Iwe Ọhụhị Imosiisi ana aa hị́ Ọyịvatụrọda 16:3 - IWE ỌNỊNỊ

³ A sị ụ rị ịsa ọnyọọnyị ana sị òwù tụ. Pooro dị ọ mẹ ẹkụhị ịhịmba, ịsa ọnị ọza ẹ̀ yị sị òwù tụ ụ vaa rị nịnị beri uye ọnọọ nị. Ịsọyịrị ụya ọ vị nị. Ụ́ maa hụrị Ijipiti nịnị, eyiha-eyiha ụ sị hụụ ịzọọ nịnị nị. Pooro ịnị ẹhẹ awụ nịnị, avọọ u mẹ̀ vaa tamayị ẹkụhị ọnị ụ sị hụrị Ijipiti, ịzị ụ ya rị ụya nịnị nị.

Iwe Ọhụhị Imosiisi ana aa hị́ Ọyịvatụrọda 16:3 ပူးပေါင်းရင်းမြစ်များ

1 Ohinọyị 22:27

Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.”

Ahẹ Ụgama 102:9

Ụ mẹ̀ kụ́ ayị hi mi pooro wê chema mị wê ne mi ta. Dị mị kụkụ aa ká atịtọọ rị, di mee hú ẹgọ ọnịrị enyi nị.

Ahẹ Ụgama 111:4

Ẹnẹyịmavara vị ana aā vayị ọza. Ộ mẹ ka aza ẹ̀ẹ tamayị ụkọrọ ẹbanyị-ẹbanyị ana aa mẹ.

Ahẹ Ụgama 127:2

Ọza ọ nyẹngụ hara ẹnẹnẹ viri-viri dị ọ mẹ̀ ụkọrọ pooro, o yi jintu sụ, ka ọnị ọ̀ rị rị ịsa kẹnẹ. Ụya kẹnẹ aa sịị rị ẹngụ anị nị. Aza ẹnị Ẹnẹyịmavara sì ịrẹyị anị vị ọnị ọọ̄ sị ịsọyịrịị yị ẹ̀ẹ daka aa sụ ara.

Ọyịkụra 12:11

Dị aa ka yị wa ka aanị ẹ mẹmẹ vaa rị ọ nị. Ọ kà ẹ̀ sị obo sụ́ ịta ẹnịnị za ọtẹ, dị ẹ̀ kụ́ adava ẹnịnị hi ahụ, dị ẹ̀ rẹ sị okutẹ ẹnịnị rị ụvọ, Dị ẹ wụsẹ rị ọ eyiha-eyiha. Ọ kà ịsọvọ ọnị ọnị Ẹnẹyịmavara kà ẹ̀ mẹ dị ọnị ọ̀ para irehi ẹnịnị huu ọ vị ọnọọ nị.

Ọyịkụra 12:17

Dị ọ ka Eche ọnọnị ọnị ọza ọ̀ yị mā yà ịnị anị rị Ịbụrẹẹdị ana nyị òwù aanị vị ẹnị ẹ vaa rị pooro, agụvị ka ịhị ọnọọ gẹdẹ-gẹdẹ ọnị kụ́ wa nini ogu-ogu hụrẹ Ijipiti nị. Ọ kà ẹnịrị ezi ẹnịnị ịrẹma-ịrẹma vị ana vaa rị eche ọnọnị pooro zịna.

Ọyịkụra 12:39

Di Anisirẹrị nịnị sị Ịbụrẹẹdị eni e pō ẹnị ẹ̀ yị nyị òwù ẹnẹ za hụrẹ Ijipiti, dị ẹ jị ọ dị ẹ̀ yị nyị òwù nị. A mẹ̀ dụ wa eyiha-eyiha hụrẹ Ijipiti, ẹnịnị ẹ yị vana nyị eyi tenyi ẹngụ ịsọyịrị. E yi re re oze jị akara ana nyị òwù.

