Iwe Ọhụhị Imosiisi ana aa hị́ Ọyịvatụrọda 2:7 - IWE ỌNỊNỊ

⁷ Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

Iwe Ọhụhị Imosiisi ana aa hị́ Ọyịvatụrọda 2:7 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 26:12

Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,

Oyinyima 30:27

Di Ịrabanị ka: Ọ̀ jẹẹ ọnị ọ̀ kà ịsa ọnya. Ọ kà ọnị mẹ̀ na zama ẹtẹ ọnị ọ sị yẹ ka Ẹnẹyịmavara ọ raà hụ agụvị Ijekọvụ mẹ ka ò zee yị ọnị.

Oyinyima 39:3

Ọga Ijosẹẹhụ ô re ka Ẹnẹyịmavara vị ana yà pè Ijosẹẹhụ. Ô re re ka Ẹnẹyịmavara vị ana mẹ ka ịsa tụra ịsa oni Ijosẹẹhụ ọ̀ọ sị ụvọ tụra vị eneē zoza.

Oyinyima 39:5

Hụrẹ ụmẹ ọnị Ipotihwa maanị sị sị irehi anị chire Ijosẹẹhụ ụvọ aanị, dị Ẹnẹyịmavara mẹ ka ò kukuu zee yị Anijipiti ọnọọ agụvị Ijosẹẹhụ nị. Aarẹ ọnịrị irehi anị ne beri avaba ogu anị vi ẹnẹ Ẹnẹyịmavara vana aa mẹ ka èe zoza ẹtẹẹtẹrẹ.

Inehemaya 9:21

Ịrayị ẹbẹẹva ọ sị ụvọ za wa ịnị ụnọmị nị. Ọ yị zẹẹ ka à nyị ịsa ana zwọ wa ịnị avaba ụmẹ ọnọọ. Ịta ẹnịnị e yi bo, dị ahụ ẹnịnị è yi wù ịnị avaba ụsẹ ẹnẹ ẹ́ zị nị.

Ijoovu 23:10

Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

Ahẹ Ụgama 1:6

Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ ama ebira aza edivi vị ana vaa mẹ ka ẹ vú ẹtẹ.

Ahẹ Ụgama 107:4

Aza ẹnyị awụ nịnị vị ana aa doodo zị ịnị ụnọmị odivi, e yi re ẹkụra ịzị a vọrọ ka ẹ̀ ra.

Ahẹ Ụgama 31:7

Ayị amị vee hine ẹtẹẹtẹrẹ agụvị ka vi ụụ̄ sì ịrẹyị ọza pooro nị ma rẹ yẹ ka wee re ụya ọnị maa rị, wee re ayị amị mè dụ.

Ahẹ Ụgama 90:17

Ananyị yị ana vi Ohomorihi ayị, navọ kwogo wa vayị ayị, dị wa navọ ịsa tụra ịsa ọnị yàaa mẹ, ò zee yị. Mị ka aarịhịnị navọ ịsa ọnị yàaa mẹ, ò zee yị.

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ihoseya 13:5

Ẹnẹyịmavara kà ọnị ô sere wa ịnị ụnọmị ịnị ẹtẹ ọyịwụ ịzị ẹ yị nyị enyi nị.

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.

Ịrịka 1:1

 nyị ụmẹ ọnị Anisirẹrị nịnị sị ka ahụ jẹẹ ịnị ụnọmị Ịsịnayị ẹ̀ mẹ hụrẹ ẹtẹ Ijipiti. Ịhị ẹ tụ ọ ẹkụhị ịpaapa ịnị ụhwẹ ọhụva ịnị ịrayị ọhụva ẹnịnị ịzọọ, Ẹnẹyịmavara pe Imosiisi ka ịrẹyị ịnị ajẹngụ anị nị. Ộ ka

Ịrịka 14:33

Ezi ewu nịnị vene vee sere atẹmẹ ịnị ụnọmị ịrayị ẹbẹẹva, ka we yị sị ayị tụra a nịnị, ezi ewu nịnị vaa rị ụya pooro dị avaba ẹnịnị e su ha saka-saka.

Ịrịka 14:34

Anka ẹkụhị ẹbẹẹva ọnị e si ne re ẹtẹ, avọọ ẹkụhị ọnyọọnya mẹ va jẹẹ yị ịrayị nị. Ịrayị ẹbẹẹva

Ịrịka 22:12

Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 32:13

Ka Ẹnẹyịmavara ee du ayị hí Anisirẹrị nịnị, dị ọ mẹ̀ wa ka ee doodo ngụ ịnị ụnọmị zị ịrayị ẹbẹẹva pooro dị ana mẹ̀ ebira odivi hi ọnị aanị e su va ha.

Iruuku 22:35

Dị Ijeesu rẹ kà a yị wa ka, “M mẹ̀ tụ́ wụ nịnị jịnẹ, dị mị ka asị ụ sị asụnụ ọnịrị ampo beri adava nịnị, áá nyị ịsị ụ rị ụya anị nịnị?” Dị ẹnịnị ka, “Eyiye” nị.

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 1:46

Avọọ ẹnịnị me ku Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 2:14

Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa.

Iwe Ọhụhị Imosiisi ana aa hị́ Ọyịvatụrọda 2:6

Ama ẹnịnị ẹ zụ hị́ ịsọyịrị ọnịrị ẹnyị hụụnị ụvọ ẹnịnị ẹ̀ẹ yaa parahu.

Iwe Ọhụhị Imosiisi ana aa hị́ Ọyịvatụrọda 29:4

Booro ve tu ajịnị, Ẹnẹyịmavara ẹ yị zẹ ka eyi ẹnịnị o hweyi tu ọ.

Iwe Ọhụhị Imosiisi ana aa hị́ Ọyịvatụrọda 29:5

Ịrayị ẹbẹẹva Ẹnẹyịmavara zụ ẹnịnị oze ịnị ụnọmị nị. Ịnị avaba ụmẹ ọnọọ achị ẹnịnị ọnịrị adava ẹnịnị e yi re vee bó za wa ẹngụ.

Ijosuwa 5:6

Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.