụrọda 22:9

Asị ụ kụ́ ịsa ọnyọọnyị va hụra ịvayịnị ịnị aarẹ ọnya nị. Wàa vavọọ mẹ̀, enyisi ọ vị ka a nyị ịsa ọnị ụ sị hụụnị aarẹ ọnọọ nị.

Anihwiripi 1:10

Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị,

1 Anịtẹsaronika 5:22

Sị ụvọ hụụnị irima avaba ịsa odivi nịnị.

1 Ịsamụwẹrị 9:25

Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.