Iwe Ọhụhị Imosiisi ana aa hị́ Ọyịvatụrọda 17:9 - IWE ỌNỊNỊ

⁹ Sị ịrẹyị awụ tụ ọvịdị ohirẹsụ irehi Ohomorihi ọnịrị ọmọkarẹyị ana ya ịrẹsụ ode ịnị ụmẹ ọnọọ. Navọ wa ẹ tụ ohi tụ ịnị ịrẹyị ọnọọ.

Iwe Ọhụhị Imosiisi ana aa hị́ Ọyịvatụrọda 17:9 ပူးပေါင်းရင်းမြစ်များ

1 Ịtọpa 26:29

Ini ezi Aniziha, Ịchẹnanịya ọnịrị ezi anị a ka ẹ̀ si eyi pe á mẹmẹ aa mẹ̀ ụkọrọ nị: Ẹnị aa chẹrẹ ịsa aa mẹ̀, dị ẹ rẹ yaa mẹ̀ ọkarẹyị yị aza ana àa nyị ịrẹyị ịnị Anisirẹrị nịnị nị.

Ọyịkụra 18:16

Ẹ̀ẹ rẹ nyị ahankata, dị ẹ kụ́ ọ vẹ ịda amị. Dị mị mẹ̀ ọkarẹyị yị wa, dị mị rẹ sị ọda Ohomorihi zụ̀ wa.”

Ọyịkụra 22:8

Ama ọza ò yi re oyi ọnọọ, dị ọza ana nyị irehi nọ ịzị Ohomorihiī yà dị ọ na hị́ eku ka ẹ yị vị ọnị ọ vara eyi yi ogu ọhụva anị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ezikẹẹrị 44:24

Àa nyị aza ana nyị ịrẹyị, ohirẹsụ irehi Ohomorihi nịnị ẹ̀ nyị aza ịnị ẹngụ ẹnịnị dị ẹ̀ mẹ̀ ọkarẹyị yị wa anka ọnị Ẹnẹyịmavara mẹẹ mẹ̀ ọkarẹyị. Ọ kà ẹnịnị àa rị eche, ẹ̀ saasa avaba ọda eche ọnọọ ọnị mẹ̀ yị wa, dị ẹnịnị è ré ka ẹnị ẹẹ sị ẹkụhị ụhwọ tụ anị tịtẹ yị ọnị.

Ịhagayị 2:11

Dị ọ ka Ịhagayị ọ họ̀ ohirẹsụ irehi Ohomorihi ịsị ọda ka ịnị ịrẹyị ọnọnị.

Ịzakaraya 3:7

Ịsị ọnị Ẹnẹyịmavara Ochẹtẹẹngụ kà yị, Ọ kà Ijosuwa ọ̀ọ zị ụsẹ ịnị avaba oze anị, dị ọ mẹ̀ ịsa ọnị ọnị sì nị, ọ vaa mẹ ịjọva tụra irehi anị ịrẹsụ, dị ọ vị ọga tụra avaba ohweje ene hi ini irehi anị nị. Ọnị vaa sị ọ tụ́ udi ịnị akakana aza ene hi ịzọọ.

Ịzakaraya 7:3

Dị ẹ rẹ họ̀ ohirẹsụ irehi Ohomorihi ọnịrị ọnịsẹ nịnị use ka, “Áá vọrọ ka ẹnị ẹ́ẹ́ zị ẹngụ, dị asị ẹnị rị ịsa ịnị ụhwẹ ẹẹhị ịrayị anka a mẹẹ̄ vịdị mẹ̀ ẹ ịnị ịrayị ọrụrụ-ọrụrụ ana para hu?”

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Iwe Ọhụhị Imosiisi ana aa hị́ Ọyịvatụrọda 16:18

Re ka waa nyị ọmọkarẹyị nịnị ọnịrị ọdọvịdị nịnị hi ẹkụra-ẹkụra ẹnẹ Ẹnẹyịmavara Ohomorihi awụ aa sịị wụ nịnị. Ịzẹyịza ẹ vaa sịị mẹ̀ ọkarẹyị yị avaba aza nị.

Iwe Ọhụhị Imosiisi ana aa hị́ Ọyịvatụrọda 17:10

Ẹnịnị vaa mẹ̀ ọkarẹyị ama ẹwụ vaa mẹ anka a mẹ ọkarẹyị ịrẹyị ọnọọ.

Iwe Ọhụhị Imosiisi ana aa hị́ Ọyịvatụrọda 21:5

Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa.

Iwe Ọhụhị Imosiisi ana aa hị́ Ọyịvatụrọda 25:1

Imosiisi ộ kà a yị Anisirẹrị nịnị ka, A kà a ka aza ẹnị ẹẹva ệ kụ́ ẹngụ tụ ini ikootu, dị ọmọkarẹyị ka ọza ịnyara ộ rị ịvị, dị ọsa rị ịhị nị.

Iwe Ọhụhị Imosiisi ana aa hị́ Ọyịvatụrọda 33:10

Ẹnị ẹ vaa zụ aza awụ ka ẹ saasa ọda awụ nị. Ẹnị ẹ rẹ vaa mẹ̀ ịsọvọ ịrẹsụ ụta anị nị.