Iwe Ọhụhị Imosiisi ana aa hị́ Ọyịvatụrọda 15:1 - IWE ỌNỊNỊ

¹ Ịrayị ịhịmba-ịhịmba ẹ̀ vaa sị eyi hụụnị ụta ana aa rị wa.

Iwe Ọhụhị Imosiisi ana aa hị́ Ọyịvatụrọda 15:1 ပူးပေါင်းရင်းမြစ်များ

Inehemaya 10:31

Dị ẹ ka anẹkụra ana gụrị ẹnị ẹ̀ẹ kụ ịsa và ná ẹkụhị ụhwọtụ, ẹnị ẹ yị vaa hị́ ịsaa hụụnị ụvọ ẹnịnị ịhị ọnọọ ọnịrị ịnị ẹkụhị ụhwọtụ ana vọ. Ẹ ka ẹnị ẹ yị vaa kụ́ ẹtẹ ẹnịnị ọnyọọnyị ịrịkụ ịnị ịrayị ana tụ ọ ịrayị ịhịmba. Dị ẹ rẹ ka ẹnị vaa sị eyii hụụnị avaba ụta ana aza ẹ̀ẹ rị ẹnị ịnị ịrayị ịhịmba ọnọọ nị.

Ọyịkụra 21:2

Wàa na hị́ Anihiburu ọrịhị, ọ vaa mẹ ụkọrọọ wụ mẹ ịrayị ịhịnọnyị. Ịnị ịrayị ana gụ ọ ịrayị ịhịmba dị ụ naavọ ọ̀ọ na kẹnẹ. Ẹ yị nyị ụta oni o vee sìi yị wụ.

Ijeremaya 34:14

ịrayị ịhịmba-ịhịmba ọzọza ọọ hụrẹ ọrịhị anị ana vị Anihiburuu ụvọ, ẹ̀ẹ raa hẹkẹ wa mẹ ịrayị ịhịnọnyị. Ama ohiku awụ nịnị ẹ yị va dọ ịrẹyị anị.

Iwe Ọhụhị Imosiisi ana aa hị́ Ọyịvatụrọda 15:2

Aanị a mẹ vaa mẹ̀ ẹ nị. Ọza tụra ọza anaa sị ẹkẹhị rere Anisirẹrị ọnọhụva anị vaa sị ayị hụụnị anị yọ. Asị ọ kụkụ varẹma na họ̀ ọ ụta. Ẹnẹyịmavara ọnị ụvọta ọ raà kụ ọ kwooze.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 31:10

Imosiisi ộ mẹ̀ ọda yị wa ka ọzẹtẹ ịrayị ịhịmba-ịhịmba ẹ va hụụnị ụta ọnị aa rị wa ịnị ụmẹ Eche Ajẹngụ.