Iwe Ọhụhị Imosiisi ana aa hị́ Ọyịvatụrọda 15:9 - IWE ỌNỊNỊ

⁹ Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 15:9 ပူးပေါင်းရင်းမြစ်များ

Ijoovu 34:28

Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.

Ahẹ Ụgama 101:3

Mẹ yị vaa dọ ka ma rẹ mẹ̀ ịsa odivi. Ebira ọnị enevene nịnị aa mẹ vị ana aa nyị mị ịhyẹrẹ, mẹ yị vaa zẹẹ ka ẹngụ ebira ẹnẹẹ ẹ̀ dà gẹ mị.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 9:12

Ọza ọ̀ọ wụ̀ ọza, Ohomorihi ọọ̄ họ̀ ọ oponu nị. Ayị o mē hí ọ Àaa chamayịị yị ọza dị ọza ọnọọ nowu na za Ohomorihi nị. Ohomorihi vị ana aa ba ọza ọnọọ owu.

Ọyịkụra 22:22

Asị ụ mẹ osoku ọnịrị ozi oku rị nịnị.

Ọyịkụra 22:23

Wàa mẹ wa rị di e nowu va za mị nị, mị vaa ba wa owu.

Ọyịkụra 3:7

Di Ẹnẹyịmavara va kà a yi Imosiisi dị ọ ka: Ọnị o re a màa chamayịị yị aza anị ene hi Ijipiti. Ọ kà a màa za waa mẹ̀ ụkọrọ, di e yee nowu, ọnị ộ wụ́. Dị ọnị rẹ yẹ avaba ụya ẹnị ẹ yaa rị nị.

Ụhịrẹyị 14:21

Ịvị ọ vị ka ọza ọ sị eyi wụ ọnọhụva anị ama ọza ana tẹsị onosiye vị ọnị o vee zee yị.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ụhịrẹyị 23:6

Asị ụ rị ịsa eneyiche. Asị eyi awụ ya ịnị ịsa ozoza anị.

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 34:14

ịrayị ịhịmba-ịhịmba ọzọza ọọ hụrẹ ọrịhị anị ana vị Anihiburuu ụvọ, ẹ̀ẹ raa hẹkẹ wa mẹ ịrayị ịhịnọnyị. Ama ohiku awụ nịnị ẹ yị va dọ ịrẹyị anị.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 20:15

Aanịka me yi re oze sị ẹkẹhị amị mẹ̀ ịsa ene zé mi eyi? A vị agụvị ka mâ mẹ ẹyịza, áyị aa sịị kụ́ wụụ?

Iwe Ọhụhị Imosiisi ana aa hị́ Ọyịvatụrọda 15:1

Ịrayị ịhịmba-ịhịmba ẹ̀ vaa sị eyi hụụnị ụta ana aa rị wa.

Iwe Ọhụhị Imosiisi ana aa hị́ Ọyịvatụrọda 24:15

Sì anụkọrọ awụ ụta dị ẹtẹ o vee hozi agụvị ka ọnị ẹ sị eyi tụra ka ẹnị ẹ sị mẹ ẹhẹ nị. Ẹ yị vị avọọ èe jị òrèrè hị́ Ẹnẹyịmavara ẹngụ ụ wa rị ịvị.

Iwe Ọhụhị Imosiisi ana aa hị́ Ọyịvatụrọda 31:10

Imosiisi ộ mẹ̀ ọda yị wa ka ọzẹtẹ ịrayị ịhịmba-ịhịmba ẹ va hụụnị ụta ọnị aa rị wa ịnị ụmẹ Eche Ajẹngụ.

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

Ijemiisi 4:5

U wéé ro ka ịrẹyị kẹnẹ-kẹnẹ Iwe Ohomorihi aa kà nị, ịjị ọ kà a ka: Ụhwẹ Ọnịnị oni Ohomorihi sị tụ́ ịnị ayị awụ nịnị vị anaā kụ̀ ụhị?

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.

1Ipita 4:9

Wee si ẹngụ ọzọga nịnị, dị asị u ti tụ́ ịnị anị nịnị.