Iwe Ọhụhị Imosiisi ana aa hị́ Ọyịvatụrọda 12:7 - IWE ỌNỊNỊ

⁷ Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Iwe Ọhụhị Imosiisi ana aa hị́ Ọyịvatụrọda 12:7 ပူးပေါင်းရင်းမြစ်များ

1 Ịtọpa 29:22

Ịhị ọnọọ dị ẹnịnị yà ọvịdị Ẹnẹyịmavara, dị ẹyaa rị ịsa, di eyee hú, dị ayị ẹnịnị ee hine nị. Ịhị ọnọọ ọ tụ́ ọ ụpọhụva ẹnẹ ẹnịnị nọ̀ ọ ka Isoromọnị ọ vị ohinọyị ẹnịnị nị. Ẹnịnị ệ nyị ọ ịnị ịrẹha Ẹnẹyịmavara, dị ẹ ka angwẹ hi ọ ịrẹsụ ẹnẹ ẹ sị sị ọ rị ohinọyị nị, dị ẹ rẹ nyị Ịzadọkị ka ọ̀ vị ohirẹsụ irehi Ohomorihi nị.

Inehemaya 8:9

Áza ẹnẹẹ mẹ wụ́ ịrẹyị ọda Ohomorihi, dị ẹ yaa jị òrèrè nị. Dị Inehemaya ana vị Ịgọvọnọ, ọnịrị Ẹzịra ohirẹsụ irehi Ohomorihi neberi Anireevi, anaa zụ ọza ịsa aa kụ wa ẹngụ nịya nị. Dị ẹ ka asị ẹnịnị va ẹngụ hi agụvị ka ẹkụhị ọnọnị vị ana sị tịtẹ yị Ẹnẹyịmavara ana vị Ohomorihi ẹnịnị nị.

Ịrẹyị Ọzwọzịsa 3:12

Ọnị ọ sị yẹ ka ẹ yị nyị ịsị ẹyị ọza nyẹngụ mẹ huni ka, yaa yị yà ịnị ụhwẹ, yaa jẹ dị yaa mẹ ọyịza.

Ịrẹyị Ọzwọzịsa 3:13

Ọzwọzịsa ka, ẹyịza Ohomorihi kẹnẹ ọọ mẹ ka ọza ọ̀ zụ re ịsa rị, dị oo hu, dị ọ zụ nyị ayohine tụ ịnị ụkọrọ anaa mẹ dị ẹ yị nyị eyi tụ́ ụhwọ́ nị.

Ịrẹyị Ọzwọzịsa 5:18

Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.

Ayịsaya 23:18

Ama ọgụ ọnị ọ̀ọ rị vị ọnị ọ vaa sịị yị Ẹnẹyịmavara. Ọza ọ yị kụkụ vaa kụ́ ọ tẹ. Aza ana ra ịda Ẹnẹyịmavara a vaa kụ́ ọgụ ẹnẹẹ naa yị nị. Dị ẹnịnị aa sị rị ịsa ẹtẹẹtẹrẹ, dị ẹ rẹ yaa sịị hị́ ịta ozozaa kú ẹngụ.

Ayịsaya 62:9

Ama ẹwụ nịnị ana chire akụ, dị mẹ̀ ẹ, ọ vaa rị ịsa anị dị ụ waa ga Ẹnẹyịmavara nị. Ẹwụ nịnị ene tenyi ọchị Igirepi, dị ụ kụ́ ẹtụtụ gụ o vee hú eche anị ịnị ohweje ene hi ini irehi Ohomorihi.

Ezikẹẹrị 44:3

Ọdọvịdị Anisirẹrị nịnị kẹnẹ ọ́ nyẹngụ yaatụ ịzọọ, dị ọ rị ịsa ọvịdị Ẹnẹyịmavara, oze aku ana a dà tụ oze ọbanyị ọnọọ ọ́ va zịị ngụ eehi, dị ọ rẹ zị avọọ jịnẹ nị.

Ijowẹrị 1:16

Áá vị eyi ayị ịsa ịnị aarẹ ayị vu hi ẹtẹ dị ẹ yị nyị ịrajẹ ọnịrị ayohine ịnị irehi Ẹnẹyịmavara?

