Iwe Ọhụhị Imosiisi ana aa hị́ Ọyịvatụrọda 13:9 - IWE ỌNỊNỊ

⁹ Wụ̀ wa! Vị ọnịpaapa ene vịdị ee ne wa ịrẹta, dị aza ana vọ ẹnẹ ẹ rẹ kụ ịrẹta hi wa.

Iwe Ọhụhị Imosiisi ana aa hị́ Ọyịvatụrọda 13:9 ပူးပေါင်းရင်းမြစ်များ

Ireevi 24:14

Ọ̀ sị ọza ana kụ ọnị ụhụ aanị tụ ẹhẹ hụrị udi ẹnịnị. Avaba aza ana wụ ka ộ kụ ọnị ụhụ ẹ̀ sị ụvọ tụra a ịrẹsụ dị ẹ̀ dọ ivenu ka ộ rị ịvị. Ẹ̀ẹ vavọọ raa dọ ivenu, dị avaba anẹkụra ẹ̀ sị ịrẹta-ịrẹta wụ̀ ọ.

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Ịjọọnụ 8:7

Ẹ màa yịị họ̀ ọ use, dị Ijeesu kwẹẹtẹ jẹẹ nị, dị ọ ka, “Ọza ana àa yẹ ka ọnị ọọ̀ yị mẹ ịvị ịnị ẹngụ awụ nịnị da, ọ̀ vịdị sị ịrẹta, di ò nee nya a.”

Odeyi 7:58

dị ẹ sị ọọ nọ ịrẹma ẹkụra, dị ẹyaa kụ̀ ọọ ịrẹta nị. Di onivenu nịnị kụ́ ịta ẹnịnị yị ozwọọmụha ọnya aanị ana aā hị́ Ịsọọrụ ka ò sị eyi pe e nị.

Iwe Ọhụhị Imosiisi ana aa hị́ Ọyịvatụrọda 13:5

Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 25:12

a sị ụ vayị anị nịnị. À dà a ụvọ kwooze.

Iwe Ọhụhị Imosiisi ana aa hị́ Ọyịvatụrọda 7:16

“Re ka avaba anẹkụra ọnị Ẹnẹyịmavara Ohomorihi awụ nịnị ọ̀ọ sị ụkata wụ ka we vu ẹtẹ, wee vu wa ẹtẹ nịnị; à sị ụ vayị ẹnịnị. Àsị u hẹkẹ ori ẹnịnị, agụvị ka ọ va vị ẹngụkata odivi yị wụ nịnị.

Iwe Ọhụhị Imosiisi ana aa hị́ Ọyịvatụrọda 7:2

Ịjị Ẹnẹyịmavara Ohomorihi ẹnịnị ọ̀ọ sị anẹkụra ẹnẹẹ yị wa, dị ẹ nyị ẹbẹẹba ẹnịnị, ẹ wụ̀ avaba ẹnịnị ha bemi-bemi. Asị a nyị ọza ọnị ẹ vayị anị, dị asị a nyị oto ọnị ẹnịrị wa mẹ̀ yị ẹngụ.