Iwe Ọhụhị Imosiisi ana aa hị́ Ọyịvatụrọda 2:4 - IWE ỌNỊNỊ

⁴ Dị ọ ka, Imosiisi ọ̀ ka yị wa ka è vee che Ịsẹyị ẹtẹ Anedomi ana vị anda ẹnịnị parahu. Aza ene hi ịzọọ vee hí angwa, ama asị ẹ va ẹngụ ha.

Iwe Ọhụhị Imosiisi ana aa hị́ Ọyịvatụrọda 2:4 ပူးပေါင်းရင်းမြစ်များ

Oyinyima 25:23

Ọ mẹ na họ̀ ọ, Di Ẹnẹyịmavara tụ́ o ohi dị ọ ka: Anẹkụra ẹẹva e hi ịnị ịrẹka anị nị. Anẹkụra ẹẹva ọ vaa ma nị, ama vị ẹ vaa gàa hi nị. Ọnya ọ vaa nyị ụkata hu ọsa nị. Ana vị ọzọkụ ọ vaa hẹkẹ ana vi ozweyi nị.

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

Ọyịkụra 15:15

Angwa vee hi ohinọyị Anedomi. Ẹgahị vaa ngụ ọdọvịdị Animowabi nịnị ẹngụ. Anikenaani ẹnị raa hụrẹ ayịnẹ.

Ọyịkụra 15:16

Angwahi ọnịrị ẹgahị vaa ngụ wa ẹngụ. Ẹnẹyịmavara, ẹnịnị mè re ụkata awụ, ẹngụ ẹnịnị e si hị́ azọnọ. Avọọ ẹnịrị angwahi màa jẹẹ re ẹtẹ pooro dị aza awụ ẹ̀ na para hu nị. Ẹwa dọ aza awụ ẹnẹẹ tịtẹ ka asị ẹ kụkụ vị ọrịhị nị.

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

Iwe Ọhụhị Imosiisi ana aa hị́ Ọyịvatụrọda 2:3

Dị ọ ka, Ẹhụ ene e jesi kara ẹtẹ avọọ ò zee. Ẹnịnị ẹ va ịrẹsụ ka oze ẹyị ẹbẹẹba.

Iwe Ọhụhị Imosiisi ana aa hị́ Ọyịvatụrọda 23:7

A sị ụ sị eyi wụ Anedomi nịnị, agụvị ka anda awụ nịnị ẹ vị nị. Dị a sị ụ rẹ sị eyi wụ Anijipiti nịnị, agụvị ka azọga ana vịdị ra ịnị ẹtẹ ẹnịnị ụ vị nịnị nị.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.