Iwe Ọhụhị Imosiisi ana aa hị́ Ọyịvatụrọda 18:9 - IWE ỌNỊNỊ

⁹ Ịjị ụ waa va sị ngụ ịnị ẹtẹ ọnị Ẹnẹyịmavara Ohomorihi awụ nịnị aa vaa sịị wụ nịnị, a sị ụ hama anẹkụra ẹnẹẹ mẹ̀ ịsa ẹnẹ yaa mẹ anaa nyị ọza ịhyẹrẹ avọọ o.

Iwe Ọhụhị Imosiisi ana aa hị́ Ọyịvatụrọda 18:9 ပူးပေါင်းရင်းမြစ်များ

2 Ohinọyị 17:11

Ẹnịnị ệ rị eturare ịra ịrẹsụ avaba ụta ịsọvọ aza anaā hẹkẹ ori. Avọọ aza ọnị Ẹnẹyịmavara vịdị dụ hụụnị ẹtẹ ọnọọ mẹẹ̄ mẹ nị. Ẹnịnị ụkọrọ edivi ẹnịnị mẹ ayị kụ Ẹnẹyịmavara.

2 Ohinọyị 17:8

dị ẹyaa saasa ebira aza ọnị Ẹnẹyịmavara dụ hi ẹhẹ aza anị maa vẹ nị. Ẹnịnị ệ dọ ịsa oni ohinọyị Ísirẹrị nịnị kụ́ vẹ.

2 Ịtọpa 28:3

Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.

2 Ịtọpa 36:14

Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ.

Ijeremaya 10:2

Ẹnẹyịmavara kà, a sị ụ hama ebira ana anẹkụra ana vọ aa mẹ nịnị. Asị ụ hụrẹ ayịnẹ apọtẹrẹwa ọnị we re ẹbẹẹba nịnị, anẹkụra ana vọ ẹẹ daka hụrẹ ayịnẹ agụvị avọọ.

Ireevi 18:30

Ẹnẹyịmavara kà, ẹnịnị ẹẹ saasa ọda ọnị ọnị mẹ yị wa; à sị ẹ saasa ebira ọnị aza ana vịdị ra hi ịnị ẹtẹ ọnị ọnị kụ wa aa nọ aa mẹ. À sị ẹ mẹ ịsị ẹnẹnị ọnyọọnyị dị è sị du ẹngụ ẹnịnị ẹngụ. Ọnị ọ vị Ẹnẹyịmavara, Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 20:18

Imosiisi ka Anisirẹrị nịnị ẹ wụ̀ wa bemi-bemi agụvị asị ẹ zụ wa ịsa odivi ọnị ẹ ya mẹ hẹkẹ ori ana va mẹ̀ ka ẹnịnị ẹ rị ịvị Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 9:4

Ịjị Ẹnẹyịmavara ọ vavọọ ra dụ wa jịnẹ hụụnị ẹtẹ ọnọọ, asị ọza ọnyọọnyị rò o ka ọnị ọ vavọọ ya nị, Ẹnẹyịmavara vị ana dụ wa jịnẹ kwooze yị wụ nịnị agụvị ebira odivi ẹnịnị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.