Iwe Ọhụhị Imosiisi ana aa hị́ Ọyịvatụrọda 17:1 - IWE ỌNỊNỊ

¹ Wàa mẹ̀ ịsọvọ, asị ụ sị imaaru a vị atẹmẹ ana nyị ẹngụkata na mẹ̀ ịsọvọ yị Ẹnẹyịmavara ana vị Ohomorihi awụ nịnị. Ọọ̀ nyị ịhyẹrẹ ẹngụ ịsa ịsọvọ ẹnẹẹ.

Iwe Ọhụhị Imosiisi ana aa hị́ Ọyịvatụrọda 17:1 ပူးပေါင်းရင်းမြစ်များ

Oyinyima 41:19

Di oni vene re imaaru ịhịmba ọsa gawụ-gawụ aanị nị. Ọ kà ọnị ọọ yị vịdị vavọọ re ẹngụ imaaru ana vavọọ kwọrọ da ịnị ẹtẹ Ijipiti.

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 20:10

Ẹnẹyịmavara ọ nyị ịhyẹrẹ ọza anaā mẹ ọzaa rị ịnị ịsa anaa ná.

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịrịka 29:8

Ẹnẹyịmavara kà ẹ̀ sị ozi ụnọ ọnya ọnịrị ịdẹba ana sị hụ akọ ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ vaa mẹ̀ ịsọvọ ana aa rị ịra. A nyị ka agụ anị o hine ọnị.

Iwe Ọhụhị Imosiisi ana aa hị́ Ọyịvatụrọda 15:21

Ama àa nyị ịsụpa ene che ahụ, a vị dị o gu eyi nị, a vị dị a nyị ịsa ọsa ana mẹ̀ ẹ nị, asị ẹ sị ẹngụ ịsụpa ẹnẹẹ mẹ̀ ịsọvọ yị Ẹnẹyịmavara Ohomorihi

Iwe Ọhụhị Imosiisi ana aa hị́ Ọyịvatụrọda 23:18

Ọza ọ̀ọ na sẹ̀ ịrẹka, ọ̀ọ vị ọnẹẹ, ọ̀ọ vị ọnọrụ, dị ọ dọ ẹkẹhị ịnị anị nị, a sị ụ sị ẹngụ ẹkẹhị ọnọọ vẹ ini irehi Ẹnẹyịmavara Ohomorihi awụ. A sị ụ sị ve sí ụta ịsa ọnị ụ vịdị wo oto ka ụ vaa mẹ. Ẹnẹyịmavara ộ nyị ịhyẹrẹ ọsẹrẹka ini irehi Ohomorihi.

Iwe Ọhụhị Imosiisi ana aa hị́ Ọyịvatụrọda 24:4

Ọva anị ịpaapa e yi re oze varẹma nyị ọ. Enyisi ọ vị ka ọ varẹma nyị ọ ịrẹma ọnị o re du ẹngụ anị ha. Ebira odivi ọ vị eyi Ẹnẹyịmavara nị. Ẹ̀ẹ varẹma nyị ẹngụ e yee du ẹtẹ ọnị Ẹnẹyịmavara aa sị yị wụ nịnị ka ọ vị ogu awụ nịnị nị.

Iwe Ọhụhị Imosiisi ana aa hị́ Ọyịvatụrọda 25:16

Ẹnẹyịmavara Ohomorihi awụ nịnị e yi sì ịrẹyị ọza anaā mẹ ọzaa rị.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.