Iwe Ọhụhị Imosiisi ana aa hị́ Ọyịvatụrọda 17:2 - IWE ỌNỊNỊ

² Wàa wụ́ ka a nyị ọnọrụ a vị ọnẹẹ ọnya ịnị ọnya ịnị ẹkụra awụ nịnị ana aa mẹ akamawụ hi Ẹnẹyịmavara, dị ọ sị ahụ jịnẹ ọkatịtẹ Ohomorihi

Iwe Ọhụhị Imosiisi ana aa hị́ Ọyịvatụrọda 17:2 ပူးပေါင်းရင်းမြစ်များ

2 Ohinọyị 18:12

 maanị mẹ Ịsamarịya agụvị ka Anisirẹrị nịnị ẹ yị saasa ịrẹyị Ẹnẹyịmavara Ohomorihi ẹnịnị. Ama ẹnịnị ệ jịnẹ oto ẹnẹ ẹnịrị Ohomorihi hị́ yị ẹngụ; ẹnịnị ẹ yị saasa ọda oni Imosiisi, ozi ahụ Ẹnẹyịmavara sị yị wa. Ẹnịnị ẹ yị dọ ka ẹnị ẹ̀ wụ́ ịrẹyị anị, dị ẹ̀ hyakụ va saasa a.

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

Ijoovu 31:28

Ẹngụ ọnọnị vị ịvị ana a vọrọ ka à hụvị anị wụ̀ ọza, agụvị ka ọza ọnọọ o reè yị Ohomorihi tịtẹ.

Ọyịkụra 22:19

Ọza ene ne pè uye sụ́, a wụ̀ ọ.

Ọyịkụra 22:20

Ọza ọ̀ọ na mẹ̀ ịsọvọ yị ori dị ahịka ẹ yị vị ẹmị Ẹnẹyịmavara kẹnẹ aa mẹ ịsọvọọ yị nị, à wụ̀ ọza ọnọọ.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ijeremaya 34:18

Ẹnẹyịmavara kà avaba aza ana zẹẹ ịzẹzẹ dị ẹnịnị ẹ̀ yị mẹ̀ ịsa ẹnẹ zẹẹ ịzẹzẹ anị yị ọnị vị ọnị ọnị vaa mẹ anka ozi ụnọ ene e che ẹẹva dị a kụ ahụ hi anị parahu avọọ.

Ezikẹẹrị 16:38

Ọnị vaa sị ụyaa rị wụ agụvị ka waa sẹ̀ ịrẹka, ọnịrị agụvị ka waa wụ̀ ọza. Ọnị vaa sị ọyịkụ-ọyịkụụ sị ụyaa rị wụ, dị ọnị wụ.

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ireevi 20:2

Ọ̀ kà a yị Anisirẹrị nịnị ka, àa nyị ọza ịnị ẹngụ ẹnịnị, ọ̀ọ vị anẹkụra ọsa ana ra ịnị akakana ẹnịnị ana sị ozi anị ọnyọọnyị mẹ ori ana aā hị́ Imorẹkị ẹyịza, avaba Anisirẹrị ẹ̀ sị ịrẹta-ịrẹta wụ̀ ọ.

Ireevi 26:15

Ẹnịnị èe yi ka ẹnị ẹ́ yị saasa ọda anị, dị ẹnịnị ẹ̀ yị saasa ịrẹyị ọnị ọnịrị wa hị́ eku yị ẹngụ tụ nị,

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Iwe Ọhụhị Imosiisi ana aa hị́ Ọyịvatụrọda 17:5

a sị ọ jịnẹ nọ ịrẹma ẹkụra, dị a sị ịrẹta-ịrẹta wụ̀ ọ.

Iwe Ọhụhị Imosiisi ana aa hị́ Ọyịvatụrọda 29:18

Re ka ẹ yị nyị ọnọrụ, a vị ọnyẹnẹẹ, a vị ovwoovu ọnyọọnyị, a vị ịrẹsụ ana ya ịzẹnị ajịnị ana va hụrẹ ịrẹma Ẹnẹyịmavara Ohomorihi ayị na hẹkẹ ori anẹkụra ẹnẹẹ. Re ka ẹ yị nyị ọza awụ nịnị ana vị ẹchịpa ọnyịrẹyị.

Iwe Ọhụhị Imosiisi ana aa hị́ Ọyịvatụrọda 29:25

Ohi anị vaa vị ka agụvị ka ẹnịnị ệ sị ahụ jịnẹ oto ọnị ẹnịrị Ohomorihi ohiku ẹnịnị mẹ̀ yị ẹngụ ịnị ụmẹ ọnị ộ sị kụ́ wa hụrẹ Ijipiti.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Anihiburu 10:28

Ọza ana àa jịnẹ ọda Imosiisi, dị onivenu gụ ẹẹta, àa vị ẹẹva, ene ree nị, vị aa wụ ọọ nị, ọza ọ yị sị vayị anị.

Ijosuwa 23:16

Wẹ̀ẹ sị ụvọ za oto ọnị ộ mẹ̀ ọda anị yị wụ nịnị ka wa sị ụvọ za, dị ụ na hẹkẹ ori nịnị, ayị vaa kụ́ ọ, dị ọ sị ụya anị rị wụ nịnị. Ẹ yị jẹẹ, dị avaba awụ nịnị o vu ẹtẹ, dị ẹ yị nyị ọza ana vọ tụ́ ịnị ẹtẹ ozoza ọnị ọ raà sị yị wụ nịnị.

Ijosuwa 7:11

Dị ọ ka Anisirẹrị ẹ sị ịvị mẹ. Ẹnịnị ẹ ra va jịnẹ ọda ọnị ọnị mẹ yị wa. Ẹnịnị ẹ ra sị ịsa enyisi na tụ́ ịnị eehi ẹnịnị. Ẹnịnị ê yi oyi dị ê cheeche vakaa nị.

Ijosuwa 7:15

Ọza tụra ọza ana aa sị hụụnị ịsa ana jị ido anị ka asị a sị vị ana rị ịra beri ogu ọnọọ ọnịrị avaba anovwoovu anị. Àa vavọọ a mẹ agụvị ka ẹngụ ọza ọnọọ vị ana mẹ̀ ụhị Anisirẹrị nịnị, dị ọ va jịnẹ ịsị a ka tịtẹ.

Ọdọvịdị 2:20

Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị.

Ọdọvịdị 6:31

Ama dị Ijowasi tụ́ aza ana zyaazị hi ọ ohi, dị ọ ka ẹnịnị wáá vụ ịrẹvụ yị Ịbaarị nị? Ẹ wáá họ̀ oponu ịrẹyị anị nị? Ọza tụra ọza anaa jẹẹ yị ibaari vị ana a vaa wụ̀ dị eyi ọ vaa nị. Ịbaarị ọ̀ọ vị ori, ọ vụ ịrẹvụ yị ẹngụ anị. Ọnị ọ nyị ụta ana wu nị.