Iwe Ọhụhị Imosiisi ana aa hị́ Ọyịvatụrọda 15:7 - IWE ỌNỊNỊ

⁷ Ịjị ẹnịnị ẹ̀ na ngụ ẹtẹ ọnị Ẹnẹyịmavara aa sị yị wa, àa nyị ọza ịnị ẹngụ ẹnịnị ene re osiye ịnị ẹkụra ọnyọọnyị, asị ẹ̀ sị ụvọ kwoku yọ.

Iwe Ọhụhị Imosiisi ana aa hị́ Ọyịvatụrọda 15:7 ပူးပေါင်းရင်းမြစ်များ

Inehemaya 5:1

 nyị ụmẹ ọnya aanị ọnị aza ọrụrụ-ọrụrụ ẹnịrị ese ẹnịnị aa rị uhuhuu hi anda ẹnịnị Aniju.

Ẹsịta 9:19

Hụrẹ ụmẹ ọnọọ Aniju ene hi ịnị ẹkụra oweyi-oweyi kụkụ mẹ ẹkụhị ẹwụrẹna ịnị ụhwẹ ana aā hị́ Ada ẹkụhị ụhwọtụ nị. Ịhị ọnọọ ẹ yaa rị eche, di ẹ yaa sị ẹyịza yị ẹngụ nị.

Ẹsịta 9:22

Ẹkụhị ẹnẹẹ Aniju nịnị sị dọ ẹngụ ẹnịnị hụụnị ụvọ ọnịvị ẹnịnị nị. Ịnị ụhwẹ ọnọọ, ayodu ẹnịnị si vara ịrajẹ nị, ụmẹ ọnọọ orere ẹnịnị vara ayị ohine nị. Dị ọ chẹrẹ ẹ ka à sị ẹkụhị ẹnẹẹ rị eche, dị a sị jẹ ịrajẹ nị. Dị ẹ yaa da ịsa yị ẹngụ, di àa mẹ onosiye ẹyịza nị.

Ọyịkụra 22:25

Wàa sị ẹkẹhị rere aza amị ịnị ẹngụ awụ nịnị ana vị onosiye, asị ụ mẹ̀ ebira ọza ana aā sị ẹkẹhịị rere ọza ka ọnị ọ̀ sị rị ọgụ. Asị ụ dọ ọ ọtụrọsarẹsụ nịnị.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ayịsaya 58:10

Ẹnịnị ẹ̀ẹ sị ịsa yị aza ọnị ụngwẹ aa kụ, dị ẹ tẹsị aza ẹnẹ ẹ yị nyị nị, etohozi ana kara wa vaa vara ẹtohweyi anka ọọdụ.

Ireevi 25:35

Ẹnẹyịmavara ộ kà a yị Anisirẹrị nịnị ka, Anda ẹnịnị Anisirẹrị ana ra gụrị wa èe re osiye, dị ẹ̀ yị zụ pá ẹngụ anị nị, ẹnịnị è sì ịsa yị ọza ọnọọ anka anẹkụra ọsa avọọ ụvị dị ọ̀ yị ra pe wa.

Imatiwu 18:30

Ama ọ yị dọ. Dị ọ sị ọọ na tụ́ ịnị ẹngwa ka ọ̀ yà ịzọọ pooro di ò sí ụta anị nị.

Imatiwu 5:42

Ọza ọ̀ọ họ̀ wụ use ịsa, ụ sị yọ. Ọza ana àa ka ọnị aa dọ wụ ịsaa rere, u si rere e.”

Iwe Ọhụhị Imosiisi ana aa hị́ Ọyịvatụrọda 15:11

A mẹ hịka ẹ yị nyị ụmẹ ọnị anarịmanyị ẹ̀ vaa ya ịnị ẹhẹ, agụvị avọọ ọnị mẹ̀ ọda yị wa ka ẹ ha ụvọ tụ́ yị onosiye ọnịrị ọnụzọngwa nịnị.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 24:14

Asị ụ mẹ onosiye a vị ọza ọnị ụ dọ ụkọrọ rị, ọ̀ọ daka vị Anisirẹrị, a vị ọzọga ana ra ịnị ọnya ịnị ẹkụra awụ nịnị.