Iwe Ọhụhị Imosiisi ana aa hị́ Ọyịvatụrọda 13:3 - IWE ỌNỊNỊ

³ Asị ụ dọ ịrẹyị anị tụ ịzọọ agụvị ka Ẹnẹyịmavara vị ana aa sị zama wụ re ka ọnị ọ yẹ wàa sị avaba ayị wụ sì ịrẹyị anị.

Iwe Ọhụhị Imosiisi ana aa hị́ Ọyịvatụrọda 13:3 ပူးပေါင်းရင်းမြစ်များ

1 Ohinọyị 13:19

Ịzẹyịza dị ọ saasa a nọ ịnị eehi anị, dị ọ rị ịsa ini eehi anị, di o re hú enyi nị.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

Ahẹ Ụgama 66:10

Ohomorihi, wa raà zama yi re, we reè tenyi yị anka a mẹ̀ẹ sị ịraa tenyi igooru avọọ.

Ahẹ Ụgama 81:7

Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu. Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị. Ọ rẹ ka ọnị ộ zama wụ nịnị re ini okuha Imeriba.

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

1 Anịkọrịntị 11:19

 nyị ka ẹhahi ọ̀ yà ịnị akakana awụ nịnị. Ọ̀ yị vavọọ yà, ọza ẹ yị va zụụ yẹ ẹngụ aza ana vị ọdọwụ obooro ịnị ẹngụ awụ nịnị.

2 Anịkọrịntị 8:8

Mẹ yị mẹ̀ ẹ ọdaa wụ nịnị. Ama mee sì ka ma yẹ, u meme sì ịrẹyị ọza nịnị; agụvị avọọ m maa kà a wụ nịnị, aza ana vọ mẹmẹ aa gụ aza ụvọ nị.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Iwe Ọhụhị Imosiisi ana aa hị́ Ọyịvatụrọda 6:5

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

2 Anịtẹsaronika 2:11

Agụvị avọọ dị Ohomorihi tụ́ ịsị ẹẹ̄ sị ọzaa nyeeyi saka-saka, agụvị dị ẹ̀ kụkụụ dọ ịrẹyị ireche kẹnẹẹ wụ́ nị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

1 Ịjọọnụ 4:4

Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ọdọvịdị 2:22

Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.