Iwe Ọhụhị Imosiisi ana aa hị́ Ọyịvatụrọda 17:8 - IWE ỌNỊNỊ

⁸ Àa nyị ịrẹyị ọkatẹngụ ọnị ọmọkarẹyị okokooro ẹ yị zụ ka, anka ẹhụ ịrẹyị ogu oyizune, ụnava ịnị ọchẹngụ, a vị ẹhahi ọza ọyị wụ̀ ọnịrị ọza ọyị nyeeyi wụ̀. Ẹngụ ịrẹyị ẹnẹnị vị ana vaa kụ nọ ịzị Ẹnẹyịmavara Ohomorihi nyị ka aa hẹkẹ ọnị.

Iwe Ọhụhị Imosiisi ana aa hị́ Ọyịvatụrọda 17:8 ပူးပေါင်းရင်းမြစ်များ

2 Ịsamụwẹrị 15:2

Abịsarọmị vị anaā kwẹẹtẹ ẹnẹnẹ viri-viri dị ọ na jẹẹ ụtọ oze ịzị a zịị nọ ịnị ẹkụra. Ọ̀ọ vavọọ jẹẹ ịzọọ dị a nyị ọza oni o re ene ee sì ka ọnị ọ̀ sị ịrẹyị ọza ọnị ọnịrịị kụ́ va tụ̀ ohinọyị ịrẹka dị ọ̀ mẹ̀ ọkarẹyị tụ́ ọ nị, dị Abịsarọmị hị́ ọ. Ọ́ọ vavọọ sị ọ hị́ vẹ, dị ọ họ̀ ọ ka ye re ẹkụra ọnị ọ hụrẹ vẹ. Dị aza ẹnẹẹ rẹ ká a yọ ka ịrẹsụ ọnya ẹnị rẹ vị ini Anisirẹrị nị.

1 Ịtọpa 26:29

Ini ezi Aniziha, Ịchẹnanịya ọnịrị ezi anị a ka ẹ̀ si eyi pe á mẹmẹ aa mẹ̀ ụkọrọ nị: Ẹnị aa chẹrẹ ịsa aa mẹ̀, dị ẹ rẹ yaa mẹ̀ ọkarẹyị yị aza ana àa nyị ịrẹyị ịnị Anisirẹrị nịnị nị.

Ọyịkụra 18:15

Di Imosiisi ka, “Aza ẹnẹnị vi ene ee vee họ̀ use ka ẹnị ẹ̀ yẹ ịsị Ohomorihi sì.

Ọyịkụra 18:26

Dị aza ẹnẹẹ aa mẹ̀ ọkarẹyị yị aza pooro nị. Ịrẹyị ọ̀ọ sị katẹngụ, dị ẹ kụ́ ọ nọ ịda Imosiisi. Dị ẹnị ụvọta ee tụ́ ohii tụ́ ịnị ịrẹyị eweyi-eweyi.

Ọyịkụra 21:20

Ọza ọ̀ọ sị ọchị tụ́ ọrịhị anị ana vị ọnọrụ àa vị ọnẹẹ di ipono ọnọọ mẹ ọrịhị ọnọọ ka ò sú nị, ọza ọnọọ vị ana vaa sị ụyaa rị.

Ọyịkụra 21:22

Anọrụ ẹ zụ aa ba egidi dị ẹ nya ọnịrẹẹ ịsa dị ọ ma ozi ịrịịra, ama dị ọnẹẹ ọnọọ ọ yị tụ̀ ụnava ana nyị googo. Ịsa ọva ọnẹẹ ọnọọ ọ̀ọ ka ọnị aa dọ kẹnẹ di anikootu vavọọ zẹẹ nị, ọnị ọza ana nya ọnẹẹ ọnọọ ịsa vee sí nị.

Ọyịkụra 21:28

“Imaaru ọ̀ọ tụ́ ọza ọpanyị dị ọza ọnọọ sú nị, ịrẹta a vaa sị wụ imaaru ọnọọ nị. Ọza ọ yị vaa rị uye anị. Ama ọza ana nyị imaaru ọnọọ ọ yị vaa nyị ịrẹyị.

Ọyịkụra 22:2

Oyi àa chaka irehi ka ọnị ọ̀ ngụ ọ dị a nya a ịsa di o sú nị, ọza ana wụ̀ ọ ọ yị rị ịvị, agụvị ka vị ọ ka ọnị ọ̀ dọ ẹngụ anị tụ́ nị.

