Iwe Ọhụhị Imosiisi ana aa hị́ Ọyịvatụrọda 12:9 - IWE ỌNỊNỊ

⁹ Agụvị ka wẹẹ̀ yị va ngụ ịnị ẹtẹ ẹnẹ Ẹnẹyịmavara aa sịị wụ nịnị ka wa na tụ́ ụhwọ́ nịnị; wẹẹ̀ yị dọ ogu oni Ohomorihi ka ọnị aa sịị wụ nịnị.

Iwe Ọhụhị Imosiisi ana aa hị́ Ọyịvatụrọda 12:9 ပူးပေါင်းရင်းမြစ်များ

1 Ohinọyị 8:56

“Ẹnẹyịmavara avọ. Ẹwa sị ụhwọtụ yi Anisirẹrị aza awụ nị. Avaba ịsa ozoza ọnị ụ tụ́ Imosiisi ka ọ̀ kà, a rẹ vaa nyị ikonya ana vi ireche ịnị avaba ịrẹyị ẹnẹẹ oni Imosiisi ozi ahụ awụ kà.

1 Ịtọpa 23:25

Idevidi ka: Ẹnẹyịmavara Ohomorihi Anisirẹrị ọ raà sị ẹngwọọrọ yị aza anị. Ọnị ụvọta vaa ra Ijerusarẹmị pooro.

Ahẹ Ụgama 95:11

Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.

Ijeremaya 31:2

Ẹnẹyịmavara kà, ọnị ộ vayị aza ene è yị re ve su ịnị ụnọmị. Ịjị Anisirẹrị nịnị ê sị ịzị ẹyaa na tụ́ ụhwọ́.

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Iwe Ọhụhị Imosiisi ana aa hị́ Ọyịvatụrọda 12:8

Ịjị ụmẹ ọnọọ òo tu, wẹ yị vaa nyayịnẹẹ mẹ ẹngụ ebira ọnị ụ waa mẹ nịnị aanị. Booro aanị, avaba ayị vị anaa mẹ o me ze yị eyi kẹnẹ.

Iwe Ọhụhị Imosiisi ana aa hị́ Ọyịvatụrọda 25:19

Agụvị avọọ, ịjị Ẹnẹyịmavara ọ̀ọ raà sị ẹtẹ oni o wo oto anị yị wụ nịnị, dị ọ raà sị ụhwọtụ yị wụ nịnị ịnị ụvọ ọnịvị awụ nịnị ana ra kara wụ nịnị; re ka waa wụ Anamarẹkị nịnị ha saka-saka. Dị a sị a kụkụ zụ tamayị ẹnịnị. A sị ayị hí wu nịnị o.

Iwe Ọhụhị Imosiisi ana aa hị́ Ọyịvatụrọda 3:20

Isoja ẹnịnị vaa saasa Anisirẹrị ana vọ pooro dị ẹnịnị ẹ dọ avaba ẹtẹ ọnị Ẹnẹyịmavara ana vị Ohomorihi ẹnịnị àa sị yị wa akẹnẹ irehu Ijodani eyi ọsa. Ịrẹsụ ọzọza ọ sị ẹtẹ nyị, dị isoja ọzọza vavẹ ịnị ẹtẹ anị.

Iwe Ọhụhị Imosiisi ana aa hị́ Ọyịvatụrọda 4:21

Imosiisi ka, agụvị ẹnịnị Ẹnẹyịmavara Ohomorihi ẹnịnị sị du ayị hi ọnị, dị ộ hị́ eku ka ọnị ẹ yị vaa jịnẹ irehu Ijodani na ngụ ẹtẹ ozoza ọnị ọnị aa sị yị wụ nịnị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.