Iwe Ọhụhị Imosiisi ana aa hị́ Ọyịvatụrọda 16:1 - IWE ỌNỊNỊ

¹ Sị ụbanyị yị Ẹnẹyịmavara Ohomorihi awụ nịnị, dị ụ wa rị eche ọyịparahu ịnị ụhwẹ Abibu nịnị. Ịrahụ ọnya ịnị ụhwẹ ọnọọ Ẹnẹyịmavara dọ wụ nịnị hụrẹ ụvọ Anijipiti nịnị nị.

Iwe Ọhụhị Imosiisi ana aa hị́ Ọyịvatụrọda 16:1 ပူးပေါင်းရင်းမြစ်များ

Ọyịkụra 12:51

Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.

Ọyịkụra 13:3

Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù.

Ọyịkụra 13:4

Ọ kà ajịnị ana vị ẹkụhị ịpaapa ịnị ụhwẹ Abibi ẹ vaa hụrẹ Ijipiti nị. (Ịnị ẹtẹ Anihiburu, ịnị akakana ụhwẹ ọhụta ọnịrị ụhwẹ ọhụna ịrayị ẹẹ̄ hị́ Abibi nị)

Ọyịkụra 23:14

Eche amị ọnị ụ vaa rị nịnị vị ụpẹ ẹẹta ịnị ịrayị.

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

Ọyịkụra 34:18

Waā rị eche ọnị ọza ọ̀ yị mā sị owu tụ́ ịnị ịsọyịrị anị. Pooro ịnị ẹkụhị ịhịmba asị ụ rị ịsa ana a sị òwù tụ́ anka m mẹ̀ vịdị mẹ ọda anịị wụ. Ụmẹ aanị ọ̀ọ rẹ maanị sị tù ịnị ụhwẹ Abibi, re ka wâ mẹ ido ọnọnị. Ịnị ụhwẹ ọnọọ ụ sị jịnẹ hụrẹ Ijipiti nị.

Ireevi 23:5

Eche ọyị para hu vị ẹnẹ ẹ vaa rị ọyị sị ụbanyị yị Ẹnẹyịmavara ịnị oruva ẹkụhị ẹwụrẹna ịnị ụhwẹ ịpaapa ẹnịnị.

Ịrịka 28:16

Ịnị ẹkụhị ẹwụrẹna ịnị ụhwẹ ịpaapa ịrayị, Ẹnẹyịmavara kà Anisirẹrị nịnị ẹ sị mẹ̀ ịsọvọ eche ọyịparahu yị ọnị ịrayị-ịrayị nị.

Iruuku 2:41

Aza ana ma Ijeesu vị anaā nọ Ijerusarẹmị ịrayị-ịrayị, dị ẹ̀ na rị Eche Ọyịparahu.

Ịjọọnụ 2:13

Ụmẹ ana Aniju nịnị sịị̄ rị Eche Ọyịparahu ee vee tù, dị Ijeesu aa hịrẹẹ nọ Ijerusarẹmị nị.

Ịjọọnụ 5:1

Ẹkụhị ọnya, ụmẹ eche ọnya aanị ana Aniju nịnịị̄ rị, o si tù. Ijeesu ộ hịrẹ nọ Ijerusarẹmị.

Ịjọọnụ 6:4

Ụmẹ ọnọọ, ọ sị vọ chee di Aniju nịnị ẹ̀ rị Eche Ọyịparahu.

Iwe Ọhụhị Imosiisi ana aa hị́ Ọyịvatụrọda 16:2

Nọ aha ọnya ọnị Ẹnẹyịmavara kà à yaa hẹkẹ ọnị, dị ụ wụ̀ ọnya ịnị atẹmẹ awụ àa vị imaaru. Sị mẹ̀ ịsa eche ọyịparahu ọnọọ, dị ụ wa sị sị ụbanyị yị Ẹnẹyịmavara Ohomorihi awụ nịnị.