Ijowẹrị 2:26

Ụ vaa nyị ịsọyịrị gwẹtẹ, dị ụ rị, dị ịnẹ ha awụ nịnị. Dị ụ waa ga Ohomorihi agụvị ịvọpa ọnị ọ mẹ̀ yị wụ. Ọza ẹ yị kụkụ vaa sị eyi wụ̀ ẹwụnị aza anị.

Ireevi 23:40

Ọ kà ịhị ọnọọ, ẹnịnị ẹ̀ há ẹtụtụ ene ozoza hu hụụnị ọchị ẹnịnị, dị ẹ̀ jị avụda ọnịrị avọ́ ọchị avị-avị; ẹnịnị ẹ̀ rẹ ká avị ana nyị ododo hụrị ụtọ okuha, dị ẹnịnị ẹ̀ ya ọvịdị Ẹnẹyịmavara ẹkụhị ịhịmba dị ee hine ayị.

Ịmarakayị 2:13

Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Iwe Ọhụhị Imosiisi ana aa hị́ Ọyịvatụrọda 12:12

Ụ vaa yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ. Ẹwụrị ezi ọnọrụ awụ nịnị ọnịrị anẹẹ. Ẹwụrị ọrịhị awụ nịnị anọrụ ọnịrị anẹẹ, beri Anireevi ana ra ẹkụra awụ nịnị; tamayị nịnị ka Anireevi nịnị ẹ yị nyị ẹtẹ yị ẹngụ ẹnịnị ụvọta.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:8

Ịjị ụmẹ ọnọọ òo tu, wẹ yị vaa nyayịnẹẹ mẹ ẹngụ ebira ọnị ụ waa mẹ nịnị aanị. Booro aanị, avaba ayị vị anaa mẹ o me ze yị eyi kẹnẹ.

Iwe Ọhụhị Imosiisi ana aa hị́ Ọyịvatụrọda 14:23

Na ọvịdị Ẹnẹyịmavara Ohomorihi awụ ịzị ọ̀ nyị ka a hẹkẹ ọnị, dị wa rị agẹẹwụ akụ awụ, ozi ịpaapa imaaru awụ ọnịrị atẹmẹ, di e hu agẹẹwụ eche ọnịrị angwẹ orivi. Mẹ ẹ agụvị dị ụ wa nyị angwahi Ẹnẹyịmavara Ohomorihi awụ pooro.

Iwe Ọhụhị Imosiisi ana aa hị́ Ọyịvatụrọda 14:26

Sị ẹkẹhị anị hị́ ịsa tụra ịsa ọnị wee sì. Ọ zụ vị uye, ịdẹba, eche, eche ọkatẹngụ. Ẹwụrị anovwoovu awụ ẹ rị ịsa ẹnẹnị vabẹ, di u wee hine ẹngụ ayị nịnị.

Iwe Ọhụhị Imosiisi ana aa hị́ Ọyịvatụrọda 15:20

Ịrayị-ịrayị, dị a kụ wa na aha ọnị Ẹnẹyịmavara Ohomorihi nyị ka a ya hẹkẹ ọnị. Dị a wụ̀ wa ịsa ịsọvọ yị Ẹnẹyịmavara, dị ọzọza ọnịrị ovwoovu anị rị ọ.

Iwe Ọhụhị Imosiisi ana aa hị́ Ọyịvatụrọda 26:11

Kụ́ Ẹnẹyịmavara Ohomorihi awụ avọ agụvị ọyịza-ọyịza ọnị ọ mẹ̀ yị ẹwụrị ovwoovu awụ nịnị. Anireevi ẹnịrị azọga ana ra beri wụ nịnị è beri wụ nịnị jị ịrajẹ.

Iwe Ọhụhị Imosiisi ana aa hị́ Ọyịvatụrọda 27:7

dị ụ mẹ̀ ịsọvọ, dị ụ rị ịsa ịsọvọ ẹvabẹ, di u wee hine ayị nịnị ọvịdị Ẹnẹyịmavara Ohomorihi awụ nịnị.

Iwe Ọhụhị Imosiisi ana aa hị́ Ọyịvatụrọda 28:47

Ẹnẹyịmavara ộ zị avaba oze mẹ ka ò ze yị wụ nịnị, ama wẹ yị zẹẹ ka wa sị ayohine ọnịrị ịrajẹ hẹkẹ ẹ nịnị.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.