Iwe Ọhụhị Imosiisi ana aa hị́ Ọyịvatụrọda 16:2 - IWE ỌNỊNỊ

² Nọ aha ọnya ọnị Ẹnẹyịmavara kà à yaa hẹkẹ ọnị, dị ụ wụ̀ ọnya ịnị atẹmẹ awụ àa vị imaaru. Sị mẹ̀ ịsa eche ọyịparahu ọnọọ, dị ụ wa sị sị ụbanyị yị Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 16:2 ပူးပေါင်းရင်းမြစ်များ

2 Ohinọyị 23:21

Ohinọyị Ijosaya ộ mẹ̀ ọda yị aza ka ẹ rị eche ọyịparahu dị ẹ sị sị ụbanyị yị Ẹnẹyịmavara Ohomorihi ẹnịnị anka a mẹ chẹrẹ tụ́ ịnị iwe oto.

2 Ịtọpa 35:7

Ijosaya ộ sị atẹmẹ ọnịrị ẹvụ akawụ-akawụ oze ẹwụrẹhị beri ụnọ Akawụ rị akahị ọnị ọ sị yị aza dị ẹ sị rị eche. Ộ kụ aza anaā rị yị wa ka e beri wa wụ̀ ịsụpa ẹnẹẹ nị.

Ịrịka 9:2

Ọ kà Imosiisi ọ ka yị Anisirẹrị nịnị ẹ rị eche ọyịparahu ịnị ụmẹ anị.

Imatiwu 26:17

O si tù ẹkụhị ịpaapa ini Eche Ịbụrẹẹdị ẹnẹ ẹ̀ yị nyị òwù. Dị ezirẹma Ijeesu ve tù ọọ, dị ẹ họ̀ ọ ka, “Ịzị u wee sì ka ye ne tenyi tịtẹ yị wụ, dị ụ wa na yà rị Eche Ọyịparahu?”

Imatiwu 26:2

“Wâ yẹ nịnị ka uhurenyi aa rị Eche ọyịparahu nị. A vaa sị ẹmị Ozi ọza onigirimaa chire ọnịvị amị ụvọ, dị ẹ kanyị mị za ọchị apavahị.”

Ịmaakị 14:12

O si tù ẹkụhị ịpaapa ini Eche Ịbụrẹẹdị ẹnẹ ẹ̀ yị nyị òwù. Ịhị ọnọọ a rẹ sịị̄ wụ ozi ịdẹba Eche Ọyịparahu nị. Dị ezirẹma Ijeesu va họ̀ ọ ka, “Ịzị u wee sì ka ye ne tenyi tịtẹ yị wụ, dị ụ wa na yà rị Eche Ọyịparahu?”

Iruuku 22:15

Dị Ijeesu kà a yị wa ka, “Mâ da sì ka ẹmịrị ẹwụ nịnị ò dudu rị ịsa Eche Ọyịparahu ọnọnị, dị ma va rị ụya.

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

1 Anịkọrịntị 5:7

Sị ịvị ọnọọ hụụnị akakana awụ nịnị, agụvị ka ọ va sị gara hi ẹtẹ, anka òwù mẹ̀ẹ̄ sị ịsaa wù avọọ! Re ka wáa nị nịnị ẹtẹẹtẹrẹ, agụvị ka Ijeesu Ikirisiti ọ sị wụ nịnị mẹ aza ana nị! Ộ vavọọ mẹẹ, ọ mẹ̀ sị ẹngụ anị mẹ ịsọvọọ yị anka atẹmẹ ana a sịị̄ mẹ̀ ịsọvọ ịnị ụmẹ Eche Ọyịparahu avọọ.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:14

Ama aha ọnya ọnị Ẹnẹyịmavara vaa nyị kẹnẹ ịnị ẹkụra ovwoovu awụ nịnị ọnya, ụ vaa yaa mẹ̀ ịsọvọ nịnị nị. Ịzọọ kẹnẹ ụ vaa yaa mẹ̀ ịsọvọ awụ nịnị ana a vaa rị ịra, dị ụ wa rẹẹ mẹ avaba ịsa ana vọ ọnị mị mẹ ọda anịị wụ nịnị nị.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:26

Ama sị ẹyịza Ohomorihi ọnịrị ẹyịza oni u wo oto ka waa sịị yọ nọ aha ọnị ọ nyị ka à yaa hẹkẹ ọnị.

Iwe Ọhụhị Imosiisi ana aa hị́ Ọyịvatụrọda 12:5

Ama ẹnịnị e sì ịzị Ẹnẹyịmavara Ohomorihi vaa nyị ka ọ vị irehi anị ịnị avaba ịrẹsụ ẹnịnị, dị ẹẹ nọ ịzọọ na hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 15:20

Ịrayị-ịrayị, dị a kụ wa na aha ọnị Ẹnẹyịmavara Ohomorihi nyị ka a ya hẹkẹ ọnị. Dị a wụ̀ wa ịsa ịsọvọ yị Ẹnẹyịmavara, dị ọzọza ọnịrị ovwoovu anị rị ọ.

Iwe Ọhụhị Imosiisi ana aa hị́ Ọyịvatụrọda 16:1

Sị ụbanyị yị Ẹnẹyịmavara Ohomorihi awụ nịnị, dị ụ wa rị eche ọyịparahu ịnị ụhwẹ Abibu nịnị. Ịrahụ ọnya ịnị ụhwẹ ọnọọ Ẹnẹyịmavara dọ wụ nịnị hụrẹ ụvọ Anijipiti nịnị nị.

Iwe Ọhụhị Imosiisi ana aa hị́ Ọyịvatụrọda 16:3

A sị ụ rị ịsa ọnyọọnyị ana sị òwù tụ. Pooro dị ọ mẹ ẹkụhị ịhịmba, ịsa ọnị ọza ẹ̀ yị sị òwù tụ ụ vaa rị nịnị beri uye ọnọọ nị. Ịsọyịrị ụya ọ vị nị. Ụ́ maa hụrị Ijipiti nịnị, eyiha-eyiha ụ sị hụụ ịzọọ nịnị nị. Pooro ịnị ẹhẹ awụ nịnị, avọọ u mẹ̀ vaa tamayị ẹkụhị ọnị ụ sị hụrị Ijipiti, ịzị ụ ya rị ụya nịnị nị.