Iwe Ọhụhị Imosiisi ana aa hị́ Ọyịvatụrọda 13:5 - IWE ỌNỊNỊ

⁵ Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 13:5 ပူးပေါင်းရင်းမြစ်များ

1 Ohinọyị 13:19

Ịzẹyịza dị ọ saasa a nọ ịnị eehi anị, dị ọ rị ịsa ini eehi anị, di o re hú enyi nị.

1 Ohinọyị 18:40

Di Erija ka ẹ̀ za ọnịsẹ Ịbaarị ẹnẹẹ, asị a nyị ana zẹẹ ka ò zwe. Ịzẹyịza dị a za wa di Erija kụ́ wa chi nọ ini orosi Ikisoni dị ọ na wụ̀ wa ịzọọ nị.

2 Ịtọpa 34:31

Dị Ijosaya jẹẹ gụrị ọhẹ ohinọyị, di o hị́ eku yị Ẹnẹyịmavara kà ọnị vaa wụ́ chire e, dị ọnị sị avaba ayị ọnịrị ivehu na sị ụvọ za ọda anị. Ọnị rẹ vaa sị ịrẹyị oto ọnọọ mẹ̀ ebira mẹ.

Ijeremaya 14:15

Ẹnẹyịmavara kà, ọnị aa ka ịsị ọnị vaa mẹ ọnịsẹ ẹnẹẹ ọnị ọnị ẹ yị tụ ụtụ ama dị ẹ naa ka a zị ka ịrẹkụ ẹ yị vaa ngụ ẹkụra; ụngwẹ ẹ yị rẹ vaa ngụ ịzọọ bẹẹ. Eyi ịrẹkụ ọnị vaa wụ̀ wa, dị ọnị sị ụngwẹ wụ̀ ẹnị ana vọ nị.

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ijeremaya 50:6

Ẹnẹyịmavara kà aza anị vị ana sị mẹẹ anka atẹmẹ ọnị oseratẹmẹ ẹnịnị navọ ka è vu hi ịnị ataba avọọ. Ẹnịnị aa ngwọ zịịzị hụrị ataba ẹnyị naa ngụ ịnị ọsa. Ẹnịnị ẹ yị kụkụ yẹ ịzị ẹ vị eehi ẹnịnị.

Ijeremaya 7:23

Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ịzakaraya 13:3

Àa nyị ọza ana kà ịsẹ, ọnyị ọnịrị ada anị vaa kà a ka a wụ́ ọ agụvị ka ee cheeche ịnị ịrẹha Ẹnẹyịmavara. Ọ̀ọ kà ịsẹ, ọnyị ọnịrị ada anị vaa jị ụhwọ ngụ ẹngụ di o su.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

1 Anịkọrịntị 5:13

Aza ẹnẹ ẹ̀ yị dọ wụ́, Ohomorihi ọ vaa mẹ̀ ọkarẹyị ẹnịnị nị. Agụvị avọọ dụ ẹngụ ọza odivi ọnọọ hụụnị akakana awụ nịnị.

Iwe Ọhụhị Imosiisi ana aa hị́ Ọyịvatụrọda 13:10

Sị ịrẹta-ịrẹta wụ̀ wa agụvị ka ẹnị e si ka ẹnị kụ wụ nịnị nyeeyi hụụ ịdị Ẹnẹyịmavara Ohomorihi awụ nịnị ana kụ wụ nịnị hụrẹ Ijipiti ịzị ụ vị ọrịhị nịnị.

Iwe Ọhụhị Imosiisi ana aa hị́ Ọyịvatụrọda 13:15

wụ̀ avaba aza ana ra ịnị ẹkụra ọnọọ ẹnịrị avaba ịsụpa ẹnịnị. Vu avaba ẹkụra ọnọọ ẹtẹ saka-saka.

Iwe Ọhụhị Imosiisi ana aa hị́ Ọyịvatụrọda 13:9

Wụ̀ wa! Vị ọnịpaapa ene vịdị ee ne wa ịrẹta, dị aza ana vọ ẹnẹ ẹ rẹ kụ ịrẹta hi wa.

Iwe Ọhụhị Imosiisi ana aa hị́ Ọyịvatụrọda 17:5

a sị ọ jịnẹ nọ ịrẹma ẹkụra, dị a sị ịrẹta-ịrẹta wụ̀ ọ.