Ọyịkụra 12:8

Ọ kà ịnị ịrahụ ịhị ọnọọ gẹdẹ-gẹdẹ, ẹnịnị è hù uye ọnọọ ịnị ịra dị ẹ sị avị ọnyịrẹyị beri Ịbụrẹẹdị ẹnẹ ẹ̀ yị nyị òwù rị ọ.

Ọyịkụra 34:18

Waā rị eche ọnị ọza ọ̀ yị mā sị owu tụ́ ịnị ịsọyịrị anị. Pooro ịnị ẹkụhị ịhịmba asị ụ rị ịsa ana a sị òwù tụ́ anka m mẹ̀ vịdị mẹ ọda anịị wụ. Ụmẹ aanị ọ̀ọ rẹ maanị sị tù ịnị ụhwẹ Abibi, re ka wâ mẹ ido ọnọnị. Ịnị ụhwẹ ọnọọ ụ sị jịnẹ hụrẹ Ijipiti nị.

Ayịsaya 52:12

Ọyaanị, wẹ yị vaa sị eyihaa hụụ ịzọọ nịnị, wẹ yị vaa kụ echeechii hụụ ịzọọ nịnị. Agụvị ka, Ẹnẹyịmavara vaa dọ ọvịdị awụ nịnị. Ohomorihi Ísirẹrị vaa yà ịrẹma awụ nịnị, di ee sere wu nịnị.

Ireevi 23:6

Ịhị ẹ tụ ọ ẹkụhị ẹwụrẹhị ịnị ụhwẹ ọnọọ ọnyọọnya, ẹ́ vaa rị eche ịbụrẹdị ọnị ọza ọ̀ yị sị owu tụ nị. Pooro dị ọ̀ mẹ ẹkụhị ịhịmba, ẹnịnị ẹ́ yị vaa rị ịbụrẹdị ana á sị owu tụ́.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ịrịka 28:17

Ịhị ẹ tụ́ ọ ẹkụhị ẹwụrẹhị ịnị ụhwẹ ọnọọ ee nyima eche ịbụrẹdị ẹnẹ ẹ yị nyị òwù nị. Ẹkụhị ịhịmba ọzọza aa rị ịbụrẹdị ẹnẹ ẹ yị nyị òwù nị.

Ịrịka 9:11

Ẹngụ aza ẹnẹẹ ẹ zụ rị eche ọnọọ ịnị oruva ẹkụhị ẹwụrẹna ịnị ụhwẹ ọhụva anị. Dị ẹ rị ọ beri ịbụrẹdị ẹnẹ ẹ nyị owu vaka avị ọnyịrẹyị.

Iruuku 22:19

[Dị ọ rẹ sị Ịbụrẹẹdị, dị ọ kụ́ Ohomorihi avọ tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Ọsọnị ọ vị ẹngụ amị ana a sị mẹ̀ ịsọvọ agụvị awụ nịnị nị. Waa mẹ ọsọnị, dị ụ wa sịị tamayị amị nịnị!”

1 Anịkọrịntị 5:8

Agụvị avọọ asị ị nyị ụvọ tụ́ ịnị ịvị vụrụ-vụrụ! À vẹ yaa mẹ̀ ebira ozoza, dị yaa sị ayị ọnyaa saasa Ohomorihi! Yàa vavọọ mẹ, dị ị yà anka Ịbụrẹẹdị ẹnẹ ẹ̀yị nyị òwù (ana Anijuū sịị rị Eche Ọyịparahu). Avọọ ị mẹ̀ zụ rị eche ọnọọ ịnị ịzẹyịza nị.

Iwe Ọhụhị Imosiisi ana aa hị́ Ọyịvatụrọda 16:2

Nọ aha ọnya ọnị Ẹnẹyịmavara kà à yaa hẹkẹ ọnị, dị ụ wụ̀ ọnya ịnị atẹmẹ awụ àa vị imaaru. Sị mẹ̀ ịsa eche ọyịparahu ọnọọ, dị ụ wa sị sị ụbanyị yị Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

1 Anịtẹsaronika 1:6

Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.