Iwe Ọhụhị Imosiisi ana aa hị́ Ọyịvatụrọda 2:23 - IWE ỌNỊNỊ

²³ Ẹngụ ịrẹyị ọnọọ o re tu Avimi ana ra ẹkụra ana gụrị Igaza nị. Anịkahụtọ ana vị Anikereti ọ̀ hụ wa ẹkụra ẹnịnị dị ẹ sị ẹtẹ ẹnịnị nị.

Iwe Ọhụhị Imosiisi ana aa hị́ Ọyịvatụrọda 2:23 ပူးပေါင်းရင်းမြစ်များ

Oyinyima 10:14

Anipatirusimi ọnịrị Anikasiruhimi, beri Anikahwitorimi. Anihwirisiti nịnị vị ana chị hụrẹ Ikasiruhimi vẹ.

Oyinyima 10:19

Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa.

1 Ohinọyị 4:24

 maanị kụ́ ịsa ẹnẹnị va yi Isoromọnị agụvị ka ọnị aa mẹ ohinọyị tụra avaba anẹkụra ene hi akẹnẹ okuha Iyuhwuretisi huu na ngụ Igaza ọnịrị avaba anẹkụra ene hi akẹnẹ okuha Iyuhwuretisi. Ẹngụ Isoromọnị vị ana rọ. Ẹ yị nyị ikonya ịnị avaba anẹkụra ana kara a ana kụ́ ọ kata a ẹngụ.

2 Ohinọyị 18:8

Ộ kụ́ ịrẹkụ tu Anihwirisiti nịnị, dị ọ nyị ẹbẹẹba ẹnịnị hụrẹ ẹkụra ẹnịnị ene weyi hu na ngụ ana banyị hu. Ộ nyị ẹbẹẹba Igaza ọnịrị avaba ẹtẹ ana kara a.

1 Ịtọpa 1:12

ipatirusi, Ikasiruhimi, ọnịrị Anikereti nịnị (ịpa ẹnịị Anihwirisiti nịnị chị hụrẹ nị).

Ijeremaya 25:20

Ẹnị ọdọvịdị Ijipiti, avaba Anijipiti nịnị ọnịrị azọga ana ra beri wa, avaba ohinọyị ẹtụ Uzi ẹnịrị avaba ohinọyị ẹtẹ Anihwirisiti (ẹtẹ Anihwirisiti ẹnẹẹ ẹ vị Asikeroni, Igaza, Ekironi, ọnịrị ana vọ ẹtẹ Asidodi nị).

Ijeremaya 47:4

ka, ụmẹ o si tu ka è vu Ihwirisitiya ẹtẹ. Dị aa wụ̀ avaba aza ana vẹtẹ ana yaanị aa mẹ ọgụvọọ yị ẹkụra Ịtaya ọnịrị Ịsịdọnị. Ẹnẹyịmavara kà ọnị vee vu Anihwirisitiya ẹtẹ dị ọnị vu avaba aza ana hụrị utenyi ẹtẹ Ikerete vẹ ẹtẹ.

Emọsị 9:7

Ẹnẹyịmavara kà aro ọnị ọnị nyị Anisirẹrị ọnị rẹ nyị yị Anetiyopiya nị. Ọnị ọ kụ Anihwirisiti hụrẹ ẹtẹ Ikiriti ọnịrị Anisiriya hụrẹ ẹtẹ Ikiri nị. Avọọ ọnị mẹ rẹ kụ Anisirẹrị hụrẹ Ijipiti nị.

Ịzẹhwanaya 2:4

Ẹkụra Igaza ọnịrị Asikeroni vị ana vaa tụ osusu, dị ẹ jị eburu. Ọọdụ-ọọdụ a vaa dụ Anẹkụra Asidodi hụrẹ ẹkụra ẹnịnị nị. Aza ene hi Ekironi vị ana a rẹ vaa dụ hụrẹ ẹkụra ẹnịnị.

Ịzakaraya 9:5

Anẹkụra Asikeroni vee re e, dị angwa ee hi wa. Anẹkụra Igaza vee re e dị ọ zị wa ẹngụ ẹtẹẹtẹrẹ. Avọọ ọ mẹ vaa zị anẹkụra Ekironi agụvị ka ịsị e si eyi tụra vaa ta. A vaa wụ̀ ohinọyị Igaza. Asikeroni vị ana vaa tụ osusu.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Ijosuwa 10:41

Ijosuwa vị ana wụ̀ wa hụrị Ịkẹdẹsị Ibaneya na ngụ Igaza ọnịrị avaba ẹkụra Igoseni na ngụ Igibiyọnị.

Ijosuwa 11:22

Ẹ yị nyị Anakimi ana vọ ẹtẹ tịtẹ ịnị avaba ẹtẹ Isirẹrị. Aza chee ẹnịnị ana vọ vị ana ra Igaza, ọnịrị Igati, beri Asidodi.

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

Ijosuwa 15:47

Asidodi beri ẹkụra ẹbanyị ẹnịrị eweyi-eweyi ene hi ịzọọ; Igaza beri ẹkụra ẹbanyị ẹnịrị eweyi-eweyi ene hi ịzọọ; na ngụ ini okuha ana yà ẹhwị ẹtẹ Ijipiti, ọnịrị ụtọ-ụtọ Òkū Imeditareniya.

Ọdọvịdị 1:18

Ịrẹma ọnọọ, ezi Ijuda vana rẹ rị ẹtẹ Igaza ọnịrị Asikeroni ne beri Ekironi ọnịrị ẹkụra eweyi-eweyi ana kara wa nị.