Iwe Ọhụhị Imosiisi ana aa hị́ Ọyịvatụrọda 17:7

Onivenu nini ẹ vịdị ee ne ịrẹta nya a, dị aza ana vọ ẹ va sị ịrẹta nya a nị. Aa vavọọ a mẹ̀ ọkarẹyị yị aza edivi, udivi vaa hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.

Iwe Ọhụhị Imosiisi ana aa hị́ Ọyịvatụrọda 19:19

dị aa mè ẹ ịsị o si ka ọnị ọ mẹ ọnọhụva anị. Ịnị oze ọnọnị a zụ sị kụ odivi hụrẹ ẹtẹ hụụnị akakana awụ nịnị nị.

Iwe Ọhụhị Imosiisi ana aa hị́ Ọyịvatụrọda 22:21

Dị a sị ọ na ọvịdị irehi ada anị, dị anọrụ sị ịrẹta-ịrẹta wụ̀ ọ agụvị ka ộ mẹ̀ ụhị nyị aza anị Anisirẹrị. A raà sị ọ hụ́ ịnị eehi ada anị dị ọ vaa nyị ọnọrụ. Ọkarẹyị ana mẹ yọ vị ana ka a sị sị ebira odivi ba ẹtẹ chire.

Iwe Ọhụhị Imosiisi ana aa hị́ Ọyịvatụrọda 22:24

a sị wa nọ oze ọbanyị ọbanyị ẹkụra, dị a sị ịrẹta-ịrẹta wụ̀ wa. Ana vị ọnẹẹ vị ana a wụ̀ agụvị ka ẹ yị nowu ka aa gụ ọnị ụvọ ịnị akakana ẹkụra. Ana vị ọnọrụ vị ana a wụ̀ agụvị ka ộ sị ose ọza. Sị ebira odivi ba ẹtẹ chire.

Iwe Ọhụhị Imosiisi ana aa hị́ Ọyịvatụrọda 24:7

Ọza tụra ọza anaa za Anisirẹrị ana vị ọnọhụva anị ọrịhị a vị dị ọ na ọrịhị vị ana vaa wụ̀ agụvị udivi ọ hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 26:14

Ẹ yị nyị ọnị mị rị mmi maa ba arụwẹ: Ẹ yị nyị ọnị mị sị jịnẹ hụụnị eehi amị, dị mị vaa za ido. Ẹ yị nyị ọnị mị sị mẹ̀ ịsọvọ yị oku. Mâ wụ́ chire wụ Ẹnẹyịmavara. Mâ mè avaba ịsa ọnị ụ mẹ̀ ọda anị yị mị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 6:13

Hi angwa Ẹnẹyịmavara ana vị Ohomorihi awụ, dị wa hẹkẹ ẹ, dị wa sị ịrẹha kẹnẹ hị́ eku.

Iwe Ọhụhị Imosiisi ana aa hị́ Ọyịvatụrọda 7:4

Asị ẹnịnị kụ́ ezi ẹwụ nịnị na hẹkẹ ori. Ọ̀ọ vavọọ ya Ẹnẹyịmavara vaa kụ ayị, dị ọ wụ ẹnịnị obobooro ọnọọ.

Ijosuwa 23:8

Asị ka ọnọọ, waa mẹ ịzẹyịza ka Ẹnẹyịmavara na anka ụ mẹ vịdị aa yị mẹ̀ pooro va ngụ ajịnị.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ọdọvịdị 20:13

Dị ọnụtụ ẹnẹ ẹ rẹ kà a yị wa ka ẹ kụ aza edivi ẹnẹẹ hi ẹhẹ dị ẹnị ẹ wụ̀ wa agụvị dị asị kụ ebira odivi ọnọọ hụrẹ ẹtẹ, ama ẹnịnị anẹkụra Ịbẹnjamịnị ẹ yị wụ́ ịrẹyị chire anda ẹnịnị Ansirẹrị irenu.

1 Ịsamụwẹrị 12:14

Wàa nyị angwahi Ẹnẹyịmavara nịnị, dị ụ hẹkẹ ẹ, dị ụ rẹẹ wụ́ chire e nịnị nị. Wàa saasa ọda anị nịnị, dị ẹwụrị ohinọyị awụ nịnị zẹẹ ka wa saasa Ẹnẹyịmavara ana vị Ohomorihi nị, o vee ze yị wụ nịnị nị.