Ịrahụ-ịrahụ vị ẹnẹ enee hi ịnị ụtẹha ọnịrị ụsị ene e ne oku hi. Dị ẹyaa họ̀ oku nịnị usirẹyị. Ẹ yaa rị uye ụra ọnịrị ẹpẹ ana a sị uye ana a sị mẹ̀ ịsọvọ hi ori ne.
Ezikẹẹrị ka dị ọnị ka, tee! Ohomorihi Ananyị yị, ọnị ẹ́ yị vịdị du ẹngụ anị ẹngụ da ọ. Ọnị ẹ̀ẹ yị rị ịsa ene sú da; ọnị ẹ̀ẹ yị rị uye ọnị uye ọsa wụ da, dị ọnị ẹ́ẹ yị rẹ rị uye ana sị vụ da.
Ẹnẹyịmavara kà ẹnịnị è ré ka ẹnị ẹẹ sị uye ana wụra rị tụ irenyi yị uye ẹnẹ ẹ̀ yị wụra rị, dị ẹ̀ rẹ sị inomi ẹnẹ ẹ̀ yị wụra rị tụ irenyi yị ana wụra rị. À sị ẹnịnị na rị uye à vị inomi ọnị ọnị raa kà a ka é yi zoza di è ve si du ẹngụ ẹnịnị ẹngụ.
Ijeesu Ananyị yị o raà mẹ ka ma yẹ ịnị ayị amị ka ẹ yị nyị ịsa ana ahịka ọnị ụvọta ọyị nị. Ama ọza ene èe re ka ịsa ọ̀yị nị, ini eyi ọza ọnọọ kẹnẹ ọọ̀ yị nị nị.
Ama àa nyị ọza ana va kà a wụ ka vị a sị ịsa ọnọọ mẹ̀ ịsọvọ yị ori nọ; hụụnị anị, asị ụ kụkụ rị ọọ, agụvị ọza ana vavọọ va kà a wụ, ọnịrị agụvị ayị ọza;
Ayị ọza ọ̀ọ nị, avaba ịsa vị ana vaa nị ini eyi anị. Ama ayị ọza ọ̀ yị nị, dị ẹ̀ yị rẹ vị ọdọwụ nị, ẹ yị nyị ịsị ẹẹ̄ nị ini eyi anị. Ayị anị beri ivehu anị nyẹmba ẹ yị hyakụ nị.