Ọyịkụra 22:8

Ama ọza ò yi re oyi ọnọọ, dị ọza ana nyị irehi nọ ịzị Ohomorihiī yà dị ọ na hị́ eku ka ẹ yị vị ọnị ọ vara eyi yi ogu ọhụva anị.

Ezikẹẹrị 44:24

Àa nyị aza ana nyị ịrẹyị, ohirẹsụ irehi Ohomorihi nịnị ẹ̀ nyị aza ịnị ẹngụ ẹnịnị dị ẹ̀ mẹ̀ ọkarẹyị yị wa anka ọnị Ẹnẹyịmavara mẹẹ mẹ̀ ọkarẹyị. Ọ kà ẹnịnị àa rị eche, ẹ̀ saasa avaba ọda eche ọnọọ ọnị mẹ̀ yị wa, dị ẹnịnị è ré ka ẹnị ẹẹ sị ẹkụhị ụhwọ tụ anị tịtẹ yị ọnị.

Ịhagayị 2:11

Dị ọ ka Ịhagayị ọ họ̀ ohirẹsụ irehi Ohomorihi ịsị ọda ka ịnị ịrẹyị ọnọnị.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịrịka 35:11

ẹ̀ nyị ẹkụra ẹbanyị-ẹbanyị ana vaa vị aha ọnị ọza anaa nyeeyi wụ́ ọza vee zwe na tẹ̀.

Ịrịka 35:16

Ọza tụra ọza anaa sị enyusẹ nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e.

Iwe Ọhụhị Imosiisi ana aa hị́ Ọyịvatụrọda 1:17

Asị ẹ gụ ọza ẹnyị yị ọsa. Ẹ sị eyi ẹbẹẹbẹ re ọnyẹkẹhị ọnịrị ọnụzọngwa. Ẹ sị oze yị ọzọza ẹ kụ́ irenu ẹnịnị. Asị e hí angwa ọza ẹnyị-ẹnyị agụvị ka ịrẹyị Ohomorihi ẹ vaa sị mẹ̀ ọkarẹyị yị aza nị. Ịrẹyị anaaa da wa ụvọ dị ẹ kụ̀ ọ vee tu ọnị.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:14

Ama aha ọnya ọnị Ẹnẹyịmavara vaa nyị kẹnẹ ịnị ẹkụra ovwoovu awụ nịnị ọnya, ụ vaa yaa mẹ̀ ịsọvọ nịnị nị. Ịzọọ kẹnẹ ụ vaa yaa mẹ̀ ịsọvọ awụ nịnị ana a vaa rị ịra, dị ụ wa rẹẹ mẹ avaba ịsa ana vọ ọnị mị mẹ ọda anịị wụ nịnị nị.

Iwe Ọhụhị Imosiisi ana aa hị́ Ọyịvatụrọda 12:5

Ama ẹnịnị e sì ịzị Ẹnẹyịmavara Ohomorihi vaa nyị ka ọ vị irehi anị ịnị avaba ịrẹsụ ẹnịnị, dị ẹẹ nọ ịzọọ na hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 19:17

ẹnị ẹyịva ẹ nọ ịnị irehi Ohomorihi ịzị ohirẹsụ irehi Ohomorihi nịnị ẹnịrị ọmọkarẹyị nịnị ana ya udi ụmẹ ọnọọ ọ mẹ̀ ọkarẹyị yị wa.

Iwe Ọhụhị Imosiisi ana aa hị́ Ọyịvatụrọda 19:4

Àa nyị ọza ene nyeeyi wụ̀ ọza ọnị ọnịrị ọ ẹ yị vị ọnịvị ẹngụ, ò zwe na tẹ̀ aha ọyịtẹ̀ ịnị ọnyara ịnị ẹkụra ẹnẹẹ.

Iwe Ọhụhị Imosiisi ana aa hị́ Ọyịvatụrọda 21:5

Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa.

Iwe Ọhụhị Imosiisi ana aa hị́ Ọyịvatụrọda 25:1

Imosiisi ộ kà a yị Anisirẹrị nịnị ka, A kà a ka aza ẹnị ẹẹva ệ kụ́ ẹngụ tụ ini ikootu, dị ọmọkarẹyị ka ọza ịnyara ộ rị ịvị, dị ọsa rị ịhị nị.