Iwe Ọhụhị Imosiisi ana aa hị́ Ọyịvatụrọda 20:3 - IWE ỌNỊNỊ

³ dị ọ kà a ka; Ẹwụ nị isoja Anisirẹrị sị ụtọ pe ẹtẹ. Wàa nọ ịrẹkụ ajịnị, asị ụ hị́ angwa ọnịvị. Wèe re wa asị ayị hụrẹ ẹwụ ịnẹ.

Iwe Ọhụhị Imosiisi ana aa hị́ Ọyịvatụrọda 20:3 ပူးပေါင်းရင်းမြစ်များ

2 Ịtọpa 32:8

Ụkọrọ ọchẹngụ kẹnẹ ẹ nyị nị, ama Ẹnẹyịmavara ana vị Ohomorihi ẹnịnị vaa gụ ẹnị ụvọ dị ọọ kụ ịrẹkụ yị ẹnị. Ịrẹyị ohinọyị ọnọnị ộ hụ wa ayị vị.

Ijoovu 23:16

Ọ raa mẹ ka ayị o swe enyi hi ọnị ịnẹ.

Ahẹ Ụgama 3:6

Òo zee e eyi otomiroku aza ẹ̀ kwẹẹtẹ tù mi, eyi ụvọnị-ụvọnị angwa ọ yị hyakụ maanị ee hi mị.

Ọyịkụra 14:13

Di Imosiisi tụ́ aza ẹnẹẹ ohi dị ọ ka, “Asị u hí angwa nịnị. Ọzọza ò tenyi ẹngụ anị jẹẹ ka u vee re Ẹnẹyịmavara mẹ̀ vaa dọ yịị tụ́ ajịnị. Anijipiti ọnị ụ maanị ee re nịnị aanị, we mē vene re wa nịnị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 10:31

Agụvị avọọ, asị u hí angwa nịnị ka ẹ yị vị u were huna aara ọrụrụ-ọrụrụ yọ nịnị!

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Ịmaakị 16:18

Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”

Ịmaakị 16:6

Dị ọza ọnọọ ka, “Asị ụ hí angwa nịnị! Ijeesu Anịnazarẹtị ana a kanyị za apavahị u wee sì nịnị nị. Ohomorihi ọ sị ọọ ha hụụnị isu, ọ yị kụkụ yà ịzẹnị. Re, ịzẹnị ẹ vịdị sị ọọ tụ́ nị.”

Odeyi 27:24

dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Iwe Ọhụhị Imosiisi ana aa hị́ Ọyịvatụrọda 1:21

Dị Imosiisi ka yị wa, Ẹnẹyịmavara Ohomorihi ẹnịnị ọ raa sị ẹtẹ ọnọọ yị wa. Ẹnịnị ẹ na na dọ ẹtẹ asị e hí angwa.

Iwe Ọhụhị Imosiisi ana aa hị́ Ọyịvatụrọda 20:1

Imosiisi kà Anisirẹrị àa nọ ịrẹkụ, dị è re ka ọnịvị ẹnịnị ẹ rụrụ hụụnị ẹnị dị umaata ẹnịnị ọnịrị ịkẹkẹ ịrẹkụ ẹnịnị rụrụ huuna ẹnịnị nị, asị e hí angwa. Ẹnẹyịmavara ana dọ wa ha hụụnị ụvọ Anijipiti vaa kụ ịrẹkụ yị wa.

Iwe Ọhụhị Imosiisi ana aa hị́ Ọyịvatụrọda 20:2

Ama dị ẹ́ vaa nọ ịrẹkụ ọnọọ, ohirẹsụ irehi Ẹnẹyịmavara ọ̀ nọ ọvịdị isoja ẹnịnị,

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

1 Itimoti 6:12

Re ka waa vụ̀ ịrẹvụ ẹdọwụ! Re re ka ụvọ awụ óo kú ka wa yàra ị́da Ohomorihi pooro zịna-zịna! Agụvị avọọ Óhomorihi hị́ wụ nị. Wáa sị irenu dọ ka wáa sị ayị tụra Ijeesu éyi aza ọrụrụ-ọrụrụ.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Ijosuwa 23:10

Ọza ịnya awụ nịnị ọ zụ dụ anọrụ akahị ẹnịnị hi avị agụvị ka Ẹnẹyịmavara Ohomorihi awụ nịnị aa vụ ịrẹvụ yị wụ nịnị anka ọ mẹ kà a nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

1 Ịsamụwẹrị 17:32

Idevidi mè tù ịda Ịsọọrụ dị ọ kà a yị Ịsọọrụ dị ọ ka asị a nyị ọza ana ayị hụrẹ ịnẹ agụvị Anihwirisiti ọnọọ. Ọ kà ọnị Idevidi ozida Ịsọọrụ ve nee pe Anihwirisiti ọnọọ kụ̀ ịrẹkụ.