Iwe Ọhụhị Imosiisi ana aa hị́ Ọyịvatụrọda 18:2 - IWE ỌNỊNỊ

² Ẹnịnị ẹ yị vaa nyị ẹtẹ ẹnịnị anka ịrẹsụ-ịrẹsụ ana vọ. Ẹnẹyịmavara ọ vị ọnyịrẹ̀va ẹnịnị anka ọ mẹ vịdị kà a yị wa nị.

Iwe Ọhụhị Imosiisi ana aa hị́ Ọyịvatụrọda 18:2 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Ahẹ Ụgama 119:57

Ẹnẹyịmavara, ẹwa vi ogu ọnị mị nyị nị. Ma sị ọ kà ka mị vaa saasa ọda ọnị ụ mẹ nị.

Ahẹ Ụgama 16:5

Ẹnẹyịmavara, ẹwa vị ogu amị nọ Avaba ẹhẹ amị vị ana yà ịnị ụvọ awụ.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

Arụwẹ 3:24

Ẹnẹyịmavara ọ vị avaba ịsa ọnị ọnị nyị nị, agụvị avọọ ọnị ọnị vaa tụra eyi.

Ezikẹẹrị 44:28

Ẹnẹyịmavara kà a sị a nyị ịsa a gà tu ohirẹsụ irehi Ohomorihi nịnị ịnị avaba ịsị ọnị ọnị sị yị Anisirẹrị nịnị, agụvị ka ọnị Ẹnẹyịmavara ọ vị ẹ́nịnị nị. Ọnị ọ rẹ vị ogu ene tu wa nị.

Ịrịka 18:20

Dị ọ rẹ kà a yị Eerọnị ka, ẹnị ana vị ohirẹsụ irehi Ohomorihi ẹ yị vaa nyị tụ ịnị ẹtẹ ọnịrị ogu ana a ga yị Anisirẹrị ana vọ. Ẹnẹyịmavara kà a ọnị ọ vị ogu ẹnịnị nị.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Iwe Ọhụhị Imosiisi ana aa hị́ Ọyịvatụrọda 10:9

Avọ Anireevi ệ yị nyị ẹtẹ ụvọta ẹnịnị anka aza ana vọ. Ẹnẹyịmavara ộ ka yị wa ka ọnị Ohomorihi ọ vị ogu ẹnịnị nị.)

Ijosuwa 13:14

Imosiisi ộ yị sị ẹtẹ yị Anireevi nịnị anka Ẹnẹyịmavara mẹ̀ kà yọ. Ịsa ịsọvọ ana aā rị ịra ana aā sị va yị Ẹnẹyịmavara ọ vị ogu ẹnịnị